Gramática - Academia de la Llingua Asturiana

X.
Los posesivos
110
DELLOS POSESORES
MASCULÍN FEMENÍN NEUTRU
nuesu ~ nuestru nuesa ~ nuestra nueso ~ nuestro
nuesos ~ nuestros nueses ~ nuestres
vuesu ~ vuestru vuesa ~ vuestra vueso ~ vuestro
vuesos ~ vuestros vueses ~ vuestres
suyu suya suyo
suyos suyes
Puen notase les diferencies de formes al emplegar el modelu A y el B:
- Modelu A: el neñu mio, el dineru mio; la casa mio, la lleña mio.
- Modelu B: el neñu míu, el dineru mío; la casa mía, la lleña mío.
2
Carauterístiques funcionales
Na so función d'axetivos, los posesivos exercen como términos subordinaos
de sustantivos y concuerden con ellos en xéneru y númberu,
pudiendo presentase antepuestos (la mio casa, el to llibru, la so lleña),
pospuestos (la casa mio o la casa mía, el llibru to o el llibru tuyu, la
lleña so o la lleña suyo) o atributivos (esa casa ye mio o mía, esi llibru
ye to o tuyu, esa lleña ye so o suyo). Ta presente l'artículu cuando son
sustantivos: la mio ye alta ~ la mía ye alta, el to ye prestosu de lleer ~ el
tuyu ye prestosu de lleer, lo so arde bien ~ lo suyo arde bien. Más detalles
sobre'l comportamientu sintácticu del posesivu puen atopase en
XXII.2.7.
3
1ª
pers.
2ª
pers.
3ª
pers.
Sing.
Plur.
Sing.
Plur.
Sing.
Plur.
Conteníu y emplegos
3.1 Significáu del posesivu
El posesivu tien como misión amosar una rellación direuta, de dependencia,
ente un oxetu y una persona gramatical. Dende un puntu de vista gramatical,
l'axetivu posesivu equival a una secuencia de + pronome tónicu,
onde de trespón a axetivu'l pronome. D'esta miente, el mio pueblu vendría
a equivalir a daqué asina como "el pueblu de min", la to llibertá a "la
llibertá de ti", los enfotos nuesos a "los enfotos de nosotros", les sos espe-