academica of cicero. - 912 Freedom Library
academica of cicero. - 912 Freedom Library
academica of cicero. - 912 Freedom Library
Create successful ePaper yourself
Turn your PDF publications into a flip-book with our unique Google optimized e-Paper software.
The Project Gutenberg eBook <strong>of</strong> ...<br />
solemus, inquit, ostendere. Quae sunt tandem ista mysteria? aut cur celatis, quasi turpe aliquid,<br />
sententiam vestram? Ut, qui audient, inquit, ratione potius quam auctoritate ducantur. Quid, si<br />
utroque? num peius est? Unum tamen illud non celant, nihil esse quod percipi possit. An in eo<br />
auctoritas nihil obest? Mihi quidem videtur vel plurimum. Quis enim ista tam aperte<br />
perspicueque et perversa et falsa secutus esset, nisi tanta in Arcesila, multo etiam maior in<br />
Carneade et copia rerum et dicendi vis fuisset?<br />
XIX. 61. Haec Antiochus fere et Alexandreae tum et multis annis post, multo etiam<br />
adseverantius, in Syria cum esset mecum, paulo ante quam est mortuus. Sed iam confirmata<br />
causa te, hominem amicissimum—me autem appellabat—et aliquot annis minorem natu, non<br />
dubitabo monere: Tune, cum tantis laudibus philosophiam extuleris Hortensiumque nostrum<br />
dissentientem commoveris, eam philosophiam sequere quae confundit vera cum falsis, spoliat nos<br />
iudicio, privat approbatione, omnibus orbat sensibus? Et Cimmeriis quidem, quibus adspectum<br />
solis sive deus aliquis sive natura ademerat sive eius loci, quem incolebant, situs, ignes tamen<br />
aderant, quorum illis uti lumine licebat, isti autem, quos tu probas, tantis <strong>of</strong>fusis tenebris ne<br />
scintillam quidem ullam nobis ad dispiciendum reliquerunt: quos si sequamur, iis vinculis simus<br />
adstricti, ut nos commovere nequeamus. 62. Sublata enim adsensione omnem et motum<br />
animorum et actionem rerum sustulerunt: quod non modo recte fieri, sed omnino fieri non potest.<br />
Provide etiam ne uni tibi istam sententiam minime liceat defendere. An tu, cum res occultissimas<br />
aperueris in lucemque protuleris iuratusque dixeris ea te comperisse, quod mihi quoque licebat,<br />
qui ex te illa cognoveram, negabis esse rem ullam quae cognosci, comprehendi, percipi possit?<br />
Vide, quaeso, etiam atque etiam ne illarum quoque rerum pulcherrimarum a te ipso minuatur<br />
auctoritas. Quae cum dixisset ille, finem fecit. 63. Hortensius autem vehementer admirans, quod<br />
quidem perpetuo Lucullo loquente fecerat, ut etiam manus saepe tolleret, nec mirum: nam<br />
numquam arbitror contra Academiam dictum esse subtilius, me quoque, iocansne an ita sentiens<br />
—non enim satis intellegebam—, coepit hortari, ut sententia desisterem. Tum mihi Catulus: Si te,<br />
inquit, Luculli oratio flexit, quae est habita memoriter, accurate, copiose, taceo neque te quo<br />
minus, si tibi ita videatur, sententiam mutes deterrendum puto. Illud vero non censuerim, ut eius<br />
auctoritate moveare. Tantum enim non te modo monuit, inquit adridens, ut caveres ne quis<br />
improbus tribunus plebis, quorum vides quanta copia semper futura sit, adriperet te et in contione<br />
quaereret qui tibi constares, cum idem negares quicquam certi posse reperiri, idem te comperisse<br />
dixisses. Hoc, quaeso, cave ne te terreat. De causa autem ipsa malim quidem te ab hoc dissentire.<br />
Sin cesseris, non magno opere mirabor. Memini enim Antiochum ipsum, cum annos multos alia<br />
sensisset, simul ac visum sit, sententia destitisse. Haec cum dixisset Catulus, me omnes intueri.<br />
XX. 64. Tum ego non minus commotus quam soleo in causis maioribus, huius modi quadam<br />
oratione sum exorsus: Me, Catule, oratio Luculli de ipsa re ita movit, ut docti hominis et copiosi<br />
et parati et nihil praetereuntis eorum, quae pro illa causa dici possent, non tamen ut ei respondere<br />
posse diffiderem. Auctoritas autem tanta plane me movebat, nisi tu opposuisses non minorem<br />
tuam. Adgrediar igitur, si pauca ante quasi de fama mea dixero. 65. Ego enim si aut ostentatione<br />
aliqua adductus aut studio certandi ad hanc potissimum philosophiam me applicavi, non modo<br />
stultitiam meam, sed etiam mores et naturam condemnandam puto. Nam, si in minimis rebus<br />
pertinacia reprehenditur, calumnia etiam coercetur, ego de omni statu consilioque totius vitae aut<br />
certare cum aliis pugnaciter aut frustrari cum alios tum etiam me ipsum velim? Itaque, nisi<br />
ineptum putarem in tali disputatione id facere, quod, cum de re publica disceptatur, fieri interdum<br />
solet, iurarem per Iovem deosque penates me et ardere studio veri reperiendi et ea sentire, quae<br />
dicerem. 66. Qui enim possum non cupere verum invenire, cum gaudeam, si simile veri quid<br />
invenerim? Sed, ut hoc pulcherrimum esse iudico, vera videre, sic pro veris probare falsa<br />
turpissimum est. Nec tamen ego is sum, qui nihil umquam falsi approbem, qui numquam<br />
adsentiar, qui nihil opiner, sed quaerimus de sapiente. Ego vero ipse et magnus quidem sum<br />
opinator—non enim sum sapiens—et meas cogitationes sic dirigo, non ad illam parvulam<br />
Cynosuram,<br />
'Qua fidunt duce nocturna Phoenices in alto,'<br />
http://www.gutenberg.org/files/14970/14970-h/14970-h.htm[1/5/2010 10:31:57 AM]