Gramática - Academia de la Llingua Asturiana

"non cuatro", andaben tres llobos y raposos "detrás de llobos y raposos" /
andaben trés llobos y raposos "3 llobos".
DECENES + UNIDAES
Nel casu d'unidaes con 20, síguese l'esquema venti + unidá, escrito nuna
sola pallabra: ventiún, ventidós, venticinco, ventisiete... Nel casu de les
otres decenes, síguese l'esquema decena + y + unidá, escrito en pallabres
separaes: trenta y un, cuarenta y dos, cincuenta y tres, sesenta y cuatro,
setenta y cinco, ochenta y seis, noventa y siete.
VENTIÚN, TRENTA Y UN, CUARENTA Y UN, ETC.
Mentanto que la unidá un una estrema xéneru, cuando s'amiesta a una
decena yá non, de manera que s'emplega siempre la mesma forma pa masculín
y pa femenín. Exemplos: ventiún homes, ventiún muyeres, muyeres
apuntáronse cuarenta y un, trenta y un gües, trenta y un vaques.
CENTENES
Namái 100 tien nome específicu: cien, que nun estrema xéneru (cien ferres,
cien aigles). El restu fórmase acordies con esti esquema: unidá + cientos
-es. La pallabra resultante estrema xéneru: doscientos ferres, doscientes
aigles, trescientos coches, trescientes furgonetes, cuatrocientos llibros,
cuatrocientes fueyes, etc.
CENTENA Y OTRU NÚMBERU
Cuando se trata del númberu 100 úsase cien: cien llibros, cien cases. Pero
pa los númberos del 101 al 199 emplégase cientu + el númberu correspondiente,
escritos dambos xebradamente. Asina: 101 cientu un, 120 cientu
venti, 131 cientu trenta y un, 195 cientu noventa y cinco. Coles otres centenes
síguese'l mesmu esquema; asina, 241 pesetes doscientes cuarenta y
un pesetes, 473 coches cuatrocientos setenta y tres coches, 507 selmanes
quinientes siete selmanes.
MILLARES
El númberu 1.000 esprésase per aciu de mil: mil años, mil persones. Los
múltiplos de 1.000 siguen l'esquema númberu + mil, escrito en pallabres
estremaes y ensin que mil garre forma plural. Asina, 2.000 dos mil, 3.000
tres mil, 5.000 cinco mil, 10.000 diez mil, 11.000 once mil, 16.000 dieciséis
mil, 20.000 venti mil, 34.000 trenta y cuatro mil, 40.000 cuarenta mil,
75.000 setenta y cinco mil, 100.000 cien mil, 200.000 doscientos mil,
500.000 quinientos mil, etc.
XII.
Los numberales
129