EYMSC Håndbok samisk

HELENE WESTRUM GUNDERSEN 

DAVVISÁMEGIEL MANUÁLA 

GEAVAHEDDJIIDE 

Early Years Movement 

Skills Checklist (EYMSC) 

1

HELENE WESTRUM GUNDERSEN 

DAVVISÁMEGIEL MANUÁLA 

GEAVAHEDDJIIDE 

Early Years Movement 

Skills Checklist (EYMSC) 

M. CHAMBER & D. SUGDEN

Kopierengielddus! 

Dát duodji lea suodjaluvvon dahkkivuoigatvuođa lágain. Kopiijaváldin, earretgo 

oahpaheddjiid vuoigatvuohta váldit kopiija oahpaheapmái, mii čuovvu Kopinor 

šiehtadusaid, lea gielddus. 

Davvisámegiel manuála geavaheddjiide 

Early Years Movement Skills Checklist (EYMSC) 

Helene Westrum Gundersen 

ISBN 978-82-90910-71-1 

Heivehan davvisámegillii: Kirsten Wirkola, Solvår Knutsen Turi, Lone Nergård Boine 

ja Marit Inger Pulk, Statped 2022 

© Info Vest forlag www.infovestforlag.no 

Design: Tryll design 

Illustrašuvnnat: Sirina Håland 

3

OVDASÁTNI 

Early Years Movement Skills Checklist (EYMSC) dárogiel manuála geavaheddjiide 

lea Helene Westrum Gundersen čállán 2015:s. Dan barggu son čađahii 

Stavangerprošeavtta – Oahppi mánná- oktavuođas, go guorahalai dárogielat 

golmmajahkásaččaid máhtu EYMSC dáfus. Barggustis son oaččui doarjaga fágabirrasis 

fysio- ja ergoterapevtabálvalusas. 

Davvisámegiel manuála EYMSC:as lea Elle Márjá Vars jorgalan sámegillii, ja 

Statpeda prošeaktajoavku: Kirsten Wirkola, Solvår Knutsen Turi, Lone Nergård Boine 

ja Marit Inger Pulk, leat viidásat heivehan sisdoalu davvisámegillii. Fágalaš sisdoalu 

barggus lea Statped ovttasbargan Info Vest lágádusain. 

Statped lea resurssaid juolludemiin dahkan vejolažžan ollašuhttit prošeavtta. 

Prošeaktajoavku, Áltá, guovvamánnu 2022 

4

SISDOALLU 

1. ÁLGU....................................................................................................................................6 

2. LIHKADANOVDÁNEAPMI.............................................................................................7 

2.1 Introdukšuvdna..............................................................................................................7 

2.2 Motorihkalaš gálggat mánáidgárdeagis.......................................................................9 

2.3 Lihkadanváttisvuođaid kárten....................................................................................11 

3. EARLY YEARS MOVEMENT SKILLS CHECKLIST (EYMSC)...............................13 

3.1 Mo deavdit iskanlisttu.................................................................................................14 

3.2 EYMSC bargamušaid dárkileappot čilgen................................................................16 

1. OASSI Iešbirgengálggat.........................................................................................17 

2. OASSI Fiinnamotorihkalaš gálggat......................................................................21 

3. OASSI Mihtilmas gálggat go lea joavkkus...........................................................25 

4. OASSI Gálggat astoáiggis/stoahkanbáikkiin.......................................................29 

3.3 Áicanskovvi..................................................................................................................37 

4. TEKNIHKALAŠ DIEĐUT..............................................................................................41 

5. NJUOLGGADUSAT JA DOAIBMAEVTTOHUSAT..................................................46 

Doaibmaevttohusat 1. oassái – Iešbirgengálggat............................................................48 

Doaibmaevttohusat 2. oassái – Fiinnamotorihkalaš gálggat.........................................48 

Doaibmaevttohusat 3. oassái – Mihtilmas gálggat go lea joavkkus..............................49 

Doaibmaevttohusat 4. oassái – Gálggat astoáiggis/stoahkanbáikkis...........................50 

6. KASUISTIHKKA – OVDAMEARKKAT DASA MO 

EYMSC SÁHTÁT GEAVAHIT........................................................................................53 

7. REFERÁNSSAT................................................................................................................57 

5

1. ÁLGU 

Early Years Movement Skills Checklist (EYMSC) lea motorihka iskanlisttu mii 

lea ráhkaduvvon Englánddas, Mary Chambers ja David Sugden bokte, dan várás 

ahte sáhttit identifiseret ja árvvoštallat mánáidgárdeagi mánáid motorihkalaš 

váttisvuođaid. Synnøve Iversen ja Else Mari Larsen leaba jorgalan áicanskovi 

dárogillii 2008:s, Stavangerprošeavtta – Oahppi mánná- geavaheapmái. Dasa lassin 

ráhkadeigga bagadallama mii sáhttá geavahuvvot doarjjan skovi deavdimii. Dušše 

dat mánáidgárddit mat ledje dien prošeavttas fárus ožžo vuoigatvuođa geavahit dien 

dárogiel veršuvnna. Maŋŋil lea boahtán gažaldat iigo gávdno almmolaš EYMSC 

dárogiel veršuvdna, mii dál gávdno. 

EYMSC jorgaluvvui sámegillii 2022:s, dan dárogiel veršuvnna vuođul. Mii 

bálddastahttit sámegielhállii mánáid dárogielhálli mánáiguin. 

Dán manuála váldoulbmiljoavku leat mánáidgárdeoahpaheaddjit, mánáidgárddiid 

bargit, fysioterapevttat, ergoterapevttat ja eará olbmot geat barget mánáiguin 

mánáidgárdeagis. Nuppi kapihttalis čilgejuvvo motorihkalaš ovdáneapmi 

mánáidgárdeagis ja EYMSC:a teoriijavuođđu. Goalmmát kapihttalis čilgejuvvo movt 

iskanlistu galgá deavdit ja movt árvvoštallat bohtosiid. Vuđolaš dieđut iskanlisttu birra 

lea kapihttal njealjis. 

EYMSC lea ráhkaduvvon dan várás ahte identifiseret mánáid geain leat 

motorihkalaš váttut. Iskanlisttu lea juhkkon ja huksejuvvon njealji fáttá vuođul, 

mii dagaha ahte lea álki álggahit spesifihkka doaimmaid árrat. Viđat kapihttalis 

evttohuvvojit doaibmabijut mat gusket iešguđet fáttáide iskanlisttus. Loahpas dán 

manuálas leat ovdamearkkat movt geavahit iskanlisttu, moatti kasuistihka bokte. 

6

2. LIHKADANOVDÁNEAPMI 

2.1 Introdukšuvdna 

Máná motorihkka ovdána jođánit ja dramáhtalaččat máná vuosttaš eallinjagiid. 

Njuoratmánná ii sáhte ieš lihkadit, son dárbbaša rávisolbmo veahki nagodit lihkadit. 

Moadde jagi maŋŋá viegada mánná duohkot deike, stivre diŋggaid ja duhkorasaid, ja 

lea lunddolaš oassálasti bearraša sosiálalaš eallimis. Motorihkalaš gálggaid ovdáneapmi 

lea eanemus oinnolaš máná vuosttaš eallinjagiid ja daid leage álkimus áicat (2, 1). 

Gaskal guovtti ja čieža jagi ovdánit ollu motorihkalaš vuođđogálggat, mat leat 

huksengeađggit ollu lihkadangálggaide. Mánát ohppet viehkat, njuikut, čiŋkut, 

goargŋut, čiekčat, bálkestit ja dustet spáppa, tennjet, čállit ja lihkahallat/stivret 

iešguđetlágan reaidduid. Gálggat maid mánát ovddidit dien agis, leat dárbbašlaččat 

dasa vai sii sáhttet doaibmat iešheanalaččat beaivválaš eallimis, nugo ovdamearkka 

dihte hálddašit iešbirgengálggaid ja searvat stoahkanšilju stoahkamiidda ja 

astoáiggedoaimmaide (1, 3). 

Dan ahte máhttit lihkadit sihkkarit ja dárkilit iežas dábálaš birrasis, lea eatnasiidda 

hui vuđolaš ja automáhtalaš oassi beaivválaš eallimis. Danin lea álki vajáldahttit dan 

man váddásat ja máŋggabealálaččat dat lihkastagat duođai leat. Dat mat orrot álkis, 

beaivválaš gálggat, sáhttet dagahit stuora fuolastumi mánáide geat eai leat ovddidan 

daid lihkadannávccaid maiguin mánná galgá doaibmat (4, 1). 

Mánáid motorihkalaš gálggain leat hui viiddis normála variašuvnnat. Muhtumat 

šaddet spábbačiekčannásttit, earát šaddet rytmmalaš čeahpes dánsut. Earát ges 

guossalit iežaset julggiide, rahčet juogalágan hehttehusa meaddel beassat, durddidit 

borranbeavddis ja čađat dárbbašit veahki feara makkár bargamušaide. Ii leat álo álki 

diehtit goas boalbbasvuohta lea juoga maid sáhttá gohčodit dábálašvuohtan ja goas dat 

lea eahpedábálaš (5). 

Guhkes áiggiid dás ovdal leat čilgen mánáid geain leat motorihkalaš váttut. 

Ođđaseamos ja eanemus dohkkehuvvon namahus čilget dieid váttisvuođaid, lea 

Developmental Coordination Disorder (DCD). DCD gávdno 5-6 % mánáin gaskal 

5 ja 11 jagi (6). Ollu iskkademiin leat oaidnán sohkabeliid gaskka erohusaid. Dáid 

váttuid oaidná dávjjit bártnážiin go nieiddažiin. Erohusat sáhttet rievddadit gaskkal 

2:1 ja 4:1 (7). DCD lea dávjá okta máŋgga eará váttisvuođain, mat sáhttet leat ADHD, 

7

dysleksiija, autisma ja giellaváttut (8). 

Ovdal lei dábálaš ipmárdus ahte mánáin geain lei DCD, jávket motorihkalaš 

váttut dađi mielde go sii sturrot. Ođđasit dutkamat čájehit ahte ii álo doala deaivása. 

Mánát geain lea DCD, ohppet spesifihkka motorihkalaš bargamušaid oalle bures, 

muhto sii sáhttet dovdat váttisvuođaid go bohtet ođđa gálggat maid galget oahppat. 

Lea maid vissis riska ahte dat mánát sáhttet oažžut sekundára váttisvuođaid mat 

čuvvot sin motorihkalaš váttuid. DCD dábálaččat fuomášuvvo go fuolastuvvá máná 

motorihkalaš gálggaid dáfus. Das viidáseappot sáhttá oaidnit váttisvuođaid mat gusket 

iešbirgengálggaide ja skuvlabargguide, ja ahte unnit searvá astoáiggedoaimmaide. Jus 

daid váttuid ii identifisere ja álggat spesifihkka doaimmaid áiggil, de lea stuorát riska 

ahte mánát sáhttet oažžut earálágan ja heajut iešgova go nuorravuhtii jovdet. Sáhttet 

maid šaddat mentála dearvvašvuođaváttisvuođat (9). 

Lea dehálaš árrat identifiseret motorihkalaš váttisvuođaid ja álggahit spesifihkka 

doaibmabijuid, vai nagoda geahpedit vejolaš dovdduide čuohcci, fysalaš ja sosiálalaš 

váikkuhusaid. Eaktun dasa ahte áiggil galgá sáhttit veahkehišgoahtit, lea ahte máná 

motorihkalaš doaibma identifiserejuvvo ja árvvoštallojuvvo dárkilit ja systemáhtalaččat 

(10, 1). 

8

2.2 Motorihkalaš gálggat mánáidgárdeagis 

Teoriijat dan hárrái ahte mo mánát ovddidit iežaset motorihkalaš gálggaid, leat 

ollu rievdan maŋemus čuođi jagis. Ođđaseamos ipmárdus motorihka ovdáneami 

birra siskkilda máŋga fágalaš perspektiivva, nugo earet eará fysihka, psykologiija, 

nevrodiehtaga, biologiija ja ovdánanteoriija (2, 11). Moser ja Storli (11) 

čoahkkáigeassiba dán dynámalaš, proseassavađut oainnu, mii guoská motorihkalaš 

ovdáneapmái, dakkár seagáš nuppástuvvan proseassan. Dat proseassa siskkilda sihke 

máná individuála dili (árbbi, vásáhusaid, biologalaš eavttuid jnv.), birrasa fysalaš 

ja psyhkalaš dilálašvuođaid (mat sáhttet juogo ovddidit dahje goahcat) ja makkár 

lihkadan bargamušaiguin mánná deaivida ja sáhttá atnit ávkin. Ovdáneapmái váikkuha 

diehttelas maiddái stuorrun ja láddan. Go dán dynámalaš teoriija čuovggas geahččá 

ášši, de oaidná ahte juohke máná motorihkalaš ovdáneapmi lea individuála proseassa 

mii lea ollu rievdavaš. 

Vaikko motorihkalaš ovdáneapmi ii čuovoge bissovaš stáđis ja ovdagihtii 

mearriduvvon minstara, mii lea seammalágan juohke máná dáfus, de gávdno aŋkke 

muhtun njuolggaduslaš ortnetvuorru man mielde motorihkalaš gálggat ovdánit. 

Mánná ferte ovdamearkka dihte máhttit čuožžut ovdalgo sáhttá vázzit. Ja vázzin ferte 

ollen vissis dássái ovdalgo mánná sáhttá viehkat (11). 

Go galgá árvvoštallat máná individuála motorihkalaš ovdánandási, de ferte 

vuos diehtit maid galgá áicat. Danin leage dehálaš čohkket máhtu «gaskamearálaš 

motorihkalaš ovdánanmanu birra», dasgo de oažžu referánsarámma man siskkobealde 

sáhttá máná áicat. Tabealla 2.1 govvida muhtun válljejuvvon ovdánandovdomearkkaid 

mat gusket gaskal 2 ja 5 jahkásaš mánáid roavvamotorihkkii ja fiinnamotorihkkii. 

Diekkár tabeallat leat ráhkaduvvon «gaskamearálaš máná» vuođul, mat fas leat 

huksejuvvon ollu individuálalaš ovdánemiid áicamiidda main leat individuála 

variašuvnnat (11). 

9

Tabealla 2.1 Muhtun ovdánandovdomearkkat; roavvamotorihkka ja fiinnamotorihkka, 2-5 

jahkásaččat (11, 1, 12, 13, 14) 

AHKI 

2 

3 

ROAVVAMOTORIHKKA 

Vázzinminsttar ovdána (juolgevuođuid 

geavaheapmi). 

