Gramática - Academia de la Llingua Asturiana

XIII.
Los pronomes
personales
144
Mentanto que tu y vós pertenecen a la 2ª persona (tu fales, vós faláis), les
formes de cortesía, sin embargu, pertenecen a la 3ª: usté fala, ustedes
falen.
3
Pronomes personales átonos
3.1 Formes
Los pronomes átonos amuesen formes estremaes na 3ª persona del singular
y del plural, acordies cola so función de complementu direutu o de
complementu indireutu. Nun siendo nesti casu, les formes son comunes pa
dambes funciones. Sobre l'allugamientu de los pronomes átonos col verbu,
pue vese XXIII.4.
3.1.1 FORMES
Estes son les formes de los pronomes átonos:
1ª P. SINGULAR
2ª P. SINGULAR
3ª P. SINGULAR
1ª P. PLURAL
2ª P. PLURAL
3ª P. PLURAL
REFLEXIVU
C. DIREUTU C. INDIREUTU
me
te
m. lu, f. la, n. lo -y
nos ~ mos
vos
m. los, f. les -yos~-ys
se
Los pronomes lu, la, lo, los, les almiten la variante palatalizada
llu, lla, llo, llos, lles especialmente si siguen a un infinitivu: pescallu, quitalla,
frayallo, tirallos, comelles.
3.1.2 FORMES APOSTROFAES
Los pronomes me, te, se, pierden la vocal cuando-yos sigue verbu qu'entama
en vocal o h-. Esta perda de vocal conséñase na escritura con un
apóstrofu, resultando les grafíes m', t', s'. Exemplos: tengo que me secar