AnnuAL REPORT OF BORD SCAnnÁn nA ... - Irish Film Board

40 41
THE TuDORS III
RÁITEAS MAIDIR LE DuALGAIS CHOMHALTAí BOIRD
Éilítear in Alt 20 (1) d’Acht um Bord Scannán na hÉireann 1980 go n-ullmhóidh comhaltaí an Bhoird Ráitis Airgeadais i
bhfoirm a d’fhéadfadh an tAire Ealaíon, Spóirt agus Turasóireachta a cheadú, le toiliú ón Aire Airgeadais. Agus iad ag
ullmhú na Ráiteas Airgeadais sin, tá ceangaltas ar an mBord:
• Beartais oiriúnacha a roghnú agus ansin iad a chur i bhfeidhm go comhsheasmhach.
• Breithiúnais agus meastacháin a dhéanamh atá réasúnta agus stuama.
• Ráitis Airgeadais a ullmhú ar bhonn an ghnóthais leantaigh ach amháin mura mbíonn sé cuí glacadh leis go leanfaidh
an Bord air ag feidhmiú.
• A chur in iúl gur cloíodh le caighdeáin chuntasaíochta infheidhme faoi réir aon difríochtaí ábhartha a nochtadh agus a
míníodh sna ráitis airgeadais.
Tá an Bord freagrach as leabhair chearta cuntasaíochta a choinneáil a nochtaíonn le cruinneas réasúnta staid airgeadais
an Bhoird ag am ar bith. Tá sé freagrach as cibé bearta is gá a chur i bhfeidhm chun sócmhainní Bhord Scannán na
hÉireann a chosaint agus le calaois agus mírialtachtaí eile a chosc agus a aimsiú.
Thar ceann an Bhoird:
James Morris Lesley McKimm
Cathaoirleach Comhalta Boird
24 Samhain 2010
PRINCESS
RÁITEAS MAIDIR LEIS An gCóRAS RIALAITHE
InMHEÁnACH AIRGEADAIS
Admhaímse leis seo, thar ceann Bhord Scannán na hÉireann/
the Irish Film Board, go bhfuil freagracht orainn a chinntiú go
gcoinnítear agus go bhfeidhmítear córas éifeachtach i dtaca le
rialú inmheánach airgeadais.
Ní féidir leis an gcóