Gramática - Academia de la Llingua Asturiana

XII.
Los numberales
130
Mil emplégase tamién en plural como sustantivu de conteníu coleutivu:
miles de pesetes, miles d'años. Convién nun confundir el numberal mil col
indefiníu milenta, emplegáu pa indicar un númberu abondo grande: dixéron-ylo
milenta vegaes, pero nun s'acordó d'ello; la ilesia del pueblu construyóse
fai milenta años; viven milenta nun mesmu edificiu.
3
Numberales ordinales
3.1 Conteníu
Los numberales ordinales espresen el puestu en que s'alluga daqué o
daquién dientru d'una serie, llista o secuencia temporal ordenada. Y asina,
en principiu a cada cardinal correspuénde-y un ordinal. A tolos efeutos, los
numberales ordinales son axetivos camudables en pronomes.
3.2 Formes
Los ordinales presenten en singular les formes siguientes:
1 primeru -a -o
2 segundu -a -o
3 terceru -a -o
4 cuartu -a -o
5 quintu -a -o
6 sestu -a -o
7 séptimu -a -o
8 octavu -a -o
9 novenu -a -o, nonu -a -o
10 décimu -a -o, decenu -a -o
………
11 decimoprimeru -a -o,
oncenu -a -o
12 decimosegundu -a -o,
docenu -a -o
13 decimoterceru -a -o,
trecenu -a -o
14 decimocuartu -a -o,
catorcenu -a -o
15 decimoquintu -a -o,
quincenu -a -o
16 decimosestu -a -o
17 decimoséptimu -a -o
18 decimoctavu -a -o
19 decimonovenu -a -o
………
20 ventésimu -a -o, ventenu
21 ventésimu primeru,
ventenu primeru
22 ventésimu segundu,
ventenu segundu
23 ventésimu terceru,
ventenu terceru
………
30 trentésimu, trentenu
40 cuarentenu -a -o
50 cincuentenu -a -o
60 sesentenu -a -o
70 setentenu -a -o
80 ochentenu -a -o
90 noventenu -a -o
………