Gramática - Academia de la Llingua Asturiana

XVI.
El verbu
200
CORRER: él cuerre / cuerri (o corri tu); APURRIR: él apurre / apurri tu. Lo
mesmo-yos asocede a los verbos con raíz acabada en consonante más /-θ,
-l, -n, -r, -s/. Exemplos: FRANCER: él france / franci tu; TORCER: él tuerce /
tuerci (o torci) tu; GUARNIR: él guarne / guarni tu.
Los verbos de la 2ª y 3ª conxugaciones que terminen la raíz en vocal más
/- s/ puen suprimir o caltener les vocales -e de la 3ª persona del singular
del presente d'indicativu y -i del imperativu singular. Exemplos: TEXER: él
texe o tex / texi o tex tu; PROTEXER: él protexe o protex / protexi o protex
tu; RUXIR: él ruxe o rux / ruxi o rux tu; ELIXIR: él elixe o elix / elixi o elix
tu; CORREXIR: él corrixe o corrix / corrixi o corrix tu.
13.2.3 -I POR -E
En dellos verbos de la 2ª y 3ª conxugaciones, la 3ª persona del singular del
presente d'indicativu nun acaba en -e, sinón en -i, al precedela otra vocal
cola que fai diptongu. Exemplos: él fai, él cai, él trai (o traye), él oi (u
oye), él rai (o raye), él roi (o roye), a él prui (o pruye), él inflúi (o influye),
él constrúi (o construye). Pero: él cree, él llee.
13.2.4 VERBOS EN -(Y)ER YEN-(Y)IR
Un garapiellu de verbos de la 2ª y 3ª ufren dos posibilidaes de conxugación.
Per un llau, dende les terminaciones -ER, -IR; per otru llau, dende les
terminaciones -YER, -YIR, d'u resulta una conxugación más regular.
Exemplos:
CAER: caigo, caes, caemos, caía, caí, caeré, caería, caiga, caéi, caíu...
CAYER: cayo, cayes, cayemos, cayía, cayí, cayeré, cayería, caya, cayéi,
cayíu...
CREER: creo, crees, creemos, creía, creí, creeré, creería, crea, creéi, creíu...
CREYER: creyo, creyes, creyemos, creyía, creyí, creyeré, creyería, creya,
creyéi, creyíu...
RAER: raigo, rais, rai, raía...
RAYER: rayo, rayes, rayemos, rayía, rayí, rayeré, raya, rayéi...
TRAER: traigo, traes, traemos, traía, traeré, traería, traiga, traéi, traíu...
TRAYER: trayo, trayes, trayemos, trayía, trayeré, trayería, traya, trayéi,
trayíu...
INFLUIR: inflúis, inflúi, influimos, influía, influí, influiré, influiría, influíi,
influíu...
INFLUYIR: influyes, influye, influyimos, influyía, influyí, influyiré, influyiría,
influyíi, influyíu...