Gramática - Academia de la Llingua Asturiana

XVI.
El verbu
198
mido, mides, mide, mida, midas, midamos, midió, midiera, midiendo,
midimos, midís, midiré, midirás, midiríes, etc. De la mesma manera compórtense
verbos como cinxir, ciñir, dicir, dilir, dimir, elixir, esixir, firir,
riñir, siguir, tiñir, vistir, ximir, etc.
Los verbos RIÑIR (riño, riñiré) y DIMIR (dimo, dimiré) presenten tamién les
variantes REÑER, DEMER, que se conxuguen calteniendo siempre la e: reño,
reñeré, demo, demeré.
13.1.4 VERBOS QU’ALTERNEN E, IE, I
Exemplos: SENTIR: sentimos, siento, sintiendo; MENTIR: mentirás, mienta,
mintiere; CONVERTIR: convertiesti, convierten, convirtamos; ARREPENTISE:
arrepentíase, arrepiéntome, arrepintiéraste.
13.1.5 VERBOS QU’ALTERNEN O, UE, U
• VERBOS QU’ALTERNEN O, UE, U NA RAÍZ
L'únicu exemplu ye DORMIR: dormimos, duermo, durmiendo. Téngase en
cuenta que lo normal ye que los verbos que presenten vocal u tónica na
raíz la caltengan en tola conxugación. Asina, por exemplu, el verbu SUFRIR
fai sufro, sufren, sufrimos, sufriera. Lo mesmo asocede con verbos como
abusar, acutar, allumar, buscar, cuntar, cuspir, escuchar, gustar, llucir,
puxar, sudar, xuncir, etc.
Pela so parte, los verbos acutar, cuntar y xuncir tienen tamién como
variantes acotar, contar, xoncer; los dos últimos alternen o ~ ue na so conxugación:
cuento, cuenten, contái, contó; xuenzo, xuences, xonceré, xonciéremos.
• VERBOS QU’ALTERNEN U, UE NA RAÍZ
L'únicu exemplu ye XUGAR: xugamos, xugando, xuego, xueguen.
13.1.6 VERBOS QU’ALTERNEN AI ~ AÍ, AU ~ AÚ
Exemplu del primer casu ye ENTAINAR: entainaben, entainasti, pero entaíno,
entaína. Exemplu del segundu casu ye AUNIR: aunimos, auniera, pero
aúno, aúnes.
13.1.7 VERBOS QU’AMIESTEN CONSONANTES A LA RÁIZ
Dellos verbos alternen -l o -lg como consonantes caberes de la raíz.
Exemplos: MOLER: mueles, molemos, molía, moliere, pero muelgo (o
muelo), muelga (o muela), molgáis (o moláis); DOLER: dolió, doliere, duelen,
dolíen, pero duelgo (o duelo), duelga (o duela), duelgan (o duelan),