Gramática - Academia de la Llingua Asturiana

les llárimes, pero tengo que m'ensugar les llárimes; nun te preocupes,
pero nun t'allories; ¿cuándo se faen les fiestes?, pero ¿cuándo s'habíen de
facer les fiestes?
3.1.3 PERDA DE CONSONANTES EN DELLES FORMES VERBALES
Como norma de tipu xeneral, una forma verbal caltiénse intauta na fala y
na escritura al amesta-y pronomes átonos. Asina asocede, por exemplu,
coles formes presta, vienden, ye, dábemos, falando, que conserven la so
forma nes secuencies préstame, viénden-yoslo, ye-yos fácil, dábemosvos
poco, falándo-y. Esta norma, de toes maneres, tien les dos esceiciones que
se citen darréu:
a) Perda de -r final del infinitivu.
Cuando l'infinitivu va siguíu d'un pronome átonu, pierde la -r de la so terminación
en tolos casos: hai que da-yos una llacuada "dar + -yos", tien
que merca-y la casa "mercar + -y", quixeren matala "matar + la", quier
falate "falar + te", quieren falavos "falar + vos", vais allorianos "alloriar
+ nos", vais alloriamos "alloriar + mos".
b) Perda de -s nes primeres persones del plural.
Si una 1ª persona del plural va siguida del pronome átonu nos, pierde la -s
de la so terminación. Exemplos: llavámonos peles mañanes "llavamos +
nos", enfotámonos no que diz María "enfotamos + nos", quexámonos con
razón "quexamos + nos".
Más detalles sobre la reflexividá puen atopase en XXIII.3.2.5, 3.2.6, 3.3.2
y 3.3.3.
3.2 Conteníos
Los pronomes personales átonos presenten los conteníos que siguen
darréu:
- PERSONA GRAMATICAL (1ª, 2ª y 3ª), que fai estremar me / te / lu, nos / vos
/ los.
- NÚMBERU (singular y plural), d'onde remanecen les oposiciones me / nos,
te / vos, lu / los, -y / -yos.
- XÉNERU (masculín, femenín y neutru na 3ª persona del singular, y masculín
y femenín en plural), que fai posibles les oposiciones lu / la / lo, los
/ les.
XIII.
Los pronomes
personales
145