Gramática - Academia de la Llingua Asturiana

dolgáis (o doláis); VALIR: vales, valiesti, valiere, valiendo, pero valgo, valgas,
valga, valgamos.
Verbos que nel futuru y nel condicional amiesten a la raíz una -d enantes
de la desinencia: FACER: fadré (o fairé), fadría (o fairía); DOLER: doldrá (o
dolerá), doldría (o dolería); GOLER: goldrán (o golerán), goldríen (o goleríen);
MOLER: moldrás (o molerás), moldríes (o moleríes); VALIR: valdré,
valdría; SALIR: saldrás, saldríes; PONER: pondrá, pondría; QUERER: quedremos,
quedríemos; SER: sedréis (o seréis), sedríeis (o seríeis).
13.2 Irregularidaes nes desinencies
13.2.1 REDUCCIÓN DE IE, IO, A E, O
Los verbos de la 2ª y 3ª conxugaciones qu'acaben la raíz en consonante
palatal -ch, -y, -x, -ll o -ñ reducen los diptongos ie y io de les desinencies
a e y o, respeutivamente. Exemplos: COYER: coyó, coyeron (non *coyió,
*coyieron); FUXIR: fuxó, fuxesti (non *fuxió, *fuxiesti); MULLIR: mulló,
mullendo (non *mullió, *mulliendo); MUÑIR: muñó, muñere (non *muñió,
*muñiere). Lo mesmo asocede colos verbos pruyir, creyer, texer, correxir,
ruxir, elixir, cinxir, bullir, frañer o frañir, ciñir, tiñir, etc.
Los verbos de la 2ª y 3ª conxugaciones qu'acaben la raíz en -i reducen los
diptongos ie y io de les desinencies a e y o respeutivamente. Exemplos:
RIR: rió, rieron; FRIR: friesti, frió.
13.2.2 PERDA DE -E, -I FINALES
Los verbos de la 2ª y 3ª conxugaciones qu'acaben la raíz en vocal + /θ, l,
n, r, s/ pierden la -e de la 3ª persona del singular del presente d'indicativu
y la -i del imperativu singular. Exemplos: CONOCER: él conoz / conoz tu;
ESCAECER: él escaez / escaez tu; XORRECER: él xorrez / xorrez tu; TARRECER:
él tarrez / tarrez tu; COCER: él cuez / cuez tu; ESTRUCIR: él estruz / estruz
tu; LLUCIR: él lluz / lluz tu; DICIR: él diz; DOLER: él duel / duel tu; SOLER: él
suel / suel tu; VALIR: él val / val tu; SALIR: él sal / sal tu; PONER: él pon /
pon tu; TENER: él tien / ten tu; VENIR: él vien / ven tu; QUERER: él quier /
quier tu; PREFERIR: él prefier / prefier tu; COSER: él cues / cues tu (o cuesi
tu, cosi tu); TUSIR: él tus / tus tu (o tusi tu); DIXERIR: él dixer / dixer tu;
MOLER: él muel / muel tu (o mueli tu).
Caltienen, sin embargu, eses vocales finales: FIRIR: él fire / firi tu; DILIR: él
dile / dili tu; PARIR: ella pare / pari tu. Tamién caltienen les vocales los verbos
cola raíz en vocal más /-r- /: MORRER: él muerre / muerri (o morri) tu;
XVI.
El verbu
199