Gramática - Academia de la Llingua Asturiana

Pero l'imperativu singular de los verbos diptongadores de la 2ª y 3ª conxugaciones,
con sílaba tónica, permite lo mesmo'l diptongu que la vocal
sin diptongar. Exemplos: pierdi o perdi, fiervi o fervi, viendi o vendi,
priendi o prendi, ofiendi u ofendi.
Pelo contrario, otros munchos verbos con raíz en e caltiénense regulares
en tola so conxugación, amosando siempre e. Ye'l casu de verbos como
beber, cenar, defender, dixerir, fregar, medrar, pescar, semar, xelar, etc.
Pela so parte, otros verbos presenten el diptongu ie en tola conxugación;
los más conocíos son avieyar y ufiertar.
13.1.2 VERBOS QU’ALTERNEN O, UE
Exemplos: MOVER: movemos, movíes, movisti, movieras, moverás, moveríes,
moviendo, movíu, etc., pero muevo, mueves, mueva, muevas, muevi,
etc. De la mesma manera compórtense verbos como acordar, emporcar,
folgar, rodar, soltar, torcer, volar, etc. Véase l'usu de la diéresis nel verbu
GOLER: goléis, golía, güelo, güel. Sobre l'alternancia «o», «ue», ver
II.3.1.3.
Diptonguen tamién afogar, albortar, amosar, correr, coser, coyer, esconder,
esfoyar, moyar, romper, sorber, asina como los derivaos escorrer, percorrer,
descoser, acoyer, encoyer, desencoyer, escoyer, recoyer, remoyar,
derromper, corromper, absorber.
Sicasí, l'imperativu singular de los verbos diptongadores de la 2ª y 3ª conxugaciones,
con sílaba tónica, permite'l diptongu o la vocal sin diptongar.
Exemplos: tuerci o torci, cueyi o coyi, ruempi o rompi, escuendi o escondi,
cuesi ~ cues o cosi, cuerri o corri, suerbi o sorbi.
Pelo contrario, otros munchos verbos con raíz en o caltiénense regulares
en tola so conxugación, nun amosando nunca'l diptongu ue. Ye'l casu de
verbos como atopar, chocar, colar, comer, llograr, montar, podar, votar,
etc.
Otros verbos presenten el diptongu ue en tola conxugación; los más conocíos
son agüeyar y retueyar.
13.1.3 VERBOS QU’ALTERNEN E, I
Exemplos: CORREXIR: correximos, correxía, pero corrixo, corrixendo;
REPETIR: repetiré, repetíu, pero repitió, repitiendo.
De toes maneres, esta irregularidá afeuta a pocos verbos, porque la mayoría
caltienen i en tola conxugación. Asina, por exemplu, el verbu MIDIR fai
XVI.
El verbu
197