Hálddaša tráhpaid oktoieš (go doarju gieđain). 

Máhttigoahtá viehkat nu ahte goappašat 

juolggit leat oktanis áimmus. 

Njuiku vuosttaš geardde (eanemusat duolba 

juolgevuođuid alde). 

Máhttá fáhkka spiehkastit eará guvlui. 

Njuikugoahtá cehkiin vulos. Máhttigoahtá 

balanseret ovtta juolggi alde. 

Oktiiordne diagonála vázzinminstara (jorran 

ja giehtašlivgun). 

Viehkan bures ovdánan – viehká nu ahte 

goappašat juolggit leat oktanis áimmus. 

Máhttá jođánit spiehkastit eará guvlui ja 

johtilit heivehit lihkastagaid. 

Njuiku vulos, njuike bajás bálddalas 

julggiiguin. 

Golmmajuvllagiin sihkkelastá.. 

Gubbarastá ja jorrá čielggi ala. 

Balansere sullii 20 cm govddu stoalppu alde. 

Máhttá juolgesuorpmaid alde čuožžut ja 

vázzit. 

FIINNAMOTORIHKKA 

Giehtadominánsa ovdánišgoahtán 

Dolle diŋggaid eanemusat iežas guvlui– muhtumat 

álget olggosguvlui dollet. 

Máhttá geavahit boradanreaidduid. 

Nákcegoahtá hálddašit álkis konstrukšuvdna 

duhkorasaid (birccuid bordá maŋŋálaga, dahje 

bordá mottiin birccuin doartna). 

Čiekčá dahje doašku ulbmillaččat johtti diŋggaid 

(spáppa). 

Bálkesta spáppa guvttiin gieđain. 

Čiekčá spáppa. 

Geavaha suorpmaid eanet ja eanet «iešráđálaččat». 

Dolle eanet olggosguvlui. 

Máhttigoahtá čuohppat, máhttá gierddu sárgut. 

Máhttigoahtá álkis bihttáspealuid, main bihtát 

galget heivet oktii. 

Máhttá birccuiguin hukset sihke ceaggut ja láskut. 

Bálkesta spáppa guvttiin gieđain, máhttigoahtá 

dustet spáppa. 

Nuolada ieš. 

Máhttá muhtun muddui ieš gárvodit (ii gárvot álo 

riekta). 

4 

Geavaha ollislaš viehkanlihkastagaid. 

Duolmmasta goabbat vuoru julggiiguin 

go vázzá vulos bajás tráhpaid (vulos 

váddáseabbo). 

Máhttá máŋgga geardde njuikut bálddalas 

julggiiguin, oahppagoahtán čiŋkut. 

Addá ieš suhkosii leahtu. 

Gubbarastá ja bisána čohkkut. Sáhttá 

oahppat guovttejuvllat sihkkeliin sihkkelastit 

(doarjjajuvllaiguin). 

Bissu čuožžut ovtta juolggi alde 3-5 sekundda, 

oahppagoahtán čiŋkut. 

«Suorbmagežiiguin bargan» buot suorpmaiguin, 

ovddiduvvo. 

Sárgu govus motiivvaid (oaivi/juolggit). 

Hukse ja konstruere birccuiguin iešguđetlágan 

hámiid. 

Automatisere borranreaidduid geavaheami, 

máhttá gohppui njoarrat. 

Bálkesta eambbo ulbmillaččat moala guvlui. 

Duste spáppa sihkkareappot goruda vuostá. 

Máhttá gárvodit, bártida veaháš boaluiguin ja 

johtinlohkain. 

5 

Máhttá bures koordineret gieđaid ja julggiid 

go viehká. 

Njuiku meaddimiin, máhttá dánsunnjuikut. 

Balansere linnjá alde. 

Bissu čuožžut ovtta juolggi alde sullii 10 sek. 

Máhttá čiŋkut sullii 5 m goabbat julggiin. 

Searvá iešguđetlágan spáppastallamiidda main 

leat njuolggadusat. 

Gubbarastá nu ahte jorrá čuožžut. Máŋggas 

hálddašit guovttejuvllat sihkkela. 

Olggosguvlui dolle bliántta. Máhttá guoskat 

bealgegežiin eará suorbmagežiide, ovttaid mielde. 

Máhttá váddásit vugiin geavahit bargoneavvuid ja 

reaidduid. 

Čuohppá sázu mielde, sárgu sázuid gaskka, 

kopiere govvosiid ja bustávaid. 

Máhttigoahtá aktiivvalaččat dustet unna spáppaža 

goappašat gieđaiguin. 

Galkkaha spáppa oalle buriin stivrejumiin. 

Máhttá boaluhit dábálaš boaluid ja johtinlohka. 

10

2.3 Lihkadanváttisvuođaid kárten 

Go galgá árvvoštallat mo motorihkalaš gálggat váikkuhit beaivválaš doaimmaide, de 

ávžžuhit kártet kultuvrralaš, áššáiguoskevaš ovdánahttin bargamušaid dáin surggiin: 

mánáidgárdeagi máná iešbirgen ja duhkoraddan ja astoáigi (15). Early Years Movement 

Skills Checklist (EYMSC) lea ráhkaduvvon dan ulbmilii. Go dien mállet kártenreaidduid 

váldá atnui mánáidgárddis, de sáhttá vuordit ahte nákce identifiseret eambbo mánáid 

geain leat motorihkkaváttisvuođat. Dat rahpá vejolašvuođa čađahit viidásit kártema ja 

ásahit doaibmabijuid mat leat vásedin heivehuvvon juohke mánnái (10, 16). 

Máná motorihkalaš váttisvuođaid árvvoštallan ja identifiseren lea vuođustuvvon 

máná jámma ovdáneapmái, ja maiddái dasa mo iešguđetlágan birrasiid ja bargamuša 

čađaheami ovttasdoaibman lea (1, 10). Govus 2.1 illustrere dien dynámalaš 

ovttasdoaibmama. Birrasat gos bargamuš čađahuvvo, ja máná resurssat, ásahit 

individuála bargamušaid mánnái juohke dihto dilálašvuođas. Ovdamearkan sáhttit 

geavahit máná gii galgá čuohppat. Jus dan galgá bargat stuora beavddis gos seammás leat 

ollu eará doaimmat, ja gos lea ollu riedja ja mánná čohkká unohasat stuolus, de sáhttá 

geavvat nu ahte mánná ii hálddaš dan barggu. Dan dilis gáibida dat bargamuš beare 

ollu mánás. Jus dan seamma barggu bargá jaskes dilis gos mánná čohkká vuohkkasit, 

de sáhttá son nákcet čađahit bargamuša. Váttisvuođadási ja máná resurssaid gaskkas lea 

balánsa. 

Dađistaga go mánná šaddá boarráseabbo ja ovdánahttá iežas gálggaid (šaddan ja 

láddan) ja vásáhusaid, de sáhttá váddásit doaimmaid nákcet hálddašit. Dat mearkkaša 

ahte mánná maid geavaheimmet ovdamearkan dás ovdalis, sáhttá máhttit čuohppat 

iešguđetlágan minstariid, iešguđetlágan materiálain ja nagodit dan bargat iešguđetlágan 

dilálašvuođain. 

Eará ovdamearka sáhttá leat mánná gii galgá sihkkelastit golmmajuvllat sihkkeliin. 

Eadni muitala ahte mánná ii máhte sihkkelastit. Dat čohkká dušše sihkkela alde ja 

geassá iežas ovddosguvlui julggiiguin. Go dárkileappot dien iská, de fuobmá ahte die lea 

áidna vuohki mo mánná sáhttá bargat, danin go su juolggit eai ole pedálaide, ja danin 

ii sáhte sihkkelastit. Dan váttisvuođa čoavdá dan láhkái ahte heiveha sihkkela nu ahte 

pedálat bohtet lagabui čohkkánstealli. De olaha mánná duolbmat pedálaid. Ja de mánná 

sihkkelastá stuora mojiin ja buriin nákcendovdduin. Dien ovdamearkkas heivehuvvui 

doaibma máná fysalaš gáržžádusaide (eai lean doarvái guhkes juolggit). Mánná sáhtii 

válljet ođđa lihkadančovdosa, ja nu oinnii ahte son nákcii dan barggu čađahit. 

11

Máná resurssat 

(kognitiiva, affektiiva, 

motorihkalaš) 

Lihkadančovdosat 

Lihkadanbiras 

Makkár bargamuš 

Govus 2.1 Máná, birrasiid ja bargamuša ovttasdoaibman (1). 

Golmmačiegat čájeha dynámalaš vuogádatperspektiivva, mo dat golbma čiega sáhttet leat dat mat duvdet 

ovddos máná fysalaš ja motorihkalaš ovdáneami. Buot diet golbma komponeantta leat guovddážis go galgá 

árvvoštallat máná motorihkalaš ovdáneami. Mánáidgárddis leat dávjá birrasat ja bargamušat maiguin sáhttá 

ovdáneami ovddidit ja árvvoštallat ovdáneami manu. Go dien golmma komponeantta ovttasdoaimma pláne 

ja heiveha - makkár bargamušaid (bargobihtáid) mánná galgá bargat, ja guđe báikkis, makkár reaidduiguin ja 

makkár olbmuiguin (birrasiin), de daiguin sáhttá ovddidit (dahje goahcat) máná ovdánanproseassaid (11). 

12

3. EARLY YEARS MOVEMENT 

SKILLS CHECKLIST (EYMSC) 

EYMSC lea iskanlisttu mii lea ráhkaduvvon dan várás ahte sáhttit identifiseret ja 

árvvoštallat motorihkalaš váttisvuođaid eŋgelas mánáin geat leat gaskal 3 ja 5 jagi (1, 

10). Álgoiskkademiin ja Stavangerprošeavtta –Oahppi mánná - dutkosiid bokte, leat 

gávnnahan ahte iskanlistu sáhttá geavahit maiddái norgalaš mánáide, eandalii sullii 

2 ½ gitta 4 jahkásaš mánáide. EYMSC sisttisdoallá 23 beavválaš bargamušaid mat lea 

sirrejuvvon njealji kategoriijaide. Čuovvovaš doaibmasuorggit árvvoštallojuvvojit: 

1. Iešbirgengálggat (6 bargamuša): nuoladit ja gárvodit, boaluhit 

boaluid, boradit basttiin ja gáffaliin, bassat gieđaid. 

2. Fiinnamotorihkalaš gálggat (5 bargamuša): Manipuleret smávva 

diŋggaiguin, kopieren ja manuálalaš máhttu, máhttit bláđet girjjiid, 

čuohppat, hukset modeallaid. 

3. Obbalaš gálggat go lea joavkobargguin (5 bargamuša): 

Čohkkánstabilitehta, guoddit diŋggaid, lihkadit lanjas nu ahte ii guoskka 

olbmuide dahje diŋggaide, stivret guđe guvlui galgá. 

4. Gálggat astoáiggis/stoahkanbáikkis (7 bargamuša): Stoahkanbáikki 

duhkorasaid geavaheapmi, spáppa hálddašit, lihkadit iešguđetládje – 

viehkat, njuikut, bissehallat. 

Diet leat máná beaivválaš bargamušat mánáidgárddis, ja danin leage iskanlisttu 

ávkkálaš indikáhtor mainna sáhttá árvvoštallat mo mánná nákce geavahit iežas vejolaš 

máhtu dan proseassas ahte heivehit birrasiid gáibádusaide iežas. Go bargamušat 

leat sirrejuvvon kategoriijaide, de dat dahká vejolažžan identifiseret spesifihkka 

surggiid main mánná vásiha váttisvuođaid. De sáhttá dárkileappot árvvoštallat vejolaš 

váttisvuođaid, ja de sáhttá álggahit ávkkálaš ja ulbmillaš doaimmaid mat leat mánnái 

ávkin. 

13

3.1 Mo deavdit iskanlisttu 

Praktihkalaš njuolggadusat 

• Iskanlisttu galget geavahit dakkár olbmot geat dovdet máná bures, nugo 

ovdamearkka dihte váhnemat, pedagogat dahje eará fágaolbmot geat leat fárus 

máná beaivválaš bargamušain. 

• Iskanlisttu lea ráhkaduvvon nu ahte dan sáhtát deavdit muittu mielde jus sihkkarit 

muittát mo mánná čađaha bargamušaid, dahje sáhtát máná áicat guhkebuš áiggi 

ovdal go deavddát dan. 

• Áicanáigodat berre leat gaskal 1-3 vahkku. Go guhkit áiggi áicá, de oaidná máná 

dássedis máhttoolahusa. Sáhttá movttiidahttit máná dan áiggis go áicá dan, dakkár 

surggiin main mánás lea unnán hárjáneapmi dahje maid ii oro nákcemin, vai oažžu 

gova das mo máná ovdáneapmi manná ovddosguvlui. 

• Reaiddut maid doaimmaid áicamis geavaha, galget heivet máná ahkái; 

– ovdamearkka dihte mánáid baste ja gáffal, unnit mánáide girjjit main leat garrasit 

árkkat,bihttáspealut mat guđege ahkásaččaide heivejit ja nu ain. 

Skorensystema 

Juohke bargamuša árvvoštallá skálas mas leat njeallje oasi mat leat sirrejuvvon guovtti 

kategoriijaide, geahča govus 3.1. 

Govus 3.1 Skorensystema. Early Years Movement Skills Checklist. 

Máhttá čađahit 

Ii máhte čađahit 

Bures 

Dohkálaččat 

Measta 

Ii lahkage 

1 

2 

3 

4 

Álggos galgá árvvoštallat dán guokte kategoriija; Máhttá čađahit dahje Ii máhte 

čađahit bargamuša. Dasto árvvoštallá bargamuša kvalitehta. Jus mánná máhttá čađahit 

bargamuša, de merke ahte lea máhttán Bures (skora 1) dahje Dohkálaččat (skora 2). 

Jus árvvoštallá máná máhtu Ii máhte čađahit kategoriijai, de árvvoštallá juogo nu ahte 

mánná máhttá Measta (skora 3) dahje Ii lahkage (skora 4). 

14

Nie árvvoštallojuvvo man láhkái mánná čađaha bargamuša, iige dan ahte leago máná 

čađaheapmi buorre vai heittot su agi ektui. Juohke bargamuššii vállje dan skora mii 

buoremusat muitala mo mánná čađahii bargamuša, ja de merke iskanlistui. Juohke 

oasi skoraid rehkenastá oktii. Njeallje oasi čuoggát biddjojit oktii ja ollislaš submi 

čállojuvvo ruktui iskanlistu ovdasiiddus, ja buot dat rehkenastojuvvojit oktiibuot 

loahppaboađusin. Iskanlisttus sáhttá oažžut eanemusat 23 čuoggá. Mađi alladit skora, 

dađi heajut čađahannávccat iskanlisttus. 

