Gramática - Academia de la Llingua Asturiana

100 centésimu -a -o,
centenu -a -o
………
1.000 milésimu -a -o
2.000 dosmilésimu -a -o
3.000 tresmilésimu -a -o
………
10.000 diezmilésimu -a -o
20.000 ventimilésimu -a -o
100.000 cienmilésimu -a -o
………
1.000.000 millonésimu -a -o
2.000.000 dosmillonésimu -a -o
3.000.000 tresmillonésimu -a -o
3.3 Observaciones sobre l'usu de los ordinales
Los masculinos singulares primeru y terceru, cuando son axetivos y tán
allugaos ante'l sustantivu, encúrtiense nes formes primer y tercer: el pisu
primeru, l'añu terceru, pero el primer pisu, el tercer añu. Nes mesmes circunstancies,
los femeninos primera y tercera puen garrar tamién la forma
primer y tercer, magar que nun ye obligao. Asina, per un llau, la selmana
primera, la xera tercera, pero la primer selmana o la primera selmana, la
tercer xera o la tercera xera.
Cuando l'orde numbéricu trespasa'l 10 emplégase, davezu, el correspondiente
cardinal. D'esti mou, a la espresión capítulu decimoquintu o quincenu
correspuénde-y tamién capítulu quince; a pisu ventésimu o ventenu,
pisu venti; a páxina centésima o centena, páxina cien; a minutu cuarentenu
quintu, minutu cuarenta y cinco; etc.
Los nomes de reis o papes siguen l'enclín xeneral a emplegar ordinales del
I al X: Fruela I (primeru), Ordoñu II (segundu), Xuan Carlos I (primeru),
Carlos V (quintu), Alfonsu X (décimu), Isabel II (segunda), Pablu VI
(sestu), Píu IX (novenu), etc. En pasando del X, empléguense davezu los
cardinales: Xuan XXIII (ventitrés), Alfonsu XII (doce).
Colos nomes de sieglos, nel casu del I úsase l'ordinal: sieglu I (primeru).
Del II al X úsase igual l'ordinal que'l cardinal: sieglu II (segundu, dos), sieglu
V (quintu, cinco). En pasando del X, empléguense davezu los cardinales:
sieglu XIV (catorce), sieglu XXI (ventiún).
Pa referise a los díes del mes, namái'l día 1 permite l'usu del ordinal: el
primeru de mayu o l'un de mayu. El restu nómase pelos cardinales: el seis
de xineru, l'ocho de setiembre.
3.4 Primeru, últimu, postreru y caberu
Arriendes de los ordinales yá vistos, qu'espresen l'orde esautu, l'axetivu
primeru -a -o, xunto con últimu -a -o, postreru -a -o y caberu -a -o, puen
espresar orde esautu o imprecisu.
XII.
Los numberales
131