Gramática - Academia de la Llingua Asturiana

c) La omisión de daqué que nun se ye a espresar o nun se pue dicir: ¿sabes
cómo llamó a Xuan? llamólu... nun te lo digo.
Tamién s'empleguen pa indicar qu'a una oración fálta-y daqué al emprimar:
...y suañaben que la teníen.
2.13 El paréntesis
El paréntesis ( ) emplégase pa facer un incisu o aclaramientu dientro d'una
oración: el so llibru de poemes (espublizáu facía dos años) yera ún de los
más lleíos del país; la ONU (Organización de les Naciones Uníes) encamentó
a los países miembros el respetu polos drechos humanos; la so
muyer ye nacida en Candanal (Villaviciosa).
2.14 Les comines
Les comines (“ ”) o (« ») úsense:
a) Pa reproducir vierbu a vierbu un testu o un fragmentu de testu: eso ta
debaxo del lletreru que pon “falái sele”; yá lo diz el refrán: “pue más
el güeyu que’l botiellu”.
b) Pa destacar una espresión dientro del testu. Asina se fai con espresiones
d’otres llingües, con vulgarismos o dialeutalismos y con usos irónicos
o humorísticos: “arrivederci” dícenlo los italianos; ¡qué “presto”, ma!;
los del pueblu d’arriba dicíen “teléfano”; esi nun ye un cantante, esi
ye un “rinchador”.
c) Con títulos d’obres, nomes de grupos o d’entidaes diverses: el primer
llibru que lleó n’asturianu foi “La Fonte del Cai”; yeren aquelles
dómines glorioses de “Los Cuatro Ases”; el Premiu de Narración
“Xosefa Xovellanos”.
d) Colos nomatos y nomes d’animales: falé ayeri con Xuanón “El Piru”;
de les mios vaques, la que da más lleche ye la “Llucera”.
3
Usu de les iniciales mayúscules
Escríbese inicial mayúscula en casos como estos:
a) Al entamar un escritu.
I.
L’alfabetu
21