Ng¯ati Tuwharetoa (Bay of Plenty) Claims Settlement Bill

Preamble
Ngāti Tuwharetoa (Bay of Plenty)
Claims Settlement
Struck out (unanimous)
Ngā whakamārama mo te Raupatu—Te Riri i te Waiariki ki te
Rawhiti
(5) No te marama o Hurae o te tau 1863 pakaru mai ai te riri ki
waenganui i te Karauna me ngā Maori i Waikato; hei
wāhanga o te riri nei, i pakaru etahi whawhai ki te Waiariki i
te haurua tomua o te tau 1864.
(6) No te marama o Hurae o te tau 1865, whai muri o tetahi wa
whakariuka, ka patua a James Fulloon, tetahi apiha na te
Karauna, me etahi heremana tokotoru o runga i te kai-puke
Kate, e etahi Maori i Whakatane. Na TH Smith, te Komihana
Karauna i Maketu te whakamana kia hopukina era te hunga i
whai wāhi ki ngā mahi kohuru i te hunga i runga i te kai-puke
Kate.
(7) No te marama o Akuhata o te tau 1865 takatu ai tetahi ope
taua a te Karauna e 500 ngā hoia, tae noa ki etahi Maori mai i
ngā hapū me ngā iwi e noho tata ana, kei raro i ngā whakahau
a Meiha William Mair, Kai-whakawa a-Rohe, ki te mau-here i
era i ingoatia i te whakamana. Ka whaia era i ingoatia i te
whakamana, ka awhitia etahi pa i te Waiariki ki te rawhiti. Ko
etahi o Ngati Tuwharetoa e noho ana ki aua pa.
(8) No te hipanga o te ope taua i te pa o Pārawai ka pakaru mai te
whawhai. Ka murua e ngā hoia o te Karauna ngā kararehe me
ngā pātaka kai engari kore rawa te pa i horo. Katahi ka neke
ngā hoia ki Te Umu-hika, i reira tu ano te puehu i waenganui i
ngā hoia me etahi tangata mai i te pa o Pārawai. I te pakanga
nei, ka mate e Hoete o te hapū o Te Tāwera, i a ia e aukati ana
i ngā hoia e whakaeke ana i te pa. E toru taima a ia e puhia
ana. Ko te whakapae i whiua ki runga i etahi o Ngati
Tuwharetoa, na ratou etahi o ngā ‘‘tangata hara’’ i atawhai. Ka
whakamatea enei e te ope taua a te Karauna, katahi ia ka neke
ki Te Kupenga. E ai ki a Ngati Tuwharetoa ko etahi o ngā
tangata i whakamatea, kaore i te paku aha, i te manaaki noa
iho i era i te whaia e te Karauna.
(9) No te ra e 2 o Hepetema o te tau 1865 whakaputaina ai e te
Karauna tetahi Pānui Rongomau e ki ana kua mutu te
pakanga. I ki te Pānui, kaore e hāmenetia era i tū maro ki te
Karauna mai i te tau 1863, mo a ratou hara o mua. Kaore i
6