Gramática - Academia de la Llingua Asturiana

4
Ye la casa d'él o d'elli
Ye la casa d'ella
Ye la casa d'ello
Ye la so casa Ye la casa d'ellos
Ye la casa d'elles
Ye la casa d'usté o de vusté
Ye la casa d'ustedes o de vustedes
Posesivos perifrásticos
Arriendes de les formes yá vistes, l'asturianu tien estes otres formes posesives:
de mio
de to
de so
de nueso ~ de nuestro
de vueso ~ de vuestro
de so
El posesivu perifrásticu presenta estes carauterístiques:
- Úsase siempre precedíu de la preposición de.
- Ye invariable en xéneru y númberu, polo qu'enxamás establez concordancia
con nengún elementu: el neñu de mio, la casa de mio, los neños de
mio, les cases de mio; el neñu de to, la casa de to, los neños de to, les
cases de to; el neñu de so, la casa de so, los neños de so, les cases de so;
el neñu de nueso (el neñu de nuestro), la casa de nueso (la casa de nuestro),
los neños de nueso (los neños de nuestro), les cases de nueso (les
cases de nuestro); el neñu de vueso (el neñu de vuestro), la casa de vueso
(la casa de vuestro), los neños de vueso (los neños de vuestro), les cases
de vueso (les cases de vuestro); el carbón de mio, el dineru de to, el fierro
de so; la lleña de mio, la ropa de to, la madera de so.
- Dientro'l grupu nominal pue exercer de subordináu pospuestu (non antepuestu):
gustó-yos enforma l'abrigu de mio; ésa ye la casa de to; a Xuan
yá-y dieron el dineru de so; cuntémos-yos los chistes de nueso (de nuestro);
espresái les idees de vueso (de vuestro). Y tamién de nucleu: el de
mio perdílu; la casa d'Alfredo vila, pero la de to non; lo de so fundiólo too
xugando al bingu; los de nueso (de nuestro) yeren de morrer de risa; coles
de vueso (de vuestro) nun tamos d'acuerdu. Na so condición de nucleu,
X.
Los posesivos
113