Iskanlisttu bohtosa čilgen 

Ollislaš submi árvvoštallojuvvo daid skoraid ektui mat leat tabeallas 3.2. Dan tabeallas 

leat ollislaš skorat mat gusket norgalaš mánáid nákcenmuddui EYMSC árvvoštallamiin 

(17, 18, 19). 

Tabealla 3.2 Ollislaš skorat mat ráddjejit norgga mánáid 5 ja 15 proseantta heajumus skoraid (17, 

18, 19). 

Ahki 5 persentiilla 15 persentiilla 

2 jagi ja 9 mánu 

3-jahkásaččat 


55 

44 

33 

49 

39 

28 

Jus máná skora/ollislaš submi lea seamma ollu dahje heajut (alit) go daid čuoggáid 

submi mii ráddje 5% heajumus mánáid sin ahkásaččaid gaskkas (5 persentiilla), 

de berre ságastallat váhnemiiguin ja fágaolbmuiguin galggašii go mánáin mannat 

viidáseappot iskkademiide. Ovdamearkka dihte fysio- ja ergoterapevtta bálvalussii. 

Jus máná ollislaš skora lea gaskal 5% ja 15% heajumusaid gaskkas su ahkásaččaid 

ektui (gaskal 5 ja 15 persentiilla), de berre dárkilit čuovvut ovdáneami. Sáhttá leat 

ávkkálaš álgit arvvosmahttit daid surggiid maid mánná ii riekta nagot hálddašit, ja 

čađahit ođđa áicama muhtun mánuid geahčen. Jus mánná olaha ollislaš submi mii 

lea buoret go 15 persentiilla, de árvvoštallojuvvo EYMSC vuođul ahte mánás eai leat 

lihkadanváttisvuođat. 

Iskanlisttu bohtosiid galgá várrogasat dulkot. Dat leat dušše vuolggabáiki viidásit 

suokkardallamiidda. 

15

Álgoiskkademiin ja Stavangerprošeavtta – Oahppi mánná - EYMSC dutkosiin, 

geažuhuvvo ahte norgga mánáin lea eará ovdánandynamihkka go eŋgelas mánáin. 

Danin leat erohusat norgga ja eŋgelas mánáid skorain. Norgga mánáid leat árvvoštallan 

EYMSC vugiin čuovvovaš agiin: Mánát geat ledje 2 jagi ja 9 mánu, 3-jahkásaččat ja 

4 jagi ja 9 mánu (17, 19). Danin ovdanbuktojuvvojit dieid ahkásaččaid kategoriijat 

3.1 tabeallas, ja eaige 3-, 4- ja 5- jahkásaččat, nugo eŋgelas mánáid árvvoštallamiin. 

Ávžžuhit árvvoštallat norgga mánáid norgga norpmaid mielde. Go logat 4.kapihttala, 

de doppe gávnnat eambbo dieđuid norgga ja eŋgelas mánáid earaláganvuođaid birra. 

3.2 EYMSC bargamušaid dárkileappot čilgen 

Iversen ja Larsen (20) leaba ráhkadan dárkkuhanbagadusa mas leat ovdamearkkat mat 

čájehit mo iešguđet bargamušaid sáhttá čađahit, iešguđet skorenkategoriijain (20). Dát 

ovdanbukto boahttevaš siidduin ja sáhttá leat ávkkálaš go galgá iskanlisttu deavdit. 

vale områder, 

EYMSC 

Early Years Movement Skills Checklist 

Mary Chambers & David Sugden 2006 

Sjekkliste for bevegelsesferdigheter i førskolealder 

Navn: Kjønn: Født: Alder i år og mnd: 

Barnehage: Utført av: Observasjonsperiode/dato: 

Del 1 Del 2 Del 3 Del 4 Sum 

og Else Mari Larsen 

82-90910-75-9 • bestilles på www.infovestforlag.no 1. opplag 2015 

© Statped, Lesesenteret og Læringsmiljøsenteret ved Universitetet i Stavanger og Institutt for spesialpedagogikk ved Universitetet i Oslo 

16

1. OASSI IEŠBIRGENGÁLGGAT 

3 - jahkásaččat 

Dán agis oahppá mánná nuoladit, ja máhttá muhtun muddui coggat álkis biktasiid, 

eandalii jus oažžu veaháš veahki, muhto ii buot háviid cokka biktasiid rievttes láhkái. 

Eatnasat máhttet álkit boradit basttiin ja gáffaliin. Eatnasat čájehišgohtet ahte sii 

máhttet čoavdit boaluid, muhto boaluheapme sáhttá ain leat váttis. Mánná máhttá 

muhtun osiid giehtabassan ja giehtadoidin barggus, muhto sáhttá leat váttis olles dan 

barggu bargat ulbmillaččat. 

4-5 jahkásaččat 

Go mánná lea 4 -5 jahkásaš, de máhttá nuoladit ja gárvodit. Boaluheapme lea čielgasit 

dakkár doaibma masa ferte leat hárjáneapmi. Jus mánná lea unnán hárjánan bargat 

boaluhemiin, de sáhttá dát leat váttis, muhto veaháš 

hárjehallamiin dáidet eatnasat oahppat dan (jus eai leat 

beare váttis boalut). Mánná čohkká stargadit ja nákce 

bures boradit basttiin ja gáffaliin. Mánná máhttá bassat ja 

sihkkut gieđaidis ulbmillaš ja jotkkolaš doaibman. 

1. Mánná máhttá coggat t-báiddi almmá veahki haga 

Mo bargamuš sáhttá čađahuvvot 

Mánná nuollá t-báiddi almmá rahčama haga 

iešguđetlágan diliin. Lea guhkit áiggi čájehan stabilitehta. 

Mánná nuollá t-báiddi veaháš bártidemiin ja go ollu 

návccaid bidjá bargui. 

Mánná geahččala ieš nuollat t-báiddi, muhto dárbbaša 

fysalaš veahki. 

Mánná ii hálit geahččalit/ii nákce, dárbbaša veahki nuollat 

t-báiddi. 

1 

2 

3 

4 

Skora 

Buorre 

Dohkálaš 

Measta 

Ii lahkage 

17

2. Mánná máhttá nuollat t-báiddi almmá veahki haga 


Mánná nuollá t-báiddi almmá rahčama haga 

iešguđetlágan diliin. Lea guhkit áiggi čájehan stabilitehta. 

Mánná nuollá t-báiddi veaháš bártidemiin ja go ollu 

návccaid bidjá bargui. 

Mánná geahččala ieš nuollat t-báiddi, muhto dárbbaša 


Mánná ii hálit geahččalit/ii nákce, dárbbaša veahki nuollat 

t-báiddi. 

1 

2 

3 

4 

Skora 

Buorre 

Dohkálaš 

Measta 

Ii lahkage 

3. Mánná máhttá boaluhit daid jáhkkaboaluid maid soahpá 

Boalut ja boalloráiggit galget heivet máná ahkái. Mánás galgá 

jáhkka leat badjelis, ja galgá árvvoštallat dušše daid boaluid 

maid mánná lunddolaččat soahpá boaluhit. Bajimus boaluid 

lea dábálaččat váttis soahpat boaluhit, danin daid ii galgga 

árvvoštallat. Go árvvoštallá ahte mánná lea nákcen čađahit 

dán barggu, de galgá mánná nagodan boaluhit daid boaluid 

maid son lunddolaččat soahpá boaluhit. (4-5 jahkásaččat: 

jus mánná lea hui unnán hárjánan boaluide, de árvideamis 

oahppá barggu oalle jođánit go beassá hárjehallat.) 


Mánná boaluha boaluid oba álkit, ja dan máhtu 

oaidná máŋgga eará diliin. Lea guhkit áiggi čájehan 

stabilitehta. 

Mánná boaluha boaluid, muhto bártida ja geavaha 

guhkes áiggi. 

Mánná geahččala ieš boaluhit, nagoda ovtta dahje 

guokte boalu boaluhit ollásii dahje muhtun muddui, 

muhto dárbbaša fysalaš veahki gárvvistit bargamuša. 

Mánná ii hálit geahččalit/ii nákce, dárbbaša veahki 

boaluhit boaluid. 

1 

2 

3 

4 

Skora 

Buorre 

Dohkálaš 

Measta 

Ii lahkage 

18

4. Mánná máhttá čoavdit daid jáhkkaboaluid maid soahpá 


Mánná čoavdá boaluid álkit, ja dan máhtu oaidná 

máŋgga eará diliin. Lea guhkit áiggi čájehan 

stabilitehta. 

Mánná čoavdá boaluid, muhto bártida ja geavaha 

guhkes áiggi. 

Mánná geahččala ieš čoavdit boaluid, soaitá ovtta 

boalu nagodit čoavdit, muhto dárbbaša fysalaš veahki 

nagodit gárvvistit bargamuša. 


čoavdit boaluid. 

1 

2 

3 

4 

Skora 

Buorre 

Dohkálaš 

Measta 

Ii lahkage 

5. Mánná máhttá ieš boradit basttiin ja gáffaliin 


Mánná borada álkit basttiin ja gáffaliin. Durddida 

unnán, dan máhtu áicá máŋgga dilis. Lea guhkit áiggi 

čájehan stabilitehta. 

Mánná borada basttiin ja gáffaliin, muhto ii máhte 

riekta, ja geavaha guhkit áiggi. 

Mánná geahččala boradit basttiin ja gáffaliin, muhto 

dávjá ii deaivva njálbmái/ durddida ollu ja dárbbaša 



boradit basttiin ja gáffaliin. 

1 

2 

3 

4 

Skora 

Buorre 

Dohkálaš 

Measta 

Ii lahkage 

19

6. Mánná máhttá bassat ja sihkkut gieđaidis 

Geavat dakkár sáibbu/dispensera mii lea mánáidgárddis. Dás árvvoštallojuvvo ollislaš 

bargamuš ovttas, sihke dan go mánná váldá sáibbu, basada ja sihkku. 


Mánná bidjá sáibbu gieđaide, njuohtá sáibbu/bassá, 

doidá gieđaidis ja sihkku álkit. Mánná ii bisán 

makkárge oassái dán bargamušas. 

Dán máhtu oaidná máŋgga diliin ja lea guhkit áiggi 

čájehan stabilitehta. 

Mánná bidjá sáibbu gieđaide, doidá gieđaid ja sihkku. 

Muhto mánná bargá guhká ja geavaha guhkes áiggi. 

Mánná bisána ovdamearkka dihte doidimii, ja su ferte 

sihtat bargat viidáseappot. 

Mánná geahččala basadit, muhto dárbbaša veaháš 

fysalaš veahki ovdamearkka dihte sáibbu váldimii, 

doidimii ja sihkkumii. 

Mánná ii hálit geahččalit/ii nákce,dárbbaša veahki buot 

osiide dán bargamušas. 

1 

2 

3 

4 

Skora 

Buorre 

Dohkálaš 

Measta 

Ii lahkage 

20

2. OASSI FIINNAMOTORIHKALAŠ GÁLGGAT 

3 -jahkásaččat 

Dán agis ovdánit máná tennjen - ja kopierennávccat. Gierdduid máhttet eatnasat kopieret 

3 jagi rájes, muhto ruossa kopieren máhttu ii dáidde ihtit ovdal 4-jahkásažžan. Skárriid 

geavaheapmi lea hui gitta hárjáneamis. Muhtun 3-, 3.5- jahkásaččat máhttet hálddašit 

skárriid, ja earát eai soaitte máhttit dan ovdal leat sullii 4 jagi. Bihtáidbordin spealu, mas 

bihtát galget heivet oktii, dan sáhttet 3-jahkásaččat hálddašit, dađi mielde man ollu leat 

hárjánan iešguđetlágan bihtáidbordin spealuide, man stuorrát dat leat ja man ollu bihtát leat. 


Máná fiinnamotorihkalaš gálggat ovdánit mearkkašan ládje go mánná lea 4-5 jahkásaš. 

Dan agis lea eatnasiin juo nubbe giehta mii dominere. Mánná nákce kopieret sihke 

gierddu ja ruossa. Skárriid geavaheapmi lea vásáhusvuđot doaibma, maid eatnasat 

dán agis dáidet juo geahččaladdan ja vásihan. Sáhttá maid vuordit ahte mánná máhttá 

čuohppat njuolga rastá báberárkka. Eatnasat nákcejit maid buđaldit bihttáspealuin mii 

heive sin ahkái, mas leat bihtát mat galget heivet oktii, ja sii nákcejit maid álkit hukset 

legobihtáiguin feara makkár modeallaid. Vurdojuvvo maid ahte mánná máhttá bláđet 

ovtta ja ovtta siiddu girjjis mas leat asehis árkkat. 

7. Mánná máhttá kopieret gierddu ja ruossa gárvves ovdamearkka mieldeDás galgá 

obbalaččat árvvoštallat sihke gierddu ja ruossa kopierema. Sáhttá oaidnit ahte mánná 

kopiere sihke gierddu ja ruossa main ii leat jur juste rievttes hápmi. De mánná oažžu 2. 

Jus mánná kopiere gierddu mii ii leat jur nu guhkkin eret riekta, muhto ii máhte sulliige 

kopieret ruossa, de árvvoštallojuvvo 3. 


Mánná kopiere gierddu ja ruossa dárkilit ja álkit. Dan máhtu 

oaidná máŋgga eará diliin. Lea guhkit áiggi čájehan stabilitehta. 

Mánná kopiere gierddu ja ruossa oalle muddui rievttes hámiin, 

dahje mánná kopiere gierddu bures jorbbasin ja ruossa ii sárggu 

nu bures. 

Mánná nákce kopieret gierddu dohkálaš jorbadassan, muhto ii 

máhte sárgut ruossa. 

Mánná ii hálit geahččalit/ii nákce kopieret gierddu iige ruossa, 

muhto joatká sárgut iežas miela mielde. 

Skora 

1 Buorre 

2 Dohkálaš 

3 Measta 

4 Ii lahkage 

21

8. Mánná máhttá čoaggit ja bordit 

bihttáspellui bihtáid mat galget heivet oktii 

Bihttáspealu bihtáid galgá oktii sáhttit 

deaddilit, ja daid lohku galgá heivehuvvot 

máná ahkái. 


Mánná gávdná bihtáid ja bordá daid álkit riekta. Diehtá gokko 

bihtát galget, ja ii leat darvánan dušše ovtta dihto bihttáspellui. 

Lea guhkit áiggi čájehan stabilitehta. 

