Gramática - Academia de la Llingua Asturiana

1.2 Pronomes personales tónicos y átonos
Los pronomes personales estrémense en dos grandes series: los pronomes
tónicos y los pronomes átonos.
Los pronomes tónicos carauterícense por tener acentu de so, lo que fai que
seyan sintagmes y puedan constituyir enunciáu por ellos mesmos, a nun
ser mi o min, ti, sí, que necesiten d'una preposición pa esi cometíu (conmigo
y consigo son de por sí formes preposicionales).
Los pronomes tónicos son funcionalmente sustantivos, y asina se comporten;
pero, darréu qu'amuesen delles carauterístiques peculiares, constitúin
una subclás dientro los sustantivos. Estes carauterístiques son principalmente
dos: camuden de forma acordies cola so función dientro la oración
(yo, min); y tienen mui restrinxida la posibilidá d'acompañase de términos
subordinaos (yo mesmu).
Pela so parte, los pronomes átonos (me, te, se, lu...) nun tienen acentu de
so, polo que nun son sintagma nin puen constituyir enunciáu por ellos
mesmos. Los pronomes átonos funcionen, en realidá, como elementos
morfolóxicos dependientes del verbu.
2
Pronomes personales tónicos
2.1 Formes
Los pronomes tónicos puen presentar formes distintes acordies cola so
función. Y asina, per un llau, atópense pronomes en función de suxetu: yo
soi d'Avilés, tu aforres dineru, nós falamos sele, etc. Y, per otru llau, en
función preposicional, esto ye, cualquier función precedida de preposición:
a min tráxome en coche (complementu direutu), a ti vendióte un
xarrón (complementu indireutu), falaben de nós (suplementu), ente vosotres
hai una traidora (complementu circunstancial), ye problema de vós
(subordináu nominal).
Sobre'l comportamientu sintácticu de los pronomes tónicos dientro del
grupu nominal, pue vese XXII.2.11.
2.1.1 FORMES
Estes son les formes de los pronomes personales tónicos:
XIII.
Los pronomes
personales
141