Gramática - Academia de la Llingua Asturiana

Sicasí, el fraccionariu pue entendese como cantidá que s'amiesta a otra.
Nesti casu, fai falta esplicitalo col alverbiu más. Exemplos: el xatu val la
metá más que'l corderu, el fíu ye la metá más (de) bonu que'l pá, el to pueblu
ta la quinta parte más (de) lloñe que'l míu.
Más detalles sintácticos sobre los fraccionarios puen atopase en
XXV.2.3.2.b.
5.2 Formes y emplegos
Les formes que presenten los numberales fraccionarios son éstes:
NUMBERAL RESULTÁU DE DIVIDIR ENTE
enteru 1
mediu o metá ~ metada 2
terciu o tercera parte 3
cuartu o cuarta parte 4
quintu o quinta parte 5
sestu o sesta parte 6
séptimu o séptima parte 7
octavu u octava parte 8
novenu o novena parte 9
décimu o décima parte 10
onceavu u onceava parte 11
doceavu o doceava parte 12
treceavu o treceava parte 13
cartorceavu o catorceava parte 14
quinceavu o quinceava parte 15
dieciseisavu o dieciseisava parte 16
diecisieteavu o diecisieteava parte 17
dieciochoavu o dieciochoava parte 18
diecinueveavu o diecinueveava parte 19
ventiavu o ventiava parte 20
ventiunavu o ventiunava parte 21
ventidosavu o ventidosava parte 22
trentavu o trentava parte 30
cuarentavu o cuarentava parte 40
centavu o centava parte
centésimu o centésima parte 100
milavu o milava parte
milésimu o milésima parte 1.000
millonavu o millonava parte
millonésimu o millonésima parte 1.000.000
XII.
Los numberales
135