Gramática - Academia de la Llingua Asturiana

1
Los demostrativos
Formes de los demostrativos
Los demostrativos son axetivos o pronomes que s'empleguen pa señalar o
amosar la rellación cercana o alloñada qu'un oxetu de la realidá tien coles
persones gramaticales.
Los demostrativos n'asturianu presenten les formes que siguen darréu:
DE
1ª
PERSONA
DE
2ª
PERSONA
DE
3ª
PERSONA
MASCULÍN FEMENÍN NEUTRU
SINGULAR esti esta esto
PLURAL estos estes
SINGULAR esi esa eso
PLURAL esos eses
SINGULAR aquel, aquelli aquella aquello
PLURAL aquellos aquelles
Han tenese en cuenta les observaciones que vienen darréu:
a) Namái ye obligatoria l'acentuación de los demostrativos si tán en función
nuclear y fai falta desaniciar dalguna posible ambigüedá. Exemplos:
con esta fala "con esta manera de falar" / con ésta fala "fala con
ésta"; toi sintiendo esti cantar "esta canción" / toi sintiendo ésti cantar
"a esti toi sintiéndolu cantar"; eses llendes "eses fronteres" / éses llendes
"tu llendes eses"; emporcó la ropa aquello "emporcó aquella ropa" /
emporcó la ropa aquéllo "aquello emporcó la ropa"; quemaba la lleña
eso qu'echastis "quemaba esa lleña qu'echastis" / quemaba la lleña éso
qu'echastis "eso qu'echastis quemaba la lleña"; coménta-y lo d'aquella
casa nueva y lo d'esa vieya "y lo d'esa muyer vieya" / y lo d'ésa vieya
"y lo d'esa casa vieya".
b) Les formes aquel y aquelli son equivalentes, pero la segunda enxamás
pue emplegase antepuesta al sustantivu: l'home aquel o l'home aquelli;
aquel ye Xuan o aquelli ye Xuan. Pero: aquel home (non: *aquelli
home).
IX
IX.
Los
demostrativos
103