Gramática - Academia de la Llingua Asturiana

IX.
Los
demostrativos
104
c) Arriendes de les yá vistes, en delles zones tamién se conserven formes
arcaiques de 1ª y 2ª persones:
aquesti, aquesta, aquesto; aquestos, aquestes
aquesi, aquesa, aqueso; aquesos, aqueses
1.1 Contraiciones con preposición en
Cuando un demostrativu va precedíu de la preposición en, fai con ella una
contraición. D'esta miente, resulten estes formes:
DE
1ª
PERSONA
DE
2ª
PERSONA
DE
3ª
PERSONA
MASCULÍN FEMENÍN NEUTRU
SINGULAR nesti nesta nesto
PLURAL nestos nestes
SINGULAR nesi nesa neso
PLURAL nesos neses
SINGULAR naquel, naquelli naquella naquello
PLURAL naquellos naquelles
Exemplos: el to rapacín ta matriculáu nesa escuela, nun tienes razón neso
que dixisti, nun piensen naquelli, sinón nesi. La forma naquelli equival a
naquel, pero nun pue dir delantre del sustantivu: vímoslu entrar naquel o
vímoslu entrar naquelli; vímoslu entrar naquel cine, pero non *vímoslu
entrar naquelli cine.
De la mesma manera que coles formes principales, estes contraiciones
puen llevar acentu gráficu pa desfacer posibles ambigüedaes cuando funcionen
como nucleu (atributos o pronomes): naquelles files "naquelles
fileres" / naquélles files "tu files naquélles"; neses cortes "neses cuadres"
/ néses cortes "tu cortes néses".
2
Carauterístiques funcionales
Na so función d'axetivos, los demostrativos exercen como términos subordinaos
de sustantivos y concuerden con ellos en xéneru y númberu,
pudiendo presentase antepuestos (esti home, esa muyer, aquella lleña),