Ng¯ati Tuwharetoa (Bay of Plenty) Claims Settlement Bill

Preamble
Ngāti Tuwharetoa (Bay of Plenty)
Claims Settlement
New (unanimous)
(21) Nō te marama o Tīhema o te tau 1867 whakawhiwhia ai e Te
Kōti Pāremata te poraka o Rotoitipaku ki ētahi tāngata tekau
ā, ko te poraka o Tawhitinui i whakawhiwhia ki ētahi tāngata
tekau mā tōru. I whakawhiwhia ēnei tāngata i te mea ko rātou
te hunga whai pānga ki aua whenua ā, kāore rātou i kuhu ki
ngā mahi ‘‘hara’’:
(22) Ko te titiro a Ngāti Tuwharetoa (Bay of Plenty) ki ēnei
whakawhiwhinga, mō te iwi kē ā, ko ngā tāngata i tohungia, i
te tū kē hei kaitiaki mō te hapū. Hāunga, nō te pānuitanga o
ngā whakawhiwhinga a Te Kōti Pāremata i roto i Te Kāhiti o
Niu Tireni i te tau 1874, kāore he kōrero mō te kaitiaki, engari
he kōrero kē mō te whakawhiwhi noa ki te hunga nei:
(23) I whakawhiwhia ētahi o ngā tāngata o te hapū o Te Tāwera ki
ētahi whenua i te takiwā o Umuhika, i runga tonu i ngā
whakaritenga a Wilson; hei tāna, he rahi tonu ngā whenua o
Te Tāwera i taua takiwā i mua o te pakaru mai o te riri:
(24) Nō te marama o Tīhema o te tau 1867, whakawhiwhia ai e Te
Kōti Pāremata ētahi pito whenua e 50 eka te rahi mai i ngā
poraka whenua o Rotoitipaku me Tawhitinui ki ētahi tāngata
tekau. Katoa ēnei whakawhiwhinga i raro i ngā tekiona 4 me
te 6 o Te Ture Whenua Raupatu 1867, e āhei ana te Karauna
ki te whakahoki whenua ki ētahi tāngata e whakaaro ana te
Karauna kua ‘‘tāngata hara kua tūohu ki te Karauna’’:
(25) I mahia e Wilson āna mahi i raro i ngā tekiona o Te Ture
Whakatau Manene ki Niu Tireni 1863, me āna whakarereketanga.
Nō muri kē ka whakatakoto ture hōu te Karauna,
pēnei i Te Ture Whenua Raupatu 1867 e aha ai, e mana ā-ture
ai ngā whakaritenga a Wilson:
(26) Ahakoa te mea i whakawhiwhia a Ngāti Tuwharetoa (Bay of
Plenty) ki ētahi whenua mā te huarahi o te tikanga pāremata, i
ngaro ā rātou tika ki te kuhu ki ērā o ō rātou whenua me ā
ratou rawa:
(27) Ko ngā whenua i hoki mai mā te tikanga pāremata, i hoki mai
ke ki ngā tangata takitahi, āpā te hapū, te iwi rānei. Kāore i
hāngai ngā momo whakawhiwhinga nei ki ngā tikanga tiaki
whenua o mua, nā reira i mōrearea te noho o aua whenua kei
wehea:
26