Gramática - Academia de la Llingua Asturiana

I.
L’alfabetu
16
• Dígrafos
Dellos fonemes represéntense per aciu d'una pareya de lletres:
DÍGRAFU NOME FONEMA
ch che /ĉ/
gu + e, i — /g/
ll elle /l/
qu + e, i cu /k/
rr (ente vocales) erre doble /r - /
Arriendes del valor fonolóxicu que s'amuesa nes tables, ha tenese en cuenta
que delles lletres representen tamién, en determinaes posiciones, ciertos
archifonemes consonánticos. Ye'l casu de «m» y «n», que manifiesten l'archifonema
/N/ en final de sílaba (camba, manguán); «r», que val pol archifonema
/R/ en final de sílaba (parllar), en principiu de pallabra (rocea) o
nos grupos pr, tr, cr, br, dr, gr, fr, zr (probe, trabe, cruz, llibre, lladral,
agriu, freba, zreza); «l», que representa l'archifonema /L/ en final de sílaba
(colcha, figal) o nos grupos pl, tl, cl, bl, gl, fl (plizcu, atleta, enxencle,
ablana, glayar, inflar).
De la mesma manera, en pallabres d'aniciu cultu pue considerase tamién
la presencia de los siguientes archifonemes en final de sílaba: /B/, pola
neutralización de /p/ y /b/ (aptu, absurdu); /D/, pola neutralización de /t/ y
/d/ (atmósfera, admonitoriu); y /G/, pola neutralización de /k/ y /g/ (arácnidu,
magnesiu).
1.2 Grafíes dialeutales
La ortografía asturiana aconseya, amás, l'emplegu del dígrafu «ll» ("lle" o
"lle vaqueira"), de la lletra «h.» ("hache aspirada") y de los dígrafos «ts» y
«yy» cuando se quieran reproducir pallabres o pronunciaciones propies de
determinaes fasteres d'Asturies.
1.2.1 GRAFÍA «LL ..»
La «ll» representa, según les zones, soníos del tipu [ˆs ], [ˆz ], [t] o [d], consideraos,
a efeutos del sistema consonánticu, variantes del fonema /l/.