Gramática - Academia de la Llingua Asturiana

otru elementu de la oración o del sintagma: fales bien, fala bien, falamos
bien, falen bien; medio llocu, medio lloca, medio llocos, medio lloques.
Polo tanto, l’alverbiu amuesa solamente una parte lexemática, tando desprovistu
de morfemes.
Nesa parte lexemática puen apaecer en dalgunos casos dellos afixos.
Asina, el prefixu de superlativu per- y el sufixu tamién de superlativu -ísimo
(-ísima), como yá se vio enriba. Dellos alverbios almiten tamién el sufixu
diminutivu -ino o -iquino (en dalgún casu -ina): tardino, tardiquino, bastantina,
cerquina, mañanina, selino, seliquino, poquino; el sufixu diminutivu
-uco (en dalgún casu -uca): tarduco, cercuca; y el sufixu aumentativu
-ón, -ono (en dalgún casu -ona): arribón, abaxón, alantrón, cercona, munchono.
En dalgunos casos, un alverbiu pue amosar como variante un incrementu
-s, pudiendo camudar la -i final en -e (-is > -es), qu’enxamás amiesta nengún
significáu: siempre ~ siempres, ayuri ~ ayures, dayuri ~ dayures, nenyuri
~ nenyures. Esto mesmo atópase tamién en dalgunos de los alverbios
con sufixu aumentativu: arribón ~ arribones, abaxón ~ abaxones, alantrón
~ alantrones. Dacuando esti incrementu cueye la forma -enes: entoncies ~
entóncenes. Del mesmu tipu ye l'incrementu -na que s'amiesta dacuando a
delles formes, como en ansí ’ asina, ahí ’ ahína, allí ’ allina.
Anque nun ye procedimientu frecuente, una riestra d'alverbios presenten
un sufixu -mente, niciu de que proceden d’un axetivu en forma femenina:
rápidamente, guapamente, puramente, xeneralmente, mesmamente, solamente,
etc. Pero en dellos casos -mente nun ye más qu’un incrementu que,
amestáu a lo que yá yera un alverbiu, nun trai nengún cambiu de significáu:
cuasi ~ cuasimente, quiciabes ~ quiciabesmente, arré ~ arrémente,
siquiera ~ siquieramente, dafechu ~ dafechamente. N'otros casos, como
nel alverbiu bramente, -mente nun se reconoz como elementu dixebrable
nin como incrementu añadíu a una base léxica.
3
Adautación d'axetivu a alverbiu
Los axetivos puen adautase a categoría alverbial per aciu de dos procedimientos.
En primer llugar, cola inmovilización morfemática, fixando la
terminación propia del neutru: préstame poco esa película, convién filar
fino, vieno primero Beatriz, miróme torcío, trabaya mui curioso, corríen
rápido, colaron escapao, espresáronse claro, cantaben sele, falái prudente,
yá fala regular l'inglés.
XIV.
L’alverbiu
151