Nº 71: Junio de 2008: Las mujeres y - Emakunde - Euskadi.net

e 36
Las mujeres y los medios de comunicación
EMAKUNDE
SARIAK:
NORTASUN
SARIAK
Toda recompensa es siempre bienvenida, y cuando es inesperada, más aún.
Desde hace 29 años, los premios Emakunde han reconocido la labor de un
variado elenco de personas. Cinco de ellas rememoran cómo vivieron aquellos
aplausos.
Emakunde sarien lehen edizioa 1990. urtean ospatu zen. Sasoi
hartan, kazetaritzako Thelma eta Louisek, Carmen Izaga eta
Josune Diez Etxezarretak, astero, txandaka, Egin egunkarian
Zorrotzaile goitizenpean zutabea idazten zuten.
“Inork ezer esan gabe emakumeen inguruko gaiak jorratzen hasi
ginen” dio Carmenek. Halako batean sariaren berri izan zuten.
“Aurkeztu egin behar zenez eta niri lotsa ikaragarria ematen
zidanez, ‘zer iruditzen zain elkarrekin aurkezten bagaitun?’ esan
nion Josuneri. Garai hartan, Jon Basterra zen Egineko erredakzioburua
eta asmoa azaldu ondoren Zorrotzaile iritzietatik berak
batzuk aukeratu eta aurkeztea adostu genuen”.
Sariak poz ikaragarria egin zien biei. “Banandu berria nintzenez
sariaren sosak –1.502 euro bakoitzari– primeran etorri zitzaizkidan
aurrera egiteko” gaineratzen du Carmenek.
Egun ez bezala, orduan, emakumearen inguruko gaiak ez ziren
ohikoak hedabideetan. “Ez zegoen gaur egun dagoen adinako
sentsibilizaziorik. Oraindik ere emakumeen aldeko ekimenak,
lanak… saritzeak apur bat harritu egiten naute, baina, hein
batean beharrezkoak direla ere pentsatzen dut”.
Iritzi-artikuluak idazteko orduan nahiz eta aldez aurretik zertaz
idatzi behar zuten ez adostu, “emakumeen bueltan zebiltzan
gaiak sakontzea barrutik irten zitzaigun” dio Josune Diez
Etxezarretak. “Ni ere inoiz lehiaketa batera aurkeztu gabea
nintzen. Iritziak aukeratu, bidali eta ez ginen sariaz akordatu ere
egin irabazi genuela jakinarazi ziguten arte. Hura poza!”.
Sari-emate eguna ederra izan zela ez du zalantzarik donostiarrak.
Biak lehen lerroan eseri ziren. “Bada ez bada ere azken momen-
Testua: Ezpala
tuan ez tupust egiteko” dio umoretsu. Iñaki Azkunak, egungo
Bilboko alkateak, orduko Osasun sailburuak, eman zien
Donostiako Mari Cristina hotelean saria. “Plaka bakar bat zenez,
txandakatzen aritu gara harrez gero. Baina oker ez banago bada
denboraldi bat nire etxean daukadala…”
Egun, ere, emakumearen, berdintasunaren… inguruan idazteko
gairik ez da falta. Horrez gero, Emakunde sariak eragingarri izaten
jarraitzen dutela ez du zalantzarik Josunek. “Jendeak
pentsatzen duena adierazteko eta irakurtzen gaituztenoi irakurritakoaz
hausnartzeko tresna aproposa da iritzi-artikulua. Gainera,
erreportaje bat baino eraginkorragoa izan daiteke. Hitz gutxiko
idatzi sakona”.
Ez du aurkezpenen askorik behar Roge Blasco kazetariak. 1988tik
1995era bitartean, ETB-2n, sona handiko Dr. Livingston Supongo
saioa zuzendu eta gidatu zuen. Rogek, 1992an Emakunde saria
jaso zuen Bájame una estrella eta El reto de una leyenda, Selma
Huxley erreportajeengatik.
“Miriam Garcia zena izan zuen ardatz lehenak. Alpinismoak eman
duen eskalatzaile bikainenetarikoa; aitzindarietarikoa” gaineratzen
du Rogek. “1989 elkarrizketatzeko abagunea izan nuen eta
txundituta utzi ninduen. Izugarrizko nortasun zuen. Sakona.
Gozatu ederra hartu nuen. Handik urtebetera edo, Meru Norden
(6.450) –Indiako Garhwal mendigunean– izandako elur-jausi
batean zendu zen. Beraz, bere inguruan dokumental bat egitea
erabaki nuen eta Juanjo San Sebastian mendizaleari eman nion
ardura. Ez zen lan batere erraza izan baina sendiak asko lagundu
zuen; amak batik bat”.