Gramática - Academia de la Llingua Asturiana

afayadizu y universal, inxertando tolo que podía axuntase, refugando lo
que siendo oral nun dicía col calter del idioma, escoyendo ente lo que
siendo usos llexítimos resultaba incompatible o contradictorio col modelu
iguáu. Asina la Gramática de la Llingua Asturiana conxuga amañosamente
dos bonos encontos en tou estándar: el respetu a la variedá y riqueza
de les modalidaes llingüístiques cola so coherencia armónica nel modelu
construyíu. Gracies a ello, l’estándar asturianu nun recueye la fala d’un
llugar concretu nin fai modélicu un dialeutu únicu, pero tampoco nun ye
un entremez indiscrimináu de trazos fatamente amestaos sinón d’aquellos
que puen enllazase con procuru nuna única estructura llingüística. Con esti
facer síguese’l camín derrompíu, na práutica, por permunchos escritores y,
esplícitamente, pola Academia que yá na primera edición de les Normes
afita que la llingua culta va algamase cola cadarma fonolóxica y morfolóxica
de los dialeutos centrales pero cola sintaxis y el léxicu de la xuntura
de toos.
Los diecisiete años de voluntá normativa, sofitaos na llarga tradición
que fixo que munchos naguaren por ver l’idioma, n’espresión de
Caveda y Nava, suxetu a normes gramaticales, paez qu’aconseyen un nueu
esfuerzu pa llograr un futuru onde los asturianos ofrezan al conxuntu de
los pueblos les sos ayalgues lliteraries y les aportaciones culturales más
valoratibles.
Nota a la segunda edición
Academia de la Llingua Asturiana
Uviéu, 25 de mayu de 1998
La perbona acoyida que tuvo la Gramática de la Llingua Asturiana llevó
bien llueu a que cuasimente s’estrincare. Ello, lóxicamente, aconseyó
facer una nueva edición que, con nueu procuru, enderechare los aspeutos
que la primera nun fore a iguar. Nesi sen ufiértase esta curiada y correxida
segunda entrega.
Academia de la Llingua Asturiana
Uviéu, xineru de 1999
Morfoloxía
11