Gramática - Academia de la Llingua Asturiana

tremenda. Nel casu de quien y cuantu, l'usu ensin antecedente ha considerase
como l'únicu normal: quien la fai págala; cuanta más allegría sentíen
más cantaben.
3
Conteníos
Arriendes de los mentaos, los relativos puen presentar tamién los conteníos
específicos que siguen darréu:
- Conteníos léxicos: persona (quien), llugar (onde, u), tiempu (cuando),
mou (como) y cantidá (cuantu). El relativu que nun s'asocia a nengún
conteníu léxicu específicu. Ha tenese en cuenta que'l conteníu locativu
de onde y u pue entendese en sentíu reutu (la casa onde vivo), pero
tamién figuráu (el problema onde fallasti).
- Conteníos morfolóxicos: xéneru y númberu, presentes namái en cuantos /
cuantes. Amás, los relativos quien, onde, u, cuando, como y cuantu
amuesen el mesmu conteníu identificador que l'artículu.
4
El so emplegu
Darréu fáense delles observaciones sobre les formes y emplegu de los
relativos que, quien, onde o u y cuantu.
4.1 Que
Nun presenta variaciones de xéneru nin númberu. Ye'l relativu más neutral,
lo mesmo en conteníu léxicu qu'en posibilidaes d'emplegu. De fechu,
na llingua falada que pue sustituyir davezu a otros relativos, como ye'l
casu de cuando en l'añu que nos conocimos morrió mio güelu.
Que ye'l relativu qu'intervién en construcciones enfátiques que lleven
como antecedente un axetivu: lo guapu que ye esi pueblu descubriránlu al
velu, lo llista que ye la to neña sábenlo los maestros, ta claro lo males que
paecen eses ablanes.
4.2 Quien
El trazu carauterísticu y restrictivu de quien respeuto de los otros relativos,
ye que siempre fai referencia a persona. Morfolóxicamente nun almite
XVII.
Los relativos
227