Gramática - Academia de la Llingua Asturiana

TENER + PARTICIPIU
Perífrasis perfeutiva. Indica qu'una aición produzse de contino repetíes
vegaes, pero fina enantes d'una llende temporal determinada. Exemplos:
Xuana tien venío per esti pueblu abondes vegaes, teníes díchomelo cuando
ella lo supo, teníala llamao a un teléfonu vieyu.
LLEVAR + PARTICIPIU
Tien el mesmu conteníu que l'anterior. Exemplos: Xuana lleva venío per
esti pueblu abondos díes, llevabes díchomelo munches vegaes cuando él
lo supo, lleven falao conmigo un cientu veces.
HABER + PARTICIPIU
Dexa afitao qu'una aición pudo producise si se cumplieren delles circunstancies.
Úsase davezu col verbu auxiliar n'infinitivu o en pretéritu imperfeutu
de suxuntivu, y con entonación esclamativa: ¡habémelo dicho!,
¡hubiéres-ylo consultao! El conteníu d'esta perífrasis pue espresase tamién
per aciu del imperfeutu de suxuntivu: ¡dixérasmelo!, ¡consultáras-ylo!
14.4 Perífrasis del verbu auxiliar
N'abondos casos, el verbu auxiliar d'una perífrasis pue emplegase na so
conxugación propia (dexo de fumar) o en perífrasis (voi dexar de fumar).
Exemplos: acabes por dexalo too / vas acabar por dexalo too, esa muria
taba pa cayer más d’una vez / esa muria tenía tao pa cayer más d'una vez,
tiénesmelo dicho un cientu vegaes / debes tenémelo dicho un cientu vegaes,
echa a correr cuandu lu veas / has echar a correr cuando lu veas,
vamos finando / hai que dir finando, etc.
XVI.
El verbu
225