Mánná čoaggá bihtáid ja bordá daid oalle bures, muhto muhtun 

bihtáid ii máhtestuva bidjat riekta. Buđalda guhkes áiggi ođđa 

bihttáspealuin. 

Mánná geahččala ieš čoaggit bihtáid ja bordit daid rievttes sajiide, 

muhto dárbbaša fysalaš veahki čađahit bargamuša. 

Mánná ii hálit geahččalit/ii nákce,dárbbaša veahki bidjat bihtáid 

rievttes sajiide. 

Skora 

1 Buorre 

2 Dohkálaš 

3 Measta 

4 Ii lahkage 

9. Mánná máhttá bláđet ovtta ja ovtta siiddu girjjis 

Girjjiin galget leat dakkár árkkat mat heivejit máná 

ahkái. Dat mearkkaša ahte galgá geavahit girjjiid maid 

dábálaččat lohká dan ahkásaččaide. 


Mánná bláđe álkit ovtta ja ovtta siiddu. Lea guhkit áiggi čájehan 

stabilitehta ja máhttá máŋggalágan girjjiid bláđet. 

Mánná máhttá bláđet ovtta ja ovtta siiddu hávális veaháš 

buđaldemiin. Sáhttá maid bláđestit máŋga siiddu hávális. 

Eanas háviid bláđesta mánná máŋga siiddu hávális. Sáhttá gal 

maid máhttit ovtta ja ovtta siiddu bláđet. 

Mánná ii hálit geahččalit/ii máhte bláđet. Dárbbaša 

veahki bláđet. 

Skora 

1 Buorre 

2 Dohkálaš 

3 Measta 

4 Ii lahkage 

22

10. Mánná máhttá čuohppat njuolga rastá báhpira (10 cm govddu) 

Galgá leat garra bábir, mii ii soja, muhto ii fal nu garas ahte lea lossat čuohppat. Galget 

leat rievttes stuora skárrit. Sáhttá geavahit gurutgieđagiid skárriid sidjiide geat orrot 

dáhttumin čuohppat gurut gieđain. Sáhttá maid sárgut gokko mánná galgá čuohppat, 

muhto ii gáibiduvvo ahte galgá sárgá mielde čuohppat. 


Mánná čuohppá árkka álkit fiinna ritmmain. Mánná máhttá 

máŋgga dilálašvuođain čuohppat árkkaid main lea iešguđet 

assodat. 

Mánná čuohppá árkka rastá, muhto buđalda guhká ja 

čuohppá olu botnjut. Čuohppá juogo beare njozet dahje 

beare jođánit. 

Mánná geahččala čuohppat, muhto geavaha juogo goappašat 

gieđaid, dahje ferte oažžut fysalaš veahki čuohppat árkka gaskat. 

Mánná ii hálit geahččalit/ii máhte čuohppat, ii dieđe mo galgá 

skárriid doallat. 

Skora 

1 Buorre 

2 Dohkálaš 

3 Measta 

4 Ii lahkage 

23

11. Mánná máhttá hukset álkis modeallaid duplo, lego, stuora birccuiguin 

Álkis modeallat/huksehusat sáhttet leat dakkárat go šaldi mas leat unnimus golbma 

birccu dahje ovdamearkka dihte seaidni/viessu. Mađi boarrásit mánná, dađi váddásit 

huksenbargguid sáhttá vuordit su nagodit čađahit. 


Mánná hukse modeallaid álkit ja muttágis fámuin. Bordá bihtáid 

gittalaga almmá bilitkeahttá modealla. Mánná hukse iešguđetlágan 

birccuiguin iešguđetlágan diliin. 

Mánná hukse dan modealla maid galgá, muhto rahčá darvvihit/ 

dahje luoitit birccuid. Dárbbaša oahpes mállet birccuid vai máhttá 

hukset modeallaid. 

Mánná geahččala hukset, muhto deaddá sahtedohko moadde birccu 

oktii. Ferte oažžut fysalaš veahki modeallaid huksemii. 

Mánná ii hálit geahččalit/ii nákce hukset modeallaid. Stoahká ieš 

nugo háliida birccuiguin. 

Skora 

1 Buorre 

2 Dohkálaš 

3 Measta 

4 Ii lahkage 

24

3. OASSI MIHTILMAS GÁLGGAT GO LEA JOAVKKUS 

Mánná lihkada ollu feara gos mánáidgárddi ossodagain, ja dán oasis iskanlisttus 

árvvoštallojuvvo máná gelbbolašvuohta iešguđetlágan joavkodoaimmain ossodagas. 

Mánná galgá čájehit stabilitehta ja balánssa, motorihkalaš hálddašeami ja plánema, ja 

persepšuvnna. Eanas mánát nákcejit bures dán oasi iskanlisttus. 

12. Mánná čohkká sullii yoga čohkkán láhkái, njuolggočilggiid 

Vurdojuvvo ahte birrasii 3 - jahkásaš mánná máhttá čohkkát sullii nugo yoga 

čohkkánvuohki lea, juolggit sojul, njuolggo čilggiid ja buori balánssas. Mánná 

ii soaitte hárjánan nie čohkkát, ja leage vuogas hárjehallat dien čohkkánvuogi 

čoaggananbottuin. Sáhttá ovdamearkka dihte hárjehallat dien čohkkánvuogi go 

čohkkájit lávus. Mánná geas lea heittot stabilitehta, dáidá doallat iežas gieđaiguin, 

goruda dahje láhtti vuostá. 


Mánná čohkká guhkebuš áiggi yoga sullasaš láhkái, juolggit 

sojul ja njuolggočilggiid. 

Mánná ii báljo nagot čohkkát guhkebuš áiggi yoga sullasaš 

láhkái, juolggit sojul ja njuolggočilggiid. Nagoda oanehaš. 

Doarju alccesis muhtomin. 

Mánná geahččala nie čohkkát, muhto massá balánssa, 

dorje láhttái, ja dárbbaša veahki bissut čohkkut. 

Mánná ii hálit geahččalit/ii nákce nie čohkkát. 

Skora 

1 Buorre 

2 Dohkálaš 

3 Measta 

4 Ii lahkage 

25

13. Mánná guoddá girjjiid ja duhkorasaid nuppe beallái lanja ja čorge 

Dán bargamuša ulbmil lea árvvoštallat nákce go mánná fysalaččat guoddit girjjiid rastá 

láhtti ja bidjat daid sadjái. Motorihkalaš plánen ja hálddašeapmi. 


Mánná guoddá álkit girjjiid ja duhkorasaid nuppe beallái 

lanja. Čorge daid rievttes sadjái almmá váttisvuođaid haga 

máŋggalágan diliin. 

Mánná guoddá girjjiid ja duhkorasaid nuppe beallái lanja 

čorgen dihte daid, muhto rasilda ja sáhttá muhtomin gahčahit 

duhkorasaid/ dahje ii máhte daid bidjat albmaládje sadjái. 

Manná geahččala guoddit girjjiid ja duhkorasaid nuppe beallái 

lanja ja čorget daid rievttes sajiide, muhto gahčaha dávjá 

duhkorasaid, dárbbaša fysalaš veahki čađahit barggu. 

Mánná ii hálit geahččalit/ii máhte čorget girjjiid ja duhkorasaid 

rievttes sajiide. 

Skora 

1 Buorre 

2 Dohkálaš 

3 Measta 

4 Ii lahkage 

26

14. Mánná johtá duohkot deike lanjas/mánáidgárddis almmá guoskkakeahttá 

jaskaorru olbmuide/diŋggaide. 


Mánná johtá váttisvuođaid haga duohkot deike lanjas/ 

mánáidgárddis almmá guoskkakeahttá jaskaorru olbmuide/ 

diŋggaide, iešguđet dilálašvuođain. 

Mánná johtá duohkot deike lanjas/mánáidgárddis almmá 

guoskkakeahttá jaskaorru olbmuide/diŋggaide, muhto ferte 

konsentreret ja ribaha muhtomin guoskat. 

Manná johtá lanjas/mánáidgárddis ja guoská dávjá jaskaorru 

olbmuide/diŋggaide. 

Mánná nagoda johtit duohkot deike lanjas/mánáidgárddis, 

muhto guoská čađat jaskaorru olbmuide/diŋggaide. 

Skora 

1 Buorre 

2 Dohkálaš 

3 Measta 

4 Ii lahkage 

27

15. Mánná johtá duohkot deike lanjas/mánáidgárddis almmá guoskkakeahttá 

olbmuide/diŋggaide mat lihkadit. 


Mánná johtá váttisvuođaid haga duohkot deike lanjas/ 

mánáidgárddis almmá guoskkakeahttá olbmuide/diŋggaide mat 

lihkadit, iešguđet dilálašvuođain. 

Mánná johtá duohkot deike lanjas/mánáidgárddis almmá 

guoskkakeahttá olbmuide/diŋggaide mat lihkadit, muhto ferte 

konsentreret ja ribaha muhtomin guoskat. 

Manná johtá lanjas/mánáidgárddis ja guoská dávjá olbmuide/ 

diŋggaide mat lihkadit. 

Mánná nagoda johtit duohkot deike lanjas/mánáidgárddis, 

muhto guoská čađat olbmuide/diŋggaide mat lihkadit. 

Skora 

1 Buorre 

2 Dohkálaš 

3 Measta 

4 Ii lahkage 

16. Mánná lihkada ovddosguvlui, maŋosguvlui, doarrás, vuoli ja badjel, go čájeha 

mo dan galgá dahkat. 

Dán bargamuša ulbmil lea čájehit ahte lea hoalda bures lihkadit juohke guvlui. Danin 

sáhttáge mánná guokkardit dahje vázzit. Mánná dahje rávisolmmoš sáhttá čájehit mo 

iešguđet osiid bargamušas sáhttá čađahit. Dán bargamuša sáhttá áicat ovdamearkka 

dihte oanehis johtinbálgáin mas leat feara makkár hehttehusat, siste dahje olgun. 

Bargamuš gáibida ahte iešguđet osiid árvvoštallá ovttas. 


Mánná máhttá álkit johtit ovddosguvlui, maŋos, doarrás, vuoli ja 

badjel, iešguđetlágan dilálašvuođain, go soames čájeha mo galgá 

bargat. 

Mánná máhttá johtit ovddosguvlui, maŋos, doarrás, vuoli 

ja badjel, go soames čájeha mo dan galgá bargat, muhto ii 

máhtestuva ja ferte máŋgii oaidnit mo galgá. Mánná sáhttá omd. 

váttisvuođaid haga johtit ovddasguvlui ja maŋos, muhto ferte 

máŋgii oaidnit mo galgá johtit doarrás, vuoli ja badjel. 

Manná máhttá johtit ovddosguvlui. Geahččala eará guvlui 

lihkadit, muhto ii nákce juogo ovtta dahje máŋga dain 

doaimmain. Dárbbaša fysalaš veahki. 

Mánná ii hálit/ii nákce johtit guđege guvlui go dasa čájeha mo 

galgá dahkat, dahje nagoda dušše ovddosguvlui johtit. 

Skora 

1 Buorre 

2 Dohkálaš 

3 Measta 

4 Ii lahkage 

28

4. OASSI GÁLGGAT ASTOÁIGGIS/STOAHKANBÁIKKIIN 


Golmmajahkásaš hálddaša eanas duhkorasaid buriin hoalddain. Eanas 

golmmajahkásaččain leat juo dan meare guhkes juolggit ahte olahit golmmajuvllat 

sihkkela pedálaide. Spáppa hálddašeapmi vuolgá ollu hárjáneamis. Golmmajahkásaš 

nákce čiekčat stuora spáppa ja máhttá dustet stuora spáppa iežas goruda vuostá. 

Máhttá maid bálkestit spáppa oaivvi badjel veaháš hárjehallamiin. Dan agis 

oahppagoahtá njuikut – njuike áibmui, njuike juogaman alde vulos, njuike ovddos. 

Golmmajahkásaččat máhttet viehkat nu ahte goappašat juolggit leat oktanis áimmus, ja 

leat oahppagoahtán jorahallat goabbat guvlui, gieđavuliid rájes vulos. 


Dán agis máhttá mánná njuovžilit ja buriin koordinašuvnnain geavahit 

stoahkanapparáhtaid mat leat giddejuvvon. Golmmajuvllat sihkkela hálddaša 

bures, ja muhtumat máhttet maid sihkkelastit unna guovttejuvllat sihkkeliin. 

Spáppastallanmáhttu lea čadnon hárjáneapmái. Máhttá stuora spáppa dustet dušše 

gieđaiguin, ja ii goruda vuostá. Máhttá álkit bálkut spáppa oaivvi badjel. Balánsamáhttu 

ovdána nu ahte máhttá moadde sekundda čuožžut ovtta juolggi alde. Danin bissuge 

mánná bures ovtta juolggi alde čuožžut go nuppiin julggiin čievččasta spáppa. 

Mánát vihket bures, nákcejit loktet julggiid áibmui viegadettiin, ja oktiiheivehit 

giehtašlivguma. Sii njuikejit bálddalas julggiiguin govttolaš allodahkii ja govttolaš 

guhkás. Sii geavahit áŋgirit viehkama ja njuikuma iešguđetlágan bargamušain. 

29

17. Mánná hálddaša gitta biddjojuvvon stoahkanbiergasiid (ovdamearkka dihte 

goargŋunstatiivva, čierastanbána) 

Dán bargamuša hálddašeapmi lea čadnon dasa man guhkkálaga stoahkanbiergasiid 

ceahkit leat. Ávžžuhuvvo geavahit dakkár stoahkandiŋggaid mat mánáidgárddis leat. 

Jus leat eahpádusat, sáhttá geahččalit geavahit dakkár stoahkanbiergasiid mat heivejit 

máná sturrodahkii. 


Mánná hálddaša gitta biddjojuvvon stoahkanbiergasiid álkit, ja 

almmá váttisvuođaid haga iešguđetlágan diliin. 

Mánná geavaha gitta biddjojuvvon stoahkanbiergasiid, muhto 

rasilda ja rahčá go galgá goargŋut dahje lea eahpesihkar go galgá 

čierastit. 

Manná geahččala goargŋut ja čierastit, muhto dárbbaša fysalaš 

veahki čađahit doaimma. 

Mánná ii hálit/ii nákce geavahit gitta biddjojuvvon 

stoahkanbiergasiid. 

Skora 

1 Buorre 

2 Dohkálaš 

3 Measta 

4 Ii lahkage 

30

18. Mánná stoahká luovos duhkorasaiguin/fievrruiguin (omd. duolbmunbiillain, 

golmmajuvllat sihkkeliin) 

Dás ferte oaidnit golmmajuvllatsihkkela/duolbmunbiilla sturrodaga. mánná ferte olahit 

pedálaide/ duolbmunstelliide. 


