Gramática - Academia de la Llingua Asturiana

XVI.
El verbu
194
12.4 Irregularidaes ortográfiques
Munchos verbos presenten alteraciones de mena ortográfica na so conxugación,
que nun reflexen nenguna alteración na so constitución fónica.
Son éstes:
• Alternancia de «i» ~ «í», «u» ~ «ú» na vocal final del lexema.
Esto sucede cuando'l lexema termina nuna vocal nuclear tónica; la presencia
del acentu débese al hiatu que forma con vocales desinenciales. Por
exemplu:
TRIAR: triamos, triabes, triaré, triando, pero trío, tríen, tría, etc.
RUAR: ruamos, ruabes, ruaré, ruando, pero rúo, rúen, rúa, etc.
• Alternancia de «c» y «qu» como consonante final del lexema.
Por exemplu:
MERCAR: merco, mercasti, mercó, mercaré, etc., pero merques, merquen,
merqué, merquestis, etc.
RIQUIR: rica, ricamos, ricáis, rican, etc., pero riques, riquimos, riquíes,
riquirá, etc.
• Alternancia de «g» y «gu» como consonante final del lexema.
Por exemplu:
TORGAR: torgo, torgáis, torgaron, torgaba, pero torguen, torgué, torgue,
torguesti, etc.
SIGUIR: sigo, sigamos, sigáis, pero siguís, siguiendo, siguiría, siguíu, etc.
• Alternancia de «gu» y «gü» como consonante final del lexema.
Por exemplu:
NAGUAR: naguo, naguamos, naguaba, naguasti, pero nagües, nagüen,
nagüesti, etc.
• Alternancia de «c» y «z» como consonante final del lexema. Por
exemplu:
TARAZAR: taraces, taracé, taracesti, etc., pero tarazo, tarazáremos, tarazando,
tarazarán, etc.
FRANCER: frances, francía, franciere, franció, pero franzo, franzas, franzamos,
etc.
Amás, alviértase que los verbos de la 2ª y 3ª conxugaciones que tienen la
raíz acabada en /θ/, esto ye, los verbos en -cer y en -cir, caltienen con regularidá
esi fonema na so conxugación. Asina, por exemplu, el verbu CONO-