ORKIWAN - The Field Museum

INJAN'TSSIA'MA RE RIAMBA TEVAEN'ChO
Ma'caen joccaningae
tsampima coiraya'chove
da'cho
Mingae joccaningae
da'je'cho
Ma'caen tsampima
coiraya'chove ña'me
injan'jen'cho
136 RAPID BIOLOGICAL AND SOCIAL INVENTORIES INFORME/REPORT NO. 20
06 Aindeccumbe organizacionda tsu quin'an, tsa'caen tso'choma tsu pa'cco atesucho'fa
07 Tsampi jin'cho bare'chove, tsa tsu ña'me injenge'cho toya'caen corifindema
an'mbiañe, mingae comuna'su jaya'chove pa'cco napi'cho comunanga
Pa'cco Putumayo naén, toya'caen Guepini, tsa tsu jincho trinacionalni tsa ecuador.
Peru, toya'caen Colomibani. Pui ande'su tsu tson'fa ma'caen tisu ande'suma
coiraya'chove. Ecuadorni tsu jin reserva producción faunistaca Cuyabeno (603,380 ha)
team tsu tson'fa canqquefa 1979ni. Ccattufayi'cco aindeccu—kichwa, siona, secoya
toya'caen cofain'ccu—tsendeccu tsu coira'je'cho andeni canse'fa. Peruni tsu tsa
Gueppi (625,971 ha) tsama tsu sombaen'fa canqquefa 1997ni. Tsa'caen tsenima tsoñe
puiyi'cco in'jan'fa'chota tsu—parque nacional Güeppí. Reserva comunal Airoi Pai,
reserva comunal Huimeki—tsama tsu estado ju qquen suyangae ronda'je'fa. Hitoto,
kichea, secoya, toya'caen comunandeccu tsa su'chombe utufani canjensundeccu'qque.
Tsa Colombiani parque nacional natural la Paya (422,000 ha) tsama tsu tson'fa
canqquefa 1984ni. Tsa andeninda tsu tsaimbi'tssi a'i canse'fa. Tsani tsu can'jen'fa,
cocama, siona, muinane, huitoto (murui) toya'caen inganondeccu.
Canqquefa 2006ni tsu ccoanifae'cco aindeccu in'ja'cho conveniome tson'fa. Tsa ja'je'cho
atufa gestion trinacionama tsoña'chove. Toya'caen chipiri reserva 1.7 millones de
hectareave pa'cco tsama caña'jeña'chove.
01 Junde tsu ma'caen joccaningae tsa reserva Güeppí Peruni ji'choma tsoña'cho.
02 Puiyi'cco tsu tson'faya'cho tsa mega reservama ccoanifae'ccoma treyi'cco andei'ccu
tsa na'en otafani can'jen'fa'cho aindeccui'ccu pui ma'caen joccaningae tsampima
coiraya'chove atesu'faye pui ande'sundeccui'ccu. Puiyi'cco faengae tsenisundeccu
bopa tsoña'chove, tsa'caen tsomba plame ñoñaña'chove (ma'caen tsama
tsoña'chove).
03 Joqquitssian'jen'fa tsu petrolera 117 tsa Güeppí'su reserva'suma Perunima, toya'caen
ma'can concesion petrolerama'qque, tsa ccoanifae ande jin'cho'suma. Pa'cco
tsutonima. Tsa andeta tsu ña'me singe po'ta'choi'ccu egae da'cho. Tse'tti'sundeccu
in'janchoma ccaningae. Por destruir la oportunidad de entrar al mercado de carvono
(deforestacion evitada).
04 Tsa'suma tsu joccaningae tisu'pa caña'jen'chove tsoña'cho comuna'su federación
tse'tti'su nasundeccui'ccu, tsa tsampima jongaesuma dañosa'ne, tsambi'ta tsampi
tsave jin'cho'suma chavaeñe oshasa'ne.