Mánná geavaha álkit, váttisvuođaid haga, duhkorasaid maid 

sáhttá lihkahallat, iešguđetlágan diliin. 

Mánná geavaha measta váttisvuođaid haga duhkorasaid maid 

sáhttá lihkahallat, iešguđetlágan diliin. 

Manná geahččala duolbmut, muhto dárbbaša fysalaš veahki 

nagodit čađahit bargamuša. 

Mánná ii hálit/ii nákce geavahit duhkorasaid maid sáhttá 

lihkahallat. 

Skora 

1 Buorre 

2 Dohkálaš 

3 Measta 

4 Ii lahkage 

31

19. Mánná máhttá čievččastit jaskaorru spáppa 

Spábba galgá leat sullii 25 cm. Gehppes, stuora plastihkkaspábba. 


Mánná máhttá álkit čievččastit stuora jaskaorru spáppa buriin 

hoalddain iešguđetlágan diliin, olgun ja siste. 

Mánná máhttá álkit čievččastit jaskaorru spáppa, muhto ii lokte 

juolggi dan meare áibmui ahte nákce albmaládje čievččastit. 

Doaimma kvalitehta rievddada. 

Manná geahččala čievččastit jaskaorru spáppa, muhto vázzá 

njuolga spáppa njeaiga. 

Mánná ii hálit/ii nákce čievččastit jaskaorru spáppa. 

Skora 

1 Buorre 

2 Dohkálaš 

3 Measta 

4 Ii lahkage 

32

20. Mánná máhttá bálkestit stuora spáppa go lokte gieđaid gargŋila bajábeallái 

Spábba galgá leat sullii 25 cm – gehppes stuora plastihkkaspábba. Rávisolmmoš sáhttá 

čájehit mo galgá. 


Mánná máhttá álkit ja buriin stivrejumiin bálkestit stuora spáppa 

go lokte gieđaid gargŋila bajábeallái, iešguđetlágan diliin, olgun 

ja siste. 

Mánná máhttá bálkestit stuora spáppa go lokte gieđaid gargŋila 

bajábeallái, muhto ii máhte spáppa stivret ja ii bálkes doarvái 

fámuin. Gahčaha muhtomin spáppa iežas maŋábeallai. 

Manná geahččala bálkestit stuora spáppa go lokte gieđaid 

gargŋila bajábeallái, muhto ii hálddaš dan doarvái bures. 

Gahčaha spáppa dávjá iežas maŋábeallai, dahje dušše luoitá dan. 

Mánná ii hálit/ii nákce bálkestit spáppa go lokte gieđaid gargŋila 

bajábeallái. 

Skora 

1 Buorre 

2 Dohkálaš 

3 Measta 

4 Ii lahkage 

33

21. Mánná máhttá searvat stoahkanšilju doaimmaide ja máhttá viehkat ja njuikut 

Dás galgá ollislaš bargamuša árvvoštallat. Viehkamin gohčodit de go nákce loktet 

goappašat julggiid áibmui oktanaga viegadettiin. Ja go njuike, de galgá nagodit áibmui 

njuiket. 


Mánná máhttá searvat stoahkanšilju doaimmaide, ja máhttá 

viehkat ja njuikut álgoritmmain, ja hálddaša dan iešguđetlágan 

diliin. Go mánná njuike, de sus leat bálddalas juolggit ja geavaha 

gieđaid veahkkin njuikemii. 

Mánná máhttá searvat stoahkanšilju doaimmaide, ja máhttá 

viehkat ja njuikut. Muhto viehkan ja njuikun lea rahčanbargu, 

mánná loktana álkit áibmui go njuike ja viehkamis ii leat ritmma, 

sáhttá omd. fáiput gieđaiguin bearehaga. 

Mánná geahččala searvat stoahkanšilju doaimmaide, geahččala 

viehkat ja njuikut, muhto ii nagot loktanit áibmui go njuike, ja 

viehkan lea eanet dego jođánis vázzin. 

Mánná ii hálit/ii nákce searvat stoahkanšilju doaimmaide ja 

čájehit máhtášiigo viehkat ja njuikut. 

Skora 

1 Buorre 

2 Dohkálaš 

3 Measta 

4 Ii lahkage 

34

22. Mánná vázzá 4 lávkki juolgesuorpmaid alde 


Mánná vázzá álkit 4 lávkki juolgesuorpmaid alde ja máhttá 

heivehit leavttu. Máhttá dan bargat iešguđetlágan diliin áiggi 

badjel. 

Mánná vázzá 4 lávkki juolgesuorpmaid alde, muhto ráhččá ja 

vázzá dávjá jođánit ja oanehaččat. 

Mánná geahččala vázzit 4 lávkki juolgesuorpmaid alde, muhto 

ii nagot ja dárbbaša veahki. Soaitá máhttit oanehaččat dahje 

moadde lávkki. 

Mánná ii hálit geahččalit/ ii nákce vázzit 4 lávkki 

juolgesuorpmaid alde. 

Skora 

1 Buorre 

2 Dohkálaš 

3 Measta 

4 Ii lahkage 

35

23. Mánná duste stuora spáppa goappašat gieđaiguin 

Spábba galgá leat sullii 25 cm – stuora gehppes plastihkkaspábba. 


Mánná duste stuora spáppa goappašat gieđaiguin dárkilit 

iešguđetlágan diliin, olgun ja siste. 

Mánná duste stuora spáppa goappašat gieđaiguin, muhto 

gieđat leat stargasat ja passiivvat mat soaittáhagas dustejit. 

Rávisolmmoš ferte bálkestit spáppa njuolga máná gieđaide ja 

ferte čuožžut hui lahka. 

Mánná geahččala dustet stuora spáppa goappašat gieđaiguin, 

muhto gieđat leat passiivvat ja spábba gáhččá láhttái, vaikko 

rávisolmmoš geahččala čuožžut lahka ja bálkestit spáppa su 

gieđaide. Muhtomin deaivá nu ahte spábba lea máná gieđaid 

gaskkas. 

Mánná ii geahččal/nákce dustet spáppa goappašat gieđaiguin. 

Skora 

1 Buorre 

2 Dohkálaš 

3 Measta 

4 Ii lahkage 

36

3.3 Áicanskovvi 

Early Years Movement Skills Checklist 

Mary Chambers & David Sugden 2006 

Iskanlisttu. Mánáidgárdeagi mánáid lihkadangálggat 

Namma: Sohkabealli: Riegádan: Ahki, jagi ja mánut: 

Mánáidgárdi: Gii lea čađahan: Áicanáigodat/dáhton: 

1.oassi 2.oassi 3.oassi 4.oassi Submi 

37



Bures Dohkálaččat Measta Ii lahkage 

1 2 3 4 

1. OASSI IEŠBIRGENGÁLGGAT 

Mánná máhttá 

1. Coggat t-báiddi veahki haga 

2. Nuollat t-báiddi veahki haga 

3. Boaluhit boaluid maid soahpá jáhkas 

4. Čoavdit boaluid maid soahpá jáhkas 

5. Boradit ieš basttiin ja gáffaliin 

6. Bassat ja sihkkut gieđaid 

1. OASI SUBMI 

2. OASSI FIINNAMOTORIHKALAŠ GÁLGGAT 


7. Kopieret gierddu ja ruossa gárvves ovdamearkka mielde 

8. Čoaggit ja bordit bihttáspealu bihtáid mat galget heivet oktii 

9. Bláđet ovtta ja ovtta siiddu girjjis 

10. Čuohppat skárriiguin njuolga gaskat báberárkka 

(sullii 10 cm govddu) 

11. Hukset álkis modeallaid duplo, lego ja eará stuora 

birccuiguin 

2. OASI SUBMI 

38



Bures Dohkálaččat Measta Ii lahkage 

1 2 3 4 

3. OASSI MIHTILMAS GÁLGGAT GO LEA JOAVKKUS 


12. Čohkkát láhttis yoga sullasaš čohkkán ládje, njuolggočilggiid 

13. Guoddit girjjiid ja duhkorasaid nuppe beallái lanja ja 

čorget daid sajiide 

14. Lihkadit duohkot deike lanjas/mánáidgárddis almmá guosk 

kakeahttá jaskaorru olbmuide/diŋggaide 

15. Lihkadit duohkot deike lanjas/mánáidgárddis almmá 

guoskkakeahttá olbmuide/diŋggaide mat lihkadit 

16. Johtit ovddos, maŋálas, vuolil ja badjel go čájeha mo galgá 

3. OASI SUBMI 

4. OASSI GÁLGGAT ASTOÁIGGIS/STOAHKANBÁIKKIIN 


17. Geavahit gitta biddjojuvvon stoahkanbiergasiid 

(omd. gizzunstellega, čierastanbána) 

18. Geavahit stoahkanbiergasiid maid sáhttá lihkahallat 

(omd. duolbmunbiilla, golmmajuvllat sihkkela) 

19. Čievččastit stuora jaskaorru spáppa 

20. Bálkestit stuora spáppa go lokte goappešat gieđaid bajábeallái gargŋila 

21. Searvat stoahkanbáikki doaimmaide, čájehit ahte máhttá viehkat ja njuikut 

22. Vázzit 4 lávkki juolgesuorpmaid alde 

23. Dustet stuora spáppa (25 cm diamehter) goappešat gieđaiguin 

4. OASI SUBMI 

39

Mo deavdit iskanlisttu 

Juohke bargamuššii 1.-4. osiin, leat njeallje vejolaš vástádusa mat čilgejit mo manná 

čađaha bargamuša. 

Árvvoštala álggos máhttágo mánná vai iigo máhte čađahit bargamuša. Árvvoštala 

dasto barggu čađaheami kvalitehta. Jus mánná Máhttá čađahit barggu, bargá go de dan 

“Bures” vai “Dohkálaččat”? Jus mánná Ii máhte čađahit bargamuša, máhttágo son dan 

“Measta” vai “Ii lahkage”? 

Merke mánnái skora dan mielde mo son čađaha bargamuša, iige dan mielde čađaha 

go son dan bures dahje ii nu bures su agi ektui. 

Juohke eaŋkil bargamuš gáibida ollislaš árvvoštallama. Juohke bargamuššii 

galgá addit skora skálas mas lea njeallje vejolašvuođa; 1 rájes (Bures) gitta 4 rádjái 

(Ii lahkage). Vállje juohke bargamuššii dan vejolaš vástádusa mii buoremusat čilge 

dan mo mánná čađaha doaimma, ja čále skora iskanlisttui. Juohke oasi skoraid galgá 

rehkenastit oktii. Dan njeallje oassesubmi čállá dasto supmiid ruvttuide, mat lea 

iskanlisttu vuosttaš siiddus. Dasto rehkenastá buot visot ollislaš submin. 

Mearkkašumit: 

Dárogillii jorgalan Stavangerprošeavtta -”Oahppi mánná” geavaheapmái: Synnøve Iversen ja Else Mari Larsen 

40

4. TEKNIHKALAŠ DIEĐUT 

Dr. Mary Chambers ja Professor David Sugden (10) ráhkadeigga Early Years 

Movement Skills Checklist (EYMSC) Englánddas, dainna ulbmiliin ahte sihkkaris 

(reliabel) ja dohkálaš (validitehta) vugiin identifiseret ja árvvoštallat gaskal golmma- ja 

viđajahkásaš mánáid geain leat motorihkalaš váttut. 

Reliabilitehta 

EYMSC ovddidanbargguin iskojuvvui inter-teasttaid ja testema-ođđasis testema 

reliabilitehta (10). Inter-teasta reliabilitehta mearkkaša dan man muddui máŋga áici 

geat čađahit áicanbargguid, áibbas nuppiid dieđuid haga, olahit seamma bohtosiid 

(21). Testen- ođđasis testen reliabilitehta muitala mo ovtta ja seamma teastta bohtosat, 

mat leat váldojuvvon goabbat áiggis, vástidit oktii (22). Iskkademiid bohtosat ledje 

movttiidahttit. Dat mearkkaša ahte iskkadeaddjit ožžo seamma bohtosiid, beroškeahttá 

das gii máná áicamiid čađahii. Ja čájehuvvui maiddái ahte go áicamat čađahuvvo 

goabbat áiggis, de bođii seamma boađus (1,10). 

Validitehta 

Validitehta lea sátni mii muitala man dohkálaččat ja gustojeaddjit iskkadeami 

bohtosat leat, das maid iská (22). EYMSC barggadettiin Englánddas giddejedje 

stuora beroštumi dasa ahte galggai leat oktiivástideaddji validitehta. Oktiivástideaddji 

validitehta mearkkaša dan ahte buohtastahttá bohtosiid maid lea ožžon ođđa 

mihtidaninstrumeanttain dan ektui mo dat ledje go iskojuvvo (dohkálaš) 

mihtidaninstrumeanttain mii juo lei geavahusas (22). Movement Assessment Battery for 

Children (Movement ABC) (23) geavahuvvui EYMSC teastabohtosiid buohtalastimii. 

Mánát geat ledje dan vihtta proseantta searvvis geat ožžon heajumus skoraid EYMSC 

iskanlisttus, ja mánát geat ledje dan gaskal 5 ja 10 proseantta joavkku searvvis geat ožžo 

heajumus skoraid EYMSC iskanlisttus, ja velá sahtedohko válljejuvvon mánát geat ledje 

skoren buorebut go dat 10 proseantta heajumusat, testejuvvojedje ođđasit Movement 

ABC testemiin, oaidnin várás šattai go seamma boađus. Buohtastahttin čájehii ahte 

mađi stuorát motorihkalaš váttut, dađi buoret oktiivástideapmi lei gaskal EYMSC ja 

Movement ABC iskamiin. Iskanlisttu identifiserii muhtun mánáid geain Movement 

ABC iskkademiid duođaštemiin eai lean motorihkalaš váttut, muhto ii oktage mánná 

41

identifiserejuvvon Movement ABC iskkademiin, mii ii lean juo identifiserejuvvon 

iskanlisttuin. Danin sáhttáge dadjat ahte EYMSC lea dohkálaš kártenreaidu identifiseret 

mánáid geain leat motorihkalaš váttut (10). 

Sensitivitehta ja spesifisitehta 

Sensitivitehta mearkkaša oassi dain áššiin main lea vissis diagnosa dahje 

váttisvuođačuolbma, mii identifiserejuvvo riekta mihtidaninstrumeanttain (21,22). 

