Gramática - Academia de la Llingua Asturiana

XVIII.
Interrogativos
y esclamativos
230
Sobre'l comportamientu sintácticu de los interrogativos dientro del grupu
nominal, ver XXII.2.10.
1.2 Formes
Los interrogativos presenten les mesmes formes que los relativos, estremándose
d'ellos por estes notes:
- A diferencia de los relativos, los interrogativos son tónicos, esto ye, tienen
acentu de so, polo que puen apaecer solos formando enunciáu completu:
¿quién? ¿cuánto?
- Al interrogativu cuál nun-y correspuende forma átona que funcione
como relativu.
Hai que facer dos observaciones sobre los interrogativos:
- El masculín singular cuál, namái cuando ye sustantivu (non cuando ye
axetivu), alterna cola forma cuálu: ¿cuál ~ cuálu te lo dixo?, pero ¿cuál
señor?, non *¿cuálu señor?
- L'interrogativu ú alterna llibremente con aú (¿ú vas?, ¿aú vas?), a nun ser
cuando va acompañáu de pronome átonu (¿úlu?).
1.3 Conteníos
Los interrogativos presenten, en primer llugar, conteníos de mena morfolóxica:
- Xéneru, que permite estremar ente masculín, femenín y neutru en cuál /
cuála / cuálo; cuántu / cuánta / cuánto.
- Númberu, que permiten estremar ente singular y plural nos casos de cuál /
cuálos, cuála / cuáles; cuántu / cuántos y cuánta / cuántes.
Como se ve, namái cuál y cuántu presente variaciones morfolóxiques. Per
otru llau, los interrogativos presenten tamién otros conteníos de mena léxica:
- Persona, en quién.
- Llugar, en ónde y ú.
- Tiempu, en cuándo.
- Mou, en cómo.
- Cantidá, en cuántu -a -o.
Los interrogativos qué y cuál nun s'asocien a conteníos específicos.