Gramática - Academia de la Llingua Asturiana

TAR POR + INFINITIVU
Espresa qu'una aición ta percerca de producise o que se quier qu'asoceda;
úsase referida a suxetos animaos. Exemplos: toi por dici-yos cuatro verdaes,
la so hermana taba por ayudalu, toi por facelo.
TENER (DE) + INFINITIVU
Espresa obligación, con un claru matiz de futuru. L'emplegu de la preposición
de ye optativu. Exemplos: tengo de subir (tengo subir) al árbol, tien
d'encuriosar (tien encuriosar) tol cuartu, teníen de cantar (teníen cantar)
meyor.
TENER QUE + INFINITIVU
Equival a l'anterior. Exemplos: tengo que subir al árbol, tien qu'encuriosar
tol cuartu, teníen que cantar meyor.
VENIR A + INFINITIVU
Espresa qu'una aición se produz d'una manera aproximada o incompleta.
Exemplos: esi llibru vien a costate unes mil pesetes, con eses pallabres
vien a dicinos que les nueses esperances nun tienen sentíu.
VENIR DE + INFINITIVU
Perífrasis perfeutiva equivalente a acabar (de) + infinitivu. Espresa que
l'aición perfáise nun pasáu puntual inmediatu. Exemplos: vien de dicime
que nun pue facelo, vien de llover, vien de llegar d'un viaxe perllargu.
VOLVER (A) + INFINITIVU
Perífrasis iterativa. Espresa qu'una aición yá asocedida produzse otra
vegada; l'emplegu de la preposición a ye optativu. Exemplos: foron a
Atenes, pero volvieron (a) dir anguaño; tu volvi (a) facelo y acostina coles
consecuencies: entrugué-y, pero como nun respondió volví (a) entruga-y.
14.2 Perífrasis de xerundiu
ACABAR + XERUNDIU
Equival a la perífrasis acabar por + infinitivu. Exemplos: si lo pienses de
verdá acabes dexándolo too, yera tan difícil aquello qu'acababes tarreciéndolo.
ANDAR + XERUNDIU
Perífrasis imperfeutiva. Espresa que l'aición desendólcase de contino y
XVI.
El verbu
223