EYMSC sensitivitehta indeaksa rehkenastojuvvui leat 1,00 (10). Spesifisitehta lea ges 

dat oassi iskosiin main ii lean dihto diagnosa dahje váttisvuođačuolbma mii áibbas 

riekta identifiserejuvvo mihtidaninstrumeanttain negatiivan (21, 22). 

Spesifisitehta indeaksa rehkenastojuvvui leat 0,64. Dat mearkkaša ahte jus 

iskanlisttu lea positiiva, de leat 64 mánás 100 mánáin duođai lihkadanváttut. Jus 

iskanlisttu lea negatiiva, de oažžu leat oalle vissis dan dáfus ahte mánás eai leat 

lihkadanváttut. Dasto leage nu ahte iskanlisttu sáhttá identifiseret beare ollu mánáin 

lihkadanváttuid, muhto dat máhttá áibbas riekta skrinet sin eret geain eai leat 

váttisvuođat (10). 

Erohusat das man ollu nákcejit 

Ahkejoavkkuid gaskka nákcenerohusat 

EYMSC sisttisdoallá doaibmi bargamušaid mat heivejit mánáide geat leat gaskal 

golbma ja vihtta jagi. Dien áiggis ovdánit gálggat johtilit. Danin sáhttáge vuordit 

ahte viđajahkásaš skore buorebut go njealjejahkásaš, mii fas skore buorebut go 

golmmajahkásaš. 1.oasis (Iešbirgengálggat) čilgejuvvojit statistihkalaš signifikánta 

erohusat gaskal dien golbma ahkejoavkku. Nubbi, goalmmát ja njealját oassi čájehedje 

seamma tendeanssa – mađi boarrásit mánná, dađi buoret skoren, muhto ledje 

signifikánta erohusat dušše golmmajahkásaččaid ja njealje -viđajahkásaččaid gaskkas. 

Eai lean diekkár erohusat njealjejahkásaččaid ja viđajahkásaččaid gaskkas (10). 

Vaikko iskanlisttu galgá čájehit ovdánanjođu, de gávnnaheigga Chambers & 

Sugden (10) ahte juohke ahkejoavkkus ledje mánát geat olahedje nu alla skora go lea 

vejolaš olahit (23 čuoggá) iskanlisttus. Iskanlisttu alimus olahusrádji ovddiduvvo 

vejolaš čilgehussan dasa. Dat mearkkaša dan ahte iskanlisttu ii atte vejolašvuođa 

gelbbolaš norgalaš mánáide, eandalii njealje – ja viđajahkásaččaide, čájehit ahte 

máhtášedje eambbo. Eanas golmmajahkásaččaid dáfus čájehii iskanlisttu sihke sin 

nanu ja gievrras beliid ja sin váttisvuođasurggiid. 

Sohkabeliid gaskka nákcenerohusat 

42

Golmmajahkásaččaid gaskkas skorejit nieiddažat obbalaččat buorebut go bártnážat 

1.oasis (iešbirgengálggat) ja 2.oasis (fiinnamotorihkalaš gálggat). Njealje- ja 

viđajahkásaččaid gaskkas orro nieiddažat olaheame alit skora go bártnážat, muhto ii 

lean statistihkalaš signifikánta erohus guđege oasis iskanlisttus (10). Dat mearkkaša 

ahte bártnážiid ja nieiddažiid galgá árvvoštallat seamma norpmaid mielde. 

Norgalaš mánáid ja eŋgelas mánáid olahusat EYMSC iskamis 

Go váldá atnui ođđa kárteninstrumeantta, de lea dárbu sihkkarastit ahte dan norpmaid 

heive geavahit dan earenoamáš kultuvrralaš jovkui maid áigu árvvoštallat. Mii leat 

válljen geavahit dárogiel mánáid norpmaid sámegielhállii mánáide. 

Go EYMSC jorgaluvvui dárogillii, de dan oktavuođas čađahuvvui maid dutkan 

mas gehčče norgga golmmajahkásaččaid skorenprofiilla EYMSC iskanlisttuin, ja 

buohtastahtte daid eŋgelas golmmajahkásaččaiguin (17). 

EYMSC gaskamearalaš skora 

1.oassi 2.oassi 3.oassi 4.oassi 

Govus 4.1 Norgalaš ja eŋgelas mánáid gaskamearálaš skorat guđege oasis EYMSC 

iskanlisttus (17). 

Govus 4.1 buohtastahttá norgalaš ja eŋgelas golmmajahkásaččaid skorenprofiillaid 

– Norgalaš mánát skorejit buorebut go eŋgelas mánát. Erohusain lea signifikánta 

mearkkašupmi 1.oasis (Iešbirgengálggat) ja 4.oasis (Gálggat astoáiggis/ 

stoahkanbáikkiin). 1.oasis deattuhit vejolaš kulturerohusaid muhtun bargamušain, go 

dáru veršuvnna bargamušat leat álkidahttojuvvon. Dat sáhttá čilget dan manne norgga 

ja eŋgelas mánáid bohtosiin leat erohusat. 4 .oasis sáhttá norgga ja eŋgelas mánáid 

skoremiid erohusaid vejolaš čilgehus leat dat makkár obbalaš oaidnu mánáin lea fysalaš 

doaimmaide, ja maiddái dat go norgga mánáidgárddiin leat buorit olgobáikkit gos 

roavvamotorihkalaš gálggat ovdánit. 2. oasis (Fiinnamotorihkalaš gálggat) ja 3.oasis 

(Mihtilmas gálggat go lea joavkkus) eai boahtán ovdan makkárge signifikánta erohusat 

gaskal norgga ja eŋgelas mánáid. 

43

Iskanlisttu bohtosiid dulkon 

EYMSC lea ráhkaduvvon dan várás ahte identifiseret motorihkalaš váttuid. Jus 

mánná olaha oktiibuotskora EYMSC iskanlisttus mii lea 5 % heajumusaid gaskkas su 

ahkásaččain, ávžžuhit álggahit viidásit čielggadeami ja veahkkedoaimmaid. Jus olaha 

oktiibuotskora mii lea dan joavkku siskkobealde geain leat gaskal 5 ja 15 % heajumus 

skorat sin ahkásaččaid gaskkas, de ávžžuhit dárkilit čuovvut máná ovdánanmanu, ja 

eandalii dain surggiin main eanemusat rahčá. 

Go norgalaš ja eŋgelas mánáin leat veaháš goabbatlágan skorenprofiillat EYMSC 

iskanlisttus (17, 19), de lea lunddolaš ahte maiddái oktiibuotskoren, mii ráddje 5 ja 

15 % joavkku main leat heajumus olahusat, čájeha erohusaid dien guovtti joavkkus. 

Tabealla 3.1 čájeha ollislaš skoraid mat sirrejit sihke dan 5 ja 15 % heajumus joavkku 

olahusaid guđege ahkejoavkkus, sihke eŋgelas ja norgalaš mánáid dáfus. 

Tabealla 4.1 Ollislaš skoren mii ráddje 5 ja 15 proseantta heajumus joavkku olahusaid 

guđege ahkejoavkkus EYMSC iskanlisttuin, sihke eŋgelas ja norgalaš mánáid dáfus 

(1,17,18,19). 

Válljenjoavku - ahki 5 % 15 % 

NORGALAŠ 




55 

44 

33 

49 

39 

28 

EŊGELAS 




56 

42 

40 

44 

36 

31 

Dakkár kártenreaidu go EYMSC (2) – mii addá dieđuid motorihkalaš gálggaid birra 

mánáin geat leat gaskal 3 ja 5 jagi, go áicamat čađahuvvojit guhkebuš áigodagas, ii leat 

ovddiduvvon norgga mánáidgárdemánáide. Go Stavangerprošeakta – Oahppi mánná 

– álggahuvvui, de árvvoštallojuvvui EYMSC dohkálažžan čohkket motorihka birra 

dieđuid, vaikko Stavangerprošeavtta mánát ledjege veaháš nuorabut go dat eŋgelas 

mánát geaid várás iskanlisttu lea ráhkaduvvon. 

44

Leat dahkkon unnán dutkamat mat čájehivčče mo EYMSC váikkuha norgga mánáide. 

Stavangerprošeavttas čohkkejedje dieđuid dalle go mánát ledje 2 jagi ja 9 mánu, 

ja fas de go dat seamma mánát ledje 4 jagi ja 9 mánu. Dasa lassin lea čađahuvvon 

pilohtaprošeakta norgga 3- jahkásaččaiguin (17). Logut mat gusket norgga mánáide 3.1 

tabeallas, leat vižžojuvvon diein norgga dutkamiin. 

EYMSC áigumuš lea identifiseret mánáid geain leat motorihkalaš váttisvuođat. 

Iskanlistu lea sensitiiva dan dáfus ahte fuobmát mánáid geain leat heajut motorihkalaš 

gálggat. Lea hui dehálaš vuhtiiváldit dan ahte iskanlisttus lea rohpeváikkuhus (bajemus 

dássi). Dat váikkuha dasa jus áigu EYMSC geavahit geahččat máná ovdánanjođu 

guhkit áiggi.(17, 19). 

Rohpeváikkuhus mearkkaša dan ahte go dan olahussii olle, de ii leat šat vejolaš 

registreret viidásit ovdáneami ja ahtanuššama dainna iskanlisttuin. Dat mearkkaša 

maid dan ahte dat oktavuohta mii lea gaskal dan maid mánná nákce čađahit 

iskanlisttus, ja eará fáktoriid mat berrejit čuohcat bohtosiidda, lea unnit (21, 22). 

Dutkamat mat leat čađahuvvon sihke norgalaš ja eŋgelas mánáiguin (17, 19) čájehit 

ahte buot ahkejoavkkuin leat mánát geat leat nákcen olahit nu alla skora go lea vejolaš 

oažžut iskanlisttus. Norgga mánáid dáfus oaidná ahte sis lea veaháš sierralágan 

skorenprofiila eŋgelas mánáid ektui iskanlisttus. Daid dieđuid vuođul leage govttolaš 

jáhkkit ahte iskanlistu sáhttá árabut speadjalastit rohpeváikkuhusa norgga mánáid 

dáfus go eŋgelas mánáid. Duohta dilis mearkkaša dat norgga mánáid ektui ahte 

iskanlistu heive buoremusat 3- ja 4-jahkásaččaide. 5-jahkásaččas fertejit leat heittot 

motorihkalaš gálggat jus EYMSC iskkadeamit galget daid moktege registreret. Fas 

ferte deattuhuvvot ahte iskanlisttu bohtosiid berre várrogasat dulkot. Dat leat dušše 

vuolggabáiki viidásit guorahallamiidda. 

Jus dáhttu eambbo dieđuid norgalaš ja eŋgelas mánáid EYMSC olahusaid birra, de 

ávžžuhit lohkat Gundersen váldofágačállosa (17) Moser ja Reikerås dutkamiid(19). 

Ávžžuhit maid lohkat dán girjji: Early Years Movement Skills Checklist, Description, 

Diagnosis and Intervention (1), gos gávdná hui dárkilit dieđuid dan birra mo 

iskanlisttu lea ovddiduvvon. 

45

5. NJUOLGGADUSAT JA 

DOAIBMAEVTTOHUSAT 

Go máná galgá veahkehit ovddidit motorihkalaš gelbbolašvuođa, de lea dehálaš 

muitit ahte ii geahča motorihkalaš gálggaid sierranas ulbmilin. Galgá láhčit dili nu 

ahte mánná ovddida sihke motorihkalaš gelbbolašvuođa, buoret iešdovddu ja maiddái 

movtta bargat fysalaš bargamušaid. 

Tabealla 5.1 čilge oanehaččat ávkkálaš njuolggadusaid maid lea dehálaš muitit go 

galgá láhčit dili motorihkalaš doaimmaide (1). 

46

Tabealla 5.1 Ávkkálaš njuolggadusat maid lea dehálaš muitit go galgá láhčit dili 

motorihkalaš doaimmaide (1). 

1. Lea dárbu kártet máná dárkilit go galgá válljet rievttes doaimmaid ja 

bargamušaid. 

2. Hárjehala dáinna prinsihpain «unnán ja dávjá»; 15-30 minuhta 

beaivválaččat. Mánnái lea eambbo movttiidahtti hárjehallat oanehis áiggi, ja 

oanehis bargamušaid lea maid álkit čahkkehit beaivválaš doaimmaide. 

3. Muital bargobihtáid/bargamušaid iešguđetládje iešguđetlágan 

dilálašvuođain. De lea mánnái álkit oahpásnuvvat ođđa dilálašvuođaide. 

4. Daga bargamušaid suohtasin, nu ahte mánná oaidná daid oaivila. De son 

movttáska. 

5. Jus mánná ii oro nagodeamen čađahit bargamuša, analysere bargamuša ja 

juoge dan álkit osiide oahppanproseassas. 

6. Heivet bargamuša máná nákcendássái. Sáhtát ovdamearkka dihte rievdadit 

njuolggadusaid, geavahit álkit reaidduid ja nu ain. 

7. Sihkkarastin dihte dan ahte mánná álggos juo beassá dovdat ahte son nákce 

ja lihkostuvvá, de sáhttá rávisolmmoš čájehit mo galgá, muitalemiin čilget 

dahje obbalaččat veahkehit, ja de dađistaga unnidit veahkeheami vai mánná 

šaddá eanet iešheanalaš oahppanproseassas. 

8. Máhte oaidnit ja mearridit leatgo mánás váttisvuođat ipmirdit dahje čađahit 

doaimma. Dat mearkkaša ollu go galgá oahppanproseassa heivejit ja láhčit. 

9. Ráhkat vuoruhemiid máná váttisvuođaid profiilla vuođul. Lihkadanváttut 

sáhttet šaddat vel vearrábut sávakeahtes láhttemiin. Go láhttenminstara 

rievdada, de dat sáhttá bures váikkuhit máŋgga eará suorgái. 

10. Gula maid mánná háliida bargat – suova máná leat mielde bargamuša 

álggaheamis. 

Čuovvovaš siidduin leat evttohusat mo ja makkár bargamušaid sáhttá lágidit ja makkár 

doaimmaid sáhttá ásahit dain njealji EYMSC osiin, ja maid sáhttá mánáidgárddi 

beaivválaš dilis čađahit (1, 24, 25). 

47

Doaibmaevttohusat 1. oassái – Iešbirgengálggat 

Nuoladeapmi ja gárvodeapmi 

• Sáhttá leat vuogas jus livččii bivttaskássa mánáidgárddis, mas leat boares báiddit, jáhkat 

main leat boalut ja johtinlohkat 1 , t-báiddit, čuvllat, buvssat ja vuolpput. Sáhttet áinnas 

leat stuora biktasat – de lea mánáide álkit ieža máhttit daid nuollat ja coggat. 

