Gramática - Academia de la Llingua Asturiana

XI.
Los indefiníos
118
gunes d'estes espresiones. Exemplos: tien poquines pesetes, tráxome bastantines,
esos arbeyos son bastantinos, son munchones pa ti, paeciéronme
demasiadonos, quedó toína murnia.
Seya como axetivos o como sustantivos, estos indefiníos úsense en singular
cuando faen concordancia o referencia a un non cuntable: traxo poca
lleña ’ traxo poco, cargarán pocu carbón ’ cargarán poco, entraba
abondu fumu ’ entraba abondo, va cayer abonda nieve ’ va cayer abondo,
entraba bastante fumu ’ entraba bastante, va cayer bastante nieve ’
va cayer bastante, comíen munchu sal ’ comíen muncho, ye muncha xente
pa esti sitiu ’ ye muncho pa esti sitiu, echasti demasiada fariña ’ echasti
demasiao, mercaron demasiáu vinu ’ mercaron demasiao.
Pelo contrario, si concuerden con un cuntable o faen referencia testual o
contestual a él, úsense davezu solamente en plural: traxo pocos garitos ’
traxo pocos, echasti poques palaes ’ echasti poques, había abondos puestos
en mercáu ’ había abondos en mercáu, atópenlo n'abondes cases ’
atópenlo n'abondes, había bastantes puestos en mercáu ’ había bastantes
en mercáu, atopélos en bastantes cases ’ atopélo en bastantes, comió
munchos carambelos ’ comió munchos, vense munches andolines per
equí ’ vense munches per equí, tien demasiaos años pa tantu xaréu ’ tien
demasiaos pa tantu xaréu, dixo demasiaes verdaes ’ dixo demasiaes.
Pel so llau, l'indefiníu tou toa too tien un comportamientu peculiar: con
sustantivos non cuntables, úsase siempre en singular y significa que daqué
ye tomao enteramente, ensin quita-y nada: tiró tol agua del calderu, la
sidra bebímoslo too; con sustantivos cuntables, tien dos significaos: en
singular tien el mesmu significáu que colos non cuntables (la botella bebímosla
toa, enllenó tol caxón de semeyes), en plural significa la suma entera
de les unidaes d'un conxuntu (llamó a tolos escolinos, les botelles bebímosles
toes).
2.2 Cuantificadores relativos o comparativos
2.2.1 CONTENÍU Y FORMES
Los cuantificadores relativos o comparativos son:
tantu tanta tanto, tantos tantes
más
menos
Según la rellación col términu que fai de puntu de referencia, estos inde-