Gramática - Academia de la Llingua Asturiana

XVI.
El verbu
190
- 1ª conxugación: verbos con infinitivu en -ar (falar, mercar, baxar, aguardar,
dar...)
- 2ª conxugación: verbos con infinitivu en -er (llamber, beber, meter, goler,
ser...). Ha tenese en cuenta que los siguientes verbos son de la 2ª conxugación:
esparder, oyer, ferver, morrer, toyer, bater (y los sos derivaos:
referver, abater, etc.).
- 3ª conxugación: verbos con infinitivu en -ir (apurrir, partir, subir, salir,
dilir, dir...). Los siguientes verbos son de la 3ª conxugación: tusir, valir,
vertir (y los sos derivaos equivalir, convertir, etc.).
Dellos verbos inxérense indistintamente na 2ª o na 3ª: francer o francir,
demer o dimir, añader o añadir, reñer o riñir, etc. Dalgunos conxúguense
indistintamente na 1ª y na 3ª: algamar o algamir. Otros, pela so parte,
almiten les tres conxugaciones: frañar, frañer o frañir.
Nes páxines siguientes preséntense los modelos de les tres conxugaciones
de verbos regulares.