• Geavahit biktasiid stoahkamiin; rollastohkosiid main molsot biktasiid, stoahkat 

dollačáskkadeaddji, coggat biktasiid guhtet guimmiidasaset. Nuolahit ja gárvvohit 

dohkáid ja guovžžažiid. 

• Jus johtinlohkas lea gitta čoavddariekkis dahje earálágan riekkis, de sáhttá álkibut 

nagodit gaikut olgobiktasa johtinlohka gitta. 

• Doaimmat main mánná doallá diŋgga gieđas, ja geavaha seamma gieđa; omd. stoahká 

jorbadasaiguin 2 , bordá ruđaid seastinlihttái. 

Boradeapmi 

• Mánáid boradanreaiddut/gohput. Bija juoidá dállearkka vuollái nu ahte dat ii jođaš, jus 

mánná ii nagot dan doallat jaska. 

• Čohkkát dássedit ja vuohkkasit, buorre doarjja čielgái ja juolgevuođuide. 

• Stoahkat duhkoras boradanlihtiiguin, basttiin ja gáffaliin; addit borrat dohkáide/ 

guovžžažiidda, ieža boradit. 

• Searvat biepmu lágideapmái, bidjat beavdái ja čorget eret beavddis. 

• Doaimmat main adnojit goappašat gieđat; omd. njuvdit láibevajahasa niibbiin, botnjat 

luovos ja čavget lohki, čuohppat banána, agurkka ja eará diekkáriid. 

Doaibmaevttohusat 2. oassái – Fiinnamotorihkalaš gálggat 

Doallat bliántta 

• Stivrejeaddji giehta lea dábálaččat ovdánan go mánná lea gaskal 3- 5 jagi. Go bures leat 

hárjánan, de máhttet dien agi mánát dábálaččat doallat bliántta lotkadit ja ulbmillaččat 

dađistaga. 

• Láže dili nu ahte sáhttet lonohallat doaimmaid; tennjet, ivdnet, kopieret hámiid, sárgut 

sárgáid dahje čuoggáid mielde. 

• Tennjet távvalii/seaidnái (ceakko diŋgii) ja geavat áinnas oanehis tennjenreaidduid 

danin go de láddá jođáneappot rievttes bliánttadoallan vuohki. 

1 

Johtinlohka = glidelås 

2 

Jorbadas = klinkekule 

48

• Geavat iešguđetlágan bargoneavvuid; bliántta, kriita, ivdnebliánttaid, málaguštta, 

suorbmamálaid, sákkiid, ja tennje/mále áinnas iešguđetlágan materiálaide (távvalii, 

báhpirii, sáddui) ja iešguđetlágan diŋggaide (veallu, finju ja ceakko). 

Čuohppan 

• Stoaga čáhcebissuiguin, čáhcecirgguhanbohttaliiguin (hárjánit čelččenbeale suorpmaid 

stabilitehta ja lihkahallat gieđa bealggi bealde), de oahpahallá suorpmaid lihkahallat nu 

mo ferte go galgá oahppat čuohppat. 

• Álggos álkis bargamušat ja dađistaga váddáseappot; gaikut, ceahkkut, čuohppat bihtáid, 

čuohppat sárgá mielde, čuohppat gierdduid, njealječiegagiid ja feara makkár hámiid. 

• Álgge stiivvis/assás báhpiriin, ja lonut dađistaga asehit báhpira. Galget leat máŋggalágan 

skárrit gávdnamis mánáide. 

Obbalaš motorihkalaš doaimmat 

• Doaimmat main adnojit goappašat gieđat; láibun, playdoh (stoahkandáigi), bossut 

sáibobulljarasaid. 

• Spealut mat gáibidit dárkilvuođa; mikado, giggly wiggly jna. 

• Huksenduhkorasat; duplo/lego, snihkkenreaiddut, birccut, meccano jna. 

• Giehtadoaškun, lávlun ja musihkkainstrumeanttat. 

Doaibmaevttohusat 3. oassái – Mihtilmas gálggat go lea 

joavkkus 

Stabilitehta, bisohallan/balánsa ja guovlodárkkistus 

• Čuožžut ja čohkkát iešguđetládje, ja bissut nu guhkebuš áiggi; čippostallat, čuožžut 

njoarostanládje, njealjegoantái, čuožžut, áđđestallat muhtunlágan ealli – bidjat 

eartabusse iešguđet sadjái gorudis, dahje geahččalit dovdat makkár erohus lea 

go muhtun stillegis bissu sihke rabas čalmmiid ja gitta čalmmiid. Sáhttá olles 

čoaggananbottu doallat dan láhkái. 

• Láhtte dego leat lossa elefánta man ii sáhte duvdilit veallut, earát hoiget ja duvdet. 

• Geassit nubbi nuppi láhtti mielde čohkkut dahje veallut (sáhttá ránu alde maid 

čohkkát). 

• Bálggis man galgá čuovvut mas leat iešguđetlágan hehttehusat. 

• Áđđestalli 

49

• Dánsun; bisánit vissis láhkái dahje ovdagihtii mearridit man láhkái galgá bisánit go 

musihkka bisána. 

• Čuožžut nugo guovža (dušše gieđat ja juolggit gusket láhttái) lahkalaga. Vuosttaš 

mánná suotnjá tunnealla čađa ja čuoččaha maŋemussii guovžan, ja de suotnjá nubbi su 

maŋis seammaládje. 

• Iešguđetlágan lávlunstohkosat; omd. Guovža oađđá. 

• Akrobatihkka; golbma máná čužžot bálddalaga njealjegoantái ja ráhkadit seaŋgga 

njealját mánnái gii galgá velledit doarrás sin selggiid ala. Vejolaččat sáhttet guokte 

máná čuoččahit njealjegoantái dien golmma máná ala nu ahte šaddá pyramida. 

Doaibmaevttohusat 4. oassái – Gálggat astoáiggis/ 

stoahkanbáikkis 

Njuikut 

• Álgge trampoliinna, guottá dahje bolstara alde. 

• Njuiket vuollegis báikkis. Doala máná gieđas jus orro dárbu. Hárjehala seaivut nu ahte 

ii gahča. 

• Lávlunstoahkamat main njuiku. Njoammil giettis, buohkat njuikot jna. 

• Njuikut sárgáid badjel. Álggos lea váttis njuiket bálddalas julggiid, muhto dan gal 

oahppá. 

• Njuiket máŋgga geardde maŋŋálaga. Omd. ruvttuide dahje rockerieggáide. 

• Njuikut vuollegis diŋggaid ala/badjel, njuikut lihkadeaddji diŋggaid badjel, omd. 

njuikunbátti. 

Čiŋkut 

• Dan sáhttá hárjehallat go mánná lea oahppan bures njuikut ja máhttá čuožžut ovtta 

juolggi alde. Mánná ieš vállje goappáin julggiin álgá. 

Bisohallan/balánsa 

• Veahket máná nu unnán go vejolaš. Dan sadjái go doallat máná, sáhttá bidjat bátti mas 

galgá doallat. 

• Njozet vázzin lea dávjá váddáseabbo go jođánit vázzilit. Go bissehallan bargamušaid 

hárjehallá njozet lihkastagaiguin, de sáhttá álkibut fuobmát leatgo váttisvuođat 

balánssain dahje stabilitehtain. 

50

• Vázzit rušu eatnamis/bovnnahagain, luohkáid vulos/bajás. 

• Bissehallat ravddaid alde ja diŋggaid/áđaid alde luonddus, goargŋut feara makkár 

cakkiid badjel. Vázzit/čuožžut/čuožžut ovtta juolgi alde juogaman alde mii lihkada, 

nugo bolsttar, guoddá dahje áibmomadrassa. 

• Liibmabáttiin bidjat sárgá láhttái man mielde galgá bissehallat, vázzit šušmmiid alde, 

vázzit juolgesuorpmaid alde, vázzit maŋálas. 

Goargŋut/gizzut 

• Mánát geain lea eahpesihkkaris motorihkka, leat dávjá eahpesihkkarat go leat badjin 

juogaman alde. 

• Goargŋut ráidalasseainnis, heaŋggo duhkorasaid iešguđet allodahkii maid mánná 

galgá viežžat. 

• Gizzut muoraide, goargŋut feara man ala, geđggiid ja beaŋkkaid. Iskat ja geahččaladdat 

iešguđetlágan stoahkanapparáhtaid. 

Spábba 

• Dis galget leat ollu spáppat. Spáppastallanmáhttu lea hui ollu dan duohken man ollu lea 

hárjánan spáppain stoahkat. Mánná galgá beassat dávjá guoskat spábbii. Álgge stuora 

spáppaiguin ja spáppaiguin mat eai fiera nu johtilit, omd. balloŋggat, litna spáppat ja 

eartabusset. Geahččal maid geavahit racket. 

• Bálkut; Bálkko iešguđetlágan spáppaid ja eartabussiid iešguđetládje – bajás, guhkás, 

garrasit, ovttain gieđain (bálkestit go lokte gieđaid bajábeallái gargŋila ja bálkestit 

go gieđat leat vuolábealde gargŋila) ja goappašat gieđaiguin( oaivvi bajil). Geahččal 

ulbmillaččat bálkut. Omd. deaivat moala dahje soames olbmo. 

• Vuostáiváldin; Álgge stuora spáppain ja oanehis gaskkain. Dađistaga geavahat guhkit 

gaskka ja unnit spáppaid. 

• Galkkahit; Álgge dakkár spáppain 

mii njuiku hui bures. Luoitte 

spáppa láhttái ja duste dan. 

Dađistaga sáhttá mánná galkkahit 

spáppa goappašat gieđaiguin, ja 

dađistaga dušše nuppiin gieđain. 

Hárjehala geavahit sihke olgeš ja 

gurut gieđa, ja de sáhttá mánná 

oahpahallat galkkahit spáppa 

láhtti mielde. 

51

Álkis diŋggat mat arvvosmahttet motorihka 

Čuovvovaš diŋggaid sáhttá geavahit mánáidgárddi beaivválaš dilis arvvosmahttit 

motorihka. Dat leat sihke álkit ja hálbbit. 

• Biktasat: Váldde ruovttus mielde boares biktasiid, ja deavdde stuora bivttasgore 

biktasiiguin, iešguđet sturrodagas. 

• Áibmomadrassa/madrassa: Dan alde arvvosmahttá balánssa, njuikuma, jorrama ja 

gubbarastima. 

• Báttit: Oastte ollu mehteriid báttiid iešguđet gassodagas. Ráhkat sihke suohpaniid ja 

smávva njuikunbáttiid, dahje čana gassa bátti guovtti muora gaskii man alde sáhttet 

bissehallat vázzit, go leat čatnan nuppi bátti bajábeallái mas dollet gitta. Váldde báttiid 

mielde go vuolgibehtet tuvrii. 

• Spáppat: Oastte spáppaid iešguđet sturrodagas, ja iešguđet materiálain. 

• Goret/stoahkankássat: Man sisa rádjet duhkorasaid, muhto sáhttet maid geavahuvvot 

dan váste ahte deaivat daidda bálkut diŋggaid. 

• Rockerieggát: Sáhttet máŋggaládje geavahuvvot- njuikut, balanseret, rocket jnv. 

• Máttat: Daid alde lea buorre hárjehallat juohkelágan sojahallamiid, akrobatihka. 

• Njuikunstrehkat: Sáhttá čatnat guovtti muora gaskii iešguđet allodahkii, vai mánát 

besset geahččaladdat lávket/njuiket badjel. Áđđestallan, Fix-mix babratriks. 

• Geaillut 3 main leat ráiggit ja stággu: njuiket badjel, viehkat badjel, suotnjat vuoli. 

• Noaidesoabbi: Dainna sáhttá noaiddástallat – noaidut mánáid juogalágan eallin dahje 

noaidut sin dahkat ollu miellagiddevaš diŋggaid. 

• Diehpit: Somá geavahit iešguđetlágan dánsumiidda hárjehallat ovttasdoaibmama 

(koordinašuvnna). 

• Liibmabáddi ja mála: Viesu siste sáhttá liibmet liibmenbáttiin sárgáid maid mielde 

mánát sáhttet balanseret, ja ruvttuid maid siste sáhttet njuikut. Olgun sáhttá málain 

bargat seamma ládje. 

3 

Geaillut = kjegler 

52

6. KASUISTIHKKA – 

OVDAMEARKKAT DASA MO 

EYMSC SÁHTÁT GEAVAHIT 

KASUISTIHKKA 1 

Ánde lei 4 jagi ja 10 mánu ja lei aitto álgán maŋemus jagi mánáidgárdái, go 

mánáidgárdeoahpaheaddji, ovttasráđiid váhnemiiguin, dieđihedje su fysio - ja 

ergoterapiijabálvalussii árvvoštallat su motorihka. Pedagogalaš Psykologaš bálvalus 

čuovui su dalle juo. Ánde ásai váhnemiiguin, ja sus lei oabbábealli gii lei fargga 

rávisolmmoš. Sus ledje unnán motorihkalaš movttiidahtti doaimmat ruovttubirrasiin. 

Go fysioterapevta čađahii vuosttaš áicama mánáidgárddis, de oaččui dakkár gova 

ahte Ánde lei jaskes ja várrogas bártnáš, gean lei váttis movttiidahttit ja oažžut okto ieš 

iežas hástalit motorihkalaččat. Son liikui čohkkát jaska ja buđaldit. Ja liikui eandalii 

hukset lego bihtáiguin ja earálágan birccuiguin. Fysioterapevta háliidii oažžut obbalaš 

gova Ánde motorihkalaš profiillas, ja bivddii mánáidgárddi bargiid deavdit EYMSC 

skovi golbma vahkku. 

Bohtosat EYMSC: 

1. oassi – iešbirgengálggat 2+2+2+1+1+1=9 

2.oassi – fiinnamotorihkalaš gálggat 1+1+1+1+1=5 

3.oassi – mihtilmas gálggat go lea joavkkus 1+1+1+1+1=5 

4. oassi – gálggat astoáiggis/stoahkanbáikkiin 2+1+1+1+2+2+2= 11 

Ollislaš submi: 30 čuoggá 


9 5 5 11 30 

Govus 6.1 Deavdán EYMSC Ándei 

Ánde ollislaš skoren lei 30 čuoggá. Dat skora lei gaskal 5 ja 15 persentiilla ja dat 

fas muitalii ahte son gulai riskajovkui, geain sáhttet leat motorihkalaš váttisvuođat. 

Profiila čájehii čielgasit ahte son ražai eanemusat iešbirgen gálggaiguin ja astoáiggi/ 

stoahkanšilju gálggaiguin. 

53

EYMSC bohtosiid vuođul gávnnahii fysioterapevta ahte dáiddii leat ávkkálaš čađahit 

dárkileappot kártema, ja čađahiige dasto Movement ABC-2. Movement ABC-2 

duođaštii EYMSC bohtosiid, ja almmuhii váttisvuođaid čielgaseappot. Ánde skoren lei 

5 persentiilla vásttolaš, mii čájehii ahte sus čielgasit ledje motorihkalaš váttisvuođat. 

Ánde ražai koordineret fiinnamotorihkalaš doaimmaid earenoamážit de go daid 

galggai bargat vissis áigemeari siste. Son ražai maid koordineret dakkár doaimmaid go 

spáppa dustet ja bálkestit. Balánssa hárjehallamiid ja roavvamotorihkalaš bargamušaid 

maid son válljii eret mánáidgárddis, daid son hálddašii oalle bures iskkademiin. 

Ánde motorihkalaš profiilla vuođul ráhkadedje váhnemat ja mánáidgárddi bargiid 

ovttasráđiid doaibmaplána: 

Sihke ruovttus ja mánáidgárddis galge láhčit dili iešbirgen hárjehallamiidda, 

nugo gárvodit ja nuoladit. Ánde dárbbašii ráfálaš dili ja buori saji birrasis vai nákce 

bargguid hálddašit. Son sáhtii ovdamearkka dihte mannat ovdal earáid gárvodan/ 

nuoladanlatnjii. Ja de álge suohtas dihte váldit áiggi man guhká ádjána gárvodit, sáhtii 

mahkáš gilvalit muhtun rávisolbmuin. 

Dilálašvuođain beavdeguoras, dakkár bargamušain mat gáibidedje 

fiinnamotorihkalaš máhtu, ávžžuhuvvo álgit ráfálaš dilálašvuođas, čájehit dárkilit ja 

neavvut. Dađistaga eai šat veahkehan nu ollu, ja adde sutnje stuorát hástalusaid, galggai 

bargamušaid geahččalit bargat johtileappot. 

Spáppastallamiid ja roavvamotorihkalaš bargamušaid čađahedje veahážiid mielde 

golbma vahku ain hávális – dán prinsihpa mielde: «unnán ja dávjá». Bargamušat 

árvvoštallojuvvo jámma konkrehtalaš mihttomearreskoviin. Bargamušat válljejuvvo 

dan mielde maid eará mánát barge, sosiálalaš geahččanguovllus, ja dan mielde maid 

váhnemat háliidedje. Son oahpai ovdamearkka dihte ieš addit suhkosii sugadanleahtu, 

sus ledje dihto spáppastallan hárjehallamat siste ja olgun, ja son oahpai njuikut báttiin. 

Giđabeallái háliidedje váhnemat ahte Ánde galggašii oahppat sihkkelastit, ja de bidjege 

dan nannensuorgin. 

EYMSC lea systematiseren bargamušaid iskanlisttus ja dat leige ávkkálaš 

vuolggabáikin dasa guđe láhkái doaimmaid galggai ásahit mánáidgárddis. Diekkár 

dieđuid ii oaččo standárda motorihkalaš gálggaid testemiin. Systemáhtalaš 

heiveheapmi ja hárjehallan ovddidit Ánde motorihkalaš gelbbolašvuođa, ja son lei 

arvat nannoseabbo lávket skuvlaárgabeaivái. 

KASUISTIHKKA 2 

Káre lei 3 jagi ja 4 mánu, son lei leamaš mánáidgárddis eret goasii beannot jagi 

guhkilmas duođalaš buohcama geažil. Son lei máŋgii šaddan buohccivissui. Dál lei 

54

son dearvvašnuvvan ja sáhtii fas álgit mánáidgárddi beaivválaš eallimii. Son álggii 3-6 

jahkásaččaid ossodahkii. Motorihkalaččat eai lean Káres seamma vásáhusat go eará 

dearvvaš golmmajahkásaččain. Son váibbai johtilit. Son šattai maid oahppat máŋga 

sosiálalaš doaibmannjuolggadusaid, go lei nu guhká leamaš eret. Káres lei liige veahkki 

mánáidgárddis gii sáhtii láhčit beaivválaš eallima sutnje. Bargit oidne ahte Káre ii 

nagodan nu ollu go earát, ja ahte sus ii lean seamma motorihkalaš gelbbolašvuohta go 

eará seamma ahkásaččain. 

Mánáidgárddi bargit válljejedje kártet Káre motorihka EYMSC skoviin. Son 

oaččui oktiibuot 44 čuoggá. Dat lei 5 persentiilla vásttolaš, ja de berre árvvoštallat 

viidásit čielggadeami ja doaimmaid. Profiila čájehii ahte son ražai eanemusat 

iešbirgengálggaiguin ja fiinnamotorihkalaš gálggaiguin, ja maiddái veaháš gálggaiguin 

maid geavaha astoáiggis/stoahkanbáikkiin. Mánáidgárdi soabai ovttasráđiid Káre 

váhnemiiguin ahte sii eai vuos álggat su motorihka viidásit čielggadeami, muhto 

láhčet baicca nannendoaimmaid muhtun áiggi ovddosguvlui. Go son lei nu ollu 

buohcan, de ii lean beassan hárjehallat gárvodit ja nuoladit. Ja sus ledje guokte 

doaibmilis stuoravielja ruovttus, ja danin eai lean šaddan nu bearehaga čalmmustahttit 

fiinnamotorihkalaš doaimmaid. 

EYMSC 1. teasta: 

1. oassi - iešbirgengálggat: 2+1+4+3+1+2=13 

2. oassi – fiinnamotorihkalaš gálggat: 3+2+2+3+1=11 

3. oassi – mihtilmas gálggat go lea joavkkus: 2+1+1+2+1=7 

4. oassi – gálggat astoáiggis/stoahkanbáikkiin: 1+1+2+2+3+1+2=12 



13 11 7 13 44 

Govus 6.2 Deavdán EYMSC Kárei 

Dál sáhtte mánáidgárddi bargit láhčit nuoladan/gárvodanlanja ja hivssegis fitnama nu 

ahte Káre beasai eanemus lági mielde ieš okto ovddidit iešbirgengálggaidis. Son beasai 

coggat olgobiktasiid go lei ráfálaš dilli ja buorre sadji gárvodanlanjas, ja hivssegis 

veahkehedje bargiid juste jur dan meare ahte son nákcii ieš. Káre lei oainnát šaddan 

hui čeahppi sihtat veahki, ja dearvvašvuođadivššus lei son ožžon doarvái veahki. 

Fiinnamotorihkalaš gálggaid ovddidan várás oaččui Káre sierra tripp-trapp 

55

stuolu beavdegurrii, vai nagodii stáđđásit čohkkát. Sii čájehedje ja čilgejedje sutnje mo 

bargguid galggašii nagodit čađahit. Bargit oidne ahte Káre čuovui hui bures mielde 

maid earát barge ja dáhtui áinnas bargat seammaládje. 

Káre liikui leat olgun, muhto váibbai johtilit. Go mánáidgárdi lei olgun 

vázzinmátkkiin, de son čohkkái vovnnas dassážii ollejedje dohko gosa galge, vai de 

ledje fámut stoahkat earáiguin doppe gosa ledje bisánan. Ruovttoluotta mátkkoštettiin 

váccii son nu guhkás go nagodii. Bargit oidne ahte son liikui njuikut, ja sii ráhkadedje 

njuikunstellega mas beasai hárjehallat balánssa ja njuikuma. Das beasai Káre stoahkat 

muhtun ustibiiguin iežas ossodagas. 

Sii registrerejedje ovdáneami vahkkus vahkkui. Káre oahpai ollu, šattai gievrrat 

ja eanet oadjebas, son hástalii iežas go oinnii maid earát barge. Guđa mánu geahčen 

kártejedje fas su motorihkalaš gálggaid EYMSC skoviin, ja de son oaččui oktiibuot 31 

čuoggá. Dat čuokkislohku lei bures vuolábealde 15 persentiilla ráji. Dat muitalii ahte ii 

lean šat riska jáhkkit ahte sus ledje motorihkalaš váttut. 

EYMSC 2. čađaheapmi: 

1. oassi – iešbirgengálggat: 1+1+2+2+1+1=8 

2.oassi– fiinnamotorihkalaš gálggat: 3+2+1+2+1=9 

3.oassi – mihtilmas gálggat go lea joavkkus: 1+1+1+1+1=5 

4.oassi – gálggat astoáiggis/stoahkanbáikkiin: 1+1+2+1+2+1+1=9 



8 9 5 9 31 

Govus 6.3 Deavdán EYMSC Kárei maŋŋel doaibmabijuid 

Káre lei motorihkalaš vásáhusaid dáfus bázahallan buozanvuođa geažil. EYMSC 

kártemiin lei álki mánáidgárddi bargiide ásahit systemáhtalaš, spesifihkka ja oktonas 

mánnái heivehuvvon doaimmaid mat veahkehedje ovddidit su motorihkalaš gálggaid. 

Ođđa kárten čájehii ahte su ovdánanjohtu lei hui buorre, ja mánáidgárdái álgin lei 

buorre nákcenvásáhus sutnje. 

56

7. REFERÁNSSAT 

1. Chambers, M. & Sugden, D. (2006). Early Years Movement Skills. Description, Diagnosis 

and Intervention. West Sussex, England: Whurr Publishers Limited. 

2. Thelen, E. (1995). Motor Development: A new synthesis. American Psychologist, 50, 79-95. 

3. Campbell, S.K. (2006). The Child’s Development of Functional Movement. In: Campbell S.K, 

editor. Physical Therapy for Children, Third Edition. St. Louis, Missouri: Saunders Elsevier, 

33-76. 

4. Mackenzie, S., Getchell, N., Deutsch, K., Wilms-Floet, A., Clark, J.E. & Whitall, J. (2008). 

Multi-limb coordination and rhythmic variability under vaying sensory availability 

conditions in children with DCD. Human Movement Science, 27 (2), 256-269. 

5. Steyer David, K. (2006). Developmental Coordination Disorder. In: Campbell S.K, editor. 

Physical Therapy for Children, Third Edition. St. Louis, Missouri: Saunders Elsevier, 559- 

589. 

6. American Psychiatric Association (APA) (2000). Diagnostic and Statistical Manual of 

Mental Disorders, Fourth Edition, Text Revision. Washington DC: American Psychiatric 

Association. 

7. Kirby, A. & Sugden, D. (2007). Children with developmental coordination disorders. Review. 

Journal of the Royal Society of Medicine, 100, 182-186. 

8. Sugden, D., Kirby, A. & Dunford, C. (2008). Issues Surrounding Children with 

Developmental Coordination Disorder. International Journal of Disability, Development and 

Education, 55 (2), 173-187. 

9. Missiuna, C., Moll, S., King, S., King, G. & Law, M. (2007). A Trajectory of Troubles: 

Parents’ Impressions of the Impact of Developmental Coordination Disorder. Physical & 

Occupational Therapy in pediatrics, 27 (1), 81-101. 

10. Chambers, M.E. & Sugden, D. (2002). The Identification of Young Children with Movement 

Difficulties. International Journal of Early Years Education; 10 (3), 157-176. 

11. Moser, T. & Storli R. (2014). Fysisk og motorisk utvikling. I: Glaser, V., Størksen, I. & Drugli, 

M.B. Utviklingspsykologi i barnehagen. Akademika. 

12. Sheridan, M.; Revised and updated by Sharma, A. & Cockerill, H. (2008). From birth to five 

years. Childrens developmental progress. Third edition. New York: Routledge. 

13. Folio. M.R. & Fewell, R.R. (2000). Peabody Developmental Motor Scales, Second edition 

(PDMS-2). Pearsons Education. 

14. Haley, S.M., Coster, W.J., Ludlow, L.H., Haltiwanger, J.T. & Andrellos, P.J. (1992). Pediatric 

Evaluation of Disability Inventory (PEDI). Pearsons Education. 

57

15. Sugden, D.A. (2006). Developmental Coordination Disorder as a Specific Learning Difficulty 

[Internett], Leeds Consensus Statements, Economic & Social Reasearch Council, Seminar 

Series. Tilgjengelig fra: [Nedlastet 

09. februar 2010]. 

16. Jongmans, M.J. (2005). Early identification of children with Developmental Coordination 

Disorder. In: Sugden,D. & Chambers, M., editors. Children with Developmental 

Coordination Disorder. London: Whurr Publishers Ltd, 155-167. 

17. Gundersen, H. (2010). Early Years Movement Skills Checklist. En studie på 

norske treåringer. Masteroppgave. Seksjon for fysioterapivitenskap, Institutt for 

samfunnsmedisinske fag, Universitetet i Bergen. 

18. Persentilgrenser for norske barn 2 år og 9 måneder, samt 4 år og 9 måneder oppgitt av: 

Stavangerprosjektet – Det lærende barnet, Universitetet i Stavanger. 

19. Moser,T. & Reikerås, E. (2014). Motor-life-skills of toddlers – a comparative study 

of Norwegian and British boys and girls applying the Early Years Movement 

Skills Checklist. European Early Childhood Education Research Journal; DOI: 

10.1080/1350293X.2014.895560. 

20. Iversen, S. & Larsen, E.M. (2008). Sjekkliste for bevegelsesferdigheter i førskolealder med 

presisering av oppgavene i EYMSC. Stavanger: Universitetet i Stavanger. 

21. Polit, D.F. & Beck, C.T. (2008). Nursing Research. Generating and Assessing Evidence for 

Nursing Practice. Eighth Edition. Philadelphia: Lippincott Williams & Wilkins. 

22. Domholdt, E. (2005). Rehabilitation Research: Principles and Applications, Third Edititon. 

St. Louis, Missouri: Elsevier Saunders. 

23. Henderson, S.E. & Sugden, D.A. (1992). Movement Assessment Battery for Children. Kent: 

The Psychological Corporation. 

24. Aktive barn i barnehage. Fokus på grovmotoriske ferdigheter: http://www.stavanger. 

kommune.no/Documents/Fysio%20og%20ergo/Aktive%20barn%20i%20barnehage%20 

-%20bevegelsesutvikling.pdf. Lesedato 25.01.14. 

25. Aktive barn i barnehage. Fokus på håndmotorikk: http://www.stavanger.kommune. 

no/Documents/Fysio%20og%20ergo/Aktive%20barn%20i%20barnehagen%20-%20 

h%c3%a5ndmotorikk.pdf. Lesedato 25.01.14 

58

EYMSC Håndbok samisk

Create successful ePaper yourself

Delete template?

Save as template?