Gramática - Academia de la Llingua Asturiana

ances a "les esperances d'ellos o d'elles", etc. Nel casu de la tercera persona,
el posesivu pue tar en llugar de cualquier complementu del nome
precedíu de preposición: la voz d'Alicia ’ la so voz, la voz so.
Dientro d'esa rellación direuta (de dependencia), el posesivu pue ufrir
significáu de posesión o pertenencia. Por exemplu, nes oraciones dexé-y
los mios zapatos, Asturies y los sos conceyos, Lluis y les sos zunes, el
vuesu dineru metéislo en bancu, la llingua y los sos dialeutos. Otres
vegaes, el posesivu pue ser mediu d'acentuar l'afeutu o la espresividá de
daqué, como en ¡ai, mio fiyín!, méteste na to camina y a dormir, a ella
que nun-y molesten al so Xandru. Y, en xeneral, el posesivu úsase como
niciu d'una rellación más o menos estrencha ente dos términos: el vuestru
tren sal a les cinco (el tren nel que vais viaxar), tien que vevos el mio
dentista (el dentista al que yo voi davezu), esta ye la mio cai (la cai onde
vivo), ponéi la mio canción (la canción que más me presta), l'Uviéu ye'l
nuesu equipu (l'equipu que siguimos), etc.
3.2 Condiciones d'emplegu
Los posesivos tienen un usu restrinxíu na llingua coloquial. Como observación
de calter xeneral, empléguense namái nos casos nos que ye necesario
dafechu espresar les rellaciones mentaes enantes. Esto quier dicir
que cuando eses rellaciones queden clares per otros medios, nun se suel
facer usu del posesivu, darréu que resulta redundante.
Asina, en Xuan llava les manes entiéndese perfeutamente que les manes
son les de Xuan, polo que nun fai nenguna falta espresar esa rellación per
aciu d'un posesivu; de toes maneres, l'usu del posesivu (Xuan llava les
sos manes) nun ye incorreutu gramaticalmente. Exemplos asemeyaos
son: tengo'l coche aparcáu equí cerca o tengo'l mio coche aparcáu equí
cerca, abriesti los güeyos y nun viesti nada o abriesti los tos güeyos y nun
viesti nada, ehí ta Xuan col fíu o ehí ta Xuan col so fíu, falé contigo y cola
muyer o falé contigo y cola to muyer.
Tampoco nun se suel usar el posesivu cuando la rellación espresada resulta
redundante. Exemplos: a Nela morrió-y el güelu o a Nela morrió-y el
so güelu, la carondia afuracóme l'armariu o la carondia afuracó'l mio
armariu, xubiéron-yos el sueldu o xubieron el so sueldu.
3.3 Usu del artículu con posesivu antepuestu
L'axetivu posesivu antepuestu apaez, como norma xeneral, precedíu d'ar-
X.
Los posesivos
111