Gramática - Academia de la Llingua Asturiana

X.
Los posesivos
108
Les formes antepuestes del posesivu tienen les siguientes carauterístiques:
a) Son siempre tóniques.
b) Como norma de mena xeneral, úsense precedíos d'artículu: el mio pueblu,
la vuesa llosa. Pa les esceiciones a esta norma, ver X.3.3.
c) Lo mesmo que con cualquier axetivu antepuestu, el posesivu antepuestu
nun pue apaecer más qu'en masculín o femenín, nun siendo posible'l
neutru nesti allugamientu: el nuesu pueblu, el nuesu dineru, la vuesa
casa, la vuesa ropa. Ver XXII.2.3.2.
1.2 Formes pospuestes y nucleares
L'asturianu normativu ufre los dos modelos siguientes; tendráse en cuenta
que, anque dambos son válidos, normativamente ha dase preferencia al
modelu A.
1.2.1 MODELU A
UN POSESOR
DELLOS POSESORES
1ª
pers.
2ª
pers.
3ª
pers.
1ª
pers.
2ª
pers.
3ª
pers.
Sing.
Plur.
Sing.
Plur.
Sing.
Plur.
Sing.
Plur.
Sing.
Plur.
Sing.
Plur.
MASCULÍN FEMENÍN NEUTRU
mio
mios
to
tos
so
sos
nuesu ~ nuestru nuesa ~ nuestra nueso ~ nuestro
nuesos ~ nuestros nueses ~ nuestres
vuesu ~ vuestru vuesa ~ vuestra vueso ~ vuestro
vuesos ~ vuestros vueses ~ vuestres
so
sos
Les formes del modelu A presenten estes carauterístiques:
a) Son básicamente les mesmes formes que les del posesivu antepuestu y,
como elles, siempre tóniques.
b) De toes maneres, na 1ª y 2ª persones del plural apaecen formes propies
pal masculín, pal femenín y pal neutru, acordies colo que faen normalmente
los axetivos nesti allugamientu; ver XXII.2.3.2.