Gramática - Academia de la Llingua Asturiana

f) Pa indicar qu'una pallabra sigue na ringlera siguiente:
yeren asturianos
2.5 El guión llargu
El guión llargu ( – ) emplégase en casos como los siguientes:
a) Pa encabezar el falamientu d'un personaxe nuna ringlera.
b) Pa insertar un incisu dientro d'una oración, nun usu mui asemeyáu al
del paréntesis.
2.6 Los signos d'entruga
Los signos d'entruga o d'interrogación ( ¿? ) empléguense al principiu y a
la fin d'una entruga direuta: ¿qué faes aende?
2.7 Los signos d'esclamación
Los signos d'esclamación ( ¡ ! ) empléguense al principiu y a la fin d'una
esclamación: ¡qué fríu fai!
2.8 La coma
La coma ( , ) escríbese cuando se quier indicar una pausa curtia dientro la
oración. Asina, por exemplu, nestos casos:
a) Pa insertar un incisu dientro la oración: tolos díes, a nun ser los xueves
y vienres, axuntábase colos amigos na tertulia.
b) Pa xebrar un vocativu del restu de la oración: ¡á rapazos, quitáivos
d'ehí!
c) Nes enumeraciones o elementos d'una mesma serie non separtaos por
conxunción: van venir Pedro, Xuana, Ester y Mauricio; había fruta de
toes clases: mazanes, peres, figos, piescos.
d) Pa estremar un elementu que ta n'aposición esplicativa: Uviéu, capital
d'Asturies, ye una ciudá con grandes riqueces artístiques.
e) Pa xebrar una oración relativa esplicativa: los neños, que taben percansaos,
quedaron dormíos darréu.
I.
L’alfabetu
19