Gramática - Academia de la Llingua Asturiana

XIII.
Los pronomes
personales
148
a) Orde complementu indireutu + complementu direutu.
Tien delles modalidaes:
- Complementu indireutu + lu la lo los les. Exemplos: l'abrigu comprómelu
nesi comerciu, les corbates comprómeles nesi comerciu, la camisa
comprónosla nesi comerciu, el tabacu comprónoslo nesi comerciu, los
neños mándenvoslos a la escuela, les revistes mándenvosles a casa, al
rapacín el cuentu cuntémos-ylu anueche, al rapacín les cosadielles cuntémos-yles
anueche, a los rapacinos la hestoria cuntémos-yosla anueche, a
los rapacinos eso cuntémos-yoslo anueche.
- Se + complementu direutu. Exemplos: a min véseme bastante cansáu del
trabayu, a vós nótasevos mui atristayaes estos díes.
b) Orde complementu direutu o incrementu reflexivu + complementu
indireutu.
Amuesa estes variedaes:
- Se + complementu indireutu. Exemplos: quixi yo dir el primeru, pero
adelantóseme ella; el secretariu quéxasete d'abondu trabayu; niéguensenos
tolos drechos; esi rapazacu púnxosevos bastante farrucu; la emplegada
arrónchase-y siempre que pue; el paxarín afogóse-yos na xaula.
- Te + me o nos. Exemplos: quiero yo dir el primeru, pero tu adelántesteme;
cuando yo quiero dir el primeru, tu nunca te m'adelantes; tu quéxesteme
muncho; queremos nós dir los primeros, pero tu adelántestenos;
cuando nós queremos dir los primeros, tu nunca te nos adelantes; tu
nunca te nos quexes nada.