Gramática - Academia de la Llingua Asturiana

XII.
Los numberales
138
6.2 Formes
Acordies col númberu consideráu, los numberales coleutivos son:
par, pareya ~ parexa conxuntu de 2 unidaes
decena " " 10 "
docena " " 12 "
quincena " " 15 "
ventena " " 20 "
trentena " " 30 "
centena, cientu, centenar " " 100 "
millar " " 1.000 "
Son mui emplegaes tamién les espresiones de significáu coleutivu media
decena, media docena y mediu millar. Son tamién numberales coleutivos
millón, billón, trillón, etc., emplegaos, con un sustantivu subordináu, con
valor de cardinales: un millón de pesetes, dos millones d'estrelles, un
billón de partícules.
6.3 Observaciones y emplegu
Par ye masculín y pareya o parexa ye femenín. Acordies col usu, non
siempre puen sustituyise una espresión por otra. Exemplos: fai un par de
selmanes que nun la veo (non *fai una pareya de selmanes), esta pareya
(esti par) d'exemplos pue ayudate a entendelo.
Docena pue emplegase con cualquier sustantivu cuntable, por más que ye
muncho usual con dalgunos en particular: una docena de güevos, una
docena de pasteles, etc.
Quincena pue aplicase a sustantivos diversos (una quincena de persones),
pero davezu tien el significáu de "conxuntu de quince díes": nun trabayó
la última quincena.
El numberal coleutivu cientu ye abondo emplegáu na fala coloquial en
cuentes del cardinal cien; exemplos: un sieglu ta formáu por un cientu d'años
(o cien años); cuntó los coches y yeren un cientu (o cien).
Sicasí, un cientu ye mui usáu tamién pa espresar un númberu grande ya
indetermináu: díxitelo un cientu de veces (munches veces) y nun me fixisti
casu.
Tolos numberales coleutivos puen usase en plural y con numberales cardinales:
tres pares de calcetos, dos pareyes de gües, decenes de persones,
cuatro docenes de güevos, etc. Los plurales cientos y millares espresen