Gramática - Academia de la Llingua Asturiana

CER fai conozo, conoces, conoz, conoza, conozas, conozamos, conozáis,
conozan, etc. El mesmu comportamientu amuesen verbos como alloquecer,
atapecer, cocer, escaecer, merecer, nacer, paecer, tarrecer, torcer,
xorrecer, esmucir, estrucir, llucir, xuncir, etc.
12.5 Esquema acentual de los verbos en -iar
Les formes verbales estrémense en fuertes y débiles. Formes fuertes son
aquelles nes que la sílaba tónica s'alluga na raíz: falo, fales, llamben,
llambi, apurra. Formes débiles son aquelles nes que la sílaba tónica s'alluga
na desinencia: falamos, falaba, llambía, llamberás, apurríu, apurriere.
Los verbos de la 1ª conxugación con raíz acabada en vocal /i/, esto ye, los
verbos en -iar, pue clasificase en dos grandes tipos:
a) Los verbos que nes formes fuertes reciben l'acentu na sílaba anterior a
la /i/ final de la raíz, que forma diptongu coles vocales desinenciales.
Son la mayoría. Exemplos: ACOSTACIAR: acostacio, acostacies, acostacia,
acostacien, acostacie; AFUMIAR: afumio, afumies, afumia, afumien,
afumie; BLANQUIAR: blanquio, blanquies, blanquia, blanquien,
blanquie; BRACIAR: bracio, bracies, bracia, bracien, bracie; ESGON-
CIAR: esgoncio, esgoncies, esgoncia, esgoncien, esgoncie; ESTROPIAR:
estropio, estropies, estropia, estropien, estropie; UNVIAR: unvio,
unvies, unvia, unvien, unvie; VACIAR: vacio, vacies, vacia, vacien,
vacie; etc.
b) Los verbos que nes formes fuertes reciben l'acentu na /i/ final de la
raíz, formando hiatu coles vocales desinenciales. Son pocos verbos.
Exemplos: AFIAR: afío, afíes, afía, afíen, afíe; CONFIAR: confío, confíes,
confía, confíen, confíe; ESVIAR: esvío, esvíes, esvía, esvíen, esvíe;
etc.
Ha notase qu'un verbu como ARRODIAR "dar vueltes alredor" sigue'l
modelu primeru (arrodio, arrodies, arrodia, arrodien, arrodie), pero
ARRODIAR "arrodiyar, ponese de rodíes o rodiyes" conxúgase acordies col
modelu segundu (arrodío, arrodíes, arrodía, arrodíen, arrodíe).
Nun s'escaeza, de toes maneres, que dellos verbos presenten un infinitivu
en -ear. Esti ye'l casu de ARREAR, EMBREAR, ENFEAR, DESEAR, OLDEAR, etc.
Na conxugación d'estos verbos, les formes fuertes reciben acentu na /e/
final de la raíz: arreo, arrees, arrea, etc.
XVI.
El verbu
195