Gramática - Academia de la Llingua Asturiana

Nun hai que-y lo dicir, non; hai que-y lo espetar.
Esto ye non favoratible y nun ye aconseyable.
5.7 ALVERBIOS DE DULDA
Son alverbios de dulda los que siguen: acasu, escurque, guapamente,
igual, mesmo ~ mesmamente, pémeque, quiciás ~ quiciabes, seguro ~
seguramente, seique. Exemplos: acaso lo faiga, pero nun sabemos; nun sé
qué hora ye, pero guapamente son les siete; igual son les siete; mañana
piesllen les tiendes, pémeque; ¿vas dir? —non, seique.
5.8 ALVERBIOS DE XUNTURA
Los alverbios de xuntura o d'enllaz permiten afitar los llazos semánticos
ente dos oraciones o ente una oración y el contestu. Puen espresar, ente
otros, los mesmos valores que les conxunciones coordinatives, a nun ser
el de dixunción. Sicasí, ha tenese en cuenta qu'esi papel cohesivu depende
non solo del alverbiu (ye dicir, del so significáu léxicu), sinón tamién
de la función que desempeñen (complementu circunstancial de tola oración,
ver XXIII.3.8); poro, toos ellos pierden el mentáu papel cuando s'integren
—los que puen— nel predicáu verbal como simples complementos
circunstanciales. Los alverbios de xuntura o d'enllaz puen ser:
Consecutivos: poro, entós, asina, etc.
Amestadores: amás, tamién, tampoco, etc.
Adversativos: sicasí, etc.
5.9 ALVERBIOS RELATIVOS YA INTERROGATIVOS
Anque nun son alverbios propiamente dichos, presenten carauterístiques
comunes los relativos onde, u, au, cuando, como y los interrogativos y
esclamativos ónde, ú, aú, cuándo y cómo.
6
Locuciones alverbiales
Xunto a los alverbios yá vistos, la llingua cuenta con una gran bayura de
locuciones alverbiales, o seya, d'espresiones complexes centraes xeneralmente
nun sustantivu o nun axetivu (delles veces nun alverbiu), que llogren
sentíu y función unitaries equivalentes a les d'un alverbiu cenciellu.
Les locuciones alverbiales puen ser:
XIV.
L’alverbiu
157