Nº 71: Junio de 2008: Las mujeres y - Emakunde - Euskadi.net

e 34
Las mujeres y los medios de comunicación
"Cuando se difunde un tema relacionado
con el feminismo, se percibe fácilmente
los conocimientos del periodista en la
materia".
(Mila Amurrio)
go esango nuke, terminologiaren esanahia jakin gabe”.
Irakaslearen aburuz, ez omen da ikasleen arazoa soilik.
“Unibertsitatean bertan ere asko dago egiteko” gaineratzen du
Natik. “EHUn dagoen Berdintasunaren aldeko zuzendaritza
irakasleriarengandik informazioa eskuratzen ari da genero eta
berdintasunaren inguruan egiten ari garen lanaren berri jakiteko.
Zentzugabea litzateke, irakasleriak eboluzionatu ez duela esatea;
bilakaera mantsoa eta ezberdina izan bada ere espero dezagun
geldiezina izatea. Hots, diziplina ezberdinetan feminismoarekin
zerikusia duten gaiak integratzeko: emakumeek egin dituzten
ekarpenak…”.
Duela 20 urte, ikasturteko lehen egunetan, harridura antzematen
zuen ikasleen artean Natik ‘emakumea’ eta ‘gizona’ hitzak azpimarratzen
zituenean. “Hori jada ez da gertatzen geroz eta irakasle
gehiago baikaude lengoaiaren erabilera sexista zuzentzen
ahalegintzen ari garenak”.
Natik ez du zalantzarik unibertsitatea eta hedabideak bi instituzio
oinarrizkoak direla pentsamenduaren hezibide eta osaketan. Baita
pertsonen jarreran ere. “Komunikabideak enpresak direnez, helburu
ekonomikoak, sozialak baino lehenago hartzen dituzte kontutan.
Eta kontserbatzaileak direnez, arriskatzea gustatzen ez
zaienez, tradizioei eusten diote. Gizasemeen lana goraipatuz eta
emakumeena diskriminatzen edo ikusezin egiten. Horrexegatik
dira oraindik ere salbuespen, egunkari edota komunikazio enpresak
gidatzen dituzten emakumeak”.
Egunkarietan azaltzen den publizitateak ere, ez duela emakumea
oso aintzakotzat hartzen uste du EHUko irakasleak. “Publizitateak
emakumezkoei inposatzen zaizkien kontzeptu, balore edo rolen
alde egiten jarraitzen du. Adibidez, emakumearen gorputza
merkantzia saltzeko amu gisa erabiltzen da. Aztertzen den
edozein aldetik aztertzen dela ere, onartezina”.
"Existen personas que siguen pensando que el
feminismo es lo contrario al machismo".
(Nati Abril)
FEMINISMOA. Mari Luz Esteban, EHUko Filosofia eta Hezkuntza
Zientzien Fakultateko irakaslea da. Ikasleekin, generoa behar den
bezala kontuan hartu eta lantzen den orokortzea zaila dela
onartzen du. “Eremu, diziplina eta karreren arabera oso egoera
ezberdinak daude”.
‘Berrikuspen, teoria eta ikuspegi feministak gizarte antropologian’
izeneko ikasgaia ematen du Mari Luzek. “Lantzen ditudan ikasgai
guztietan hartzen ditut kontuan teoria eta gai feministak.
Espezifikotasuna eta zeharkakotasuna, biak baitira beharrezkoak
irakaskuntzan”.
Generoaren behar den bezalako trataerarekin irakasle batzuk
kontzientziatuta ei daude; beste batzuk ez. “Hala ere esango
nuke adinak bere garrantzia duela” eransten du. “Adibidez, ni
mugitzen naizen arlo eta eremuetan, askotan, ikasleek irakasleek
baino kontzientzia gehiago dute, eta presioa egiten dute gainera.
Horrek behartzen ditu irakasleak eta sailak genero edukiak kontuan
hartzera”.
Mari Luzen ikasleek generoa gai gisa landu izan dutenean era
guztietako jarrerak antzeman izan ditu. Orokorrean baikorra eta
irekia erakusten omen dute. Hausnartu, eztabaidatu eta ikasteko
prest azaltzen dira. “Beti egoten da baten bat defentsa-jarrera
azaltzen duena. Baina baita interesa pizteko aukera ere hor
dago”.
Sortu berri den EHUko diziplinarteko “Ikerketa feministak eta generokoak
unibertsitate masterrak” ikertzaileak heztea du xede.
Gizarte eta lege zientzietako irakasle –antropologia, zientzia politikoa,
kazetaritza eta komunikazioa, soziologia…– askok parte
hartu dute bere antolaketan. “Momentuz harrera oso ona izan du
eta izen-ematea iraila eta urrian zehar egongo da zabalik” dio
irakasleak.
MASTERRA. Mila Amurrio, soziologoa, egitasmoaren beste
bultzatzaileetariko bat da. “Masterra generoa aldarrikatzeko
metaketaren ondorioa da. Orain arte bakarka edota taldeka
lanean aritu izan garenok bildu eta ‘Ekimen feminista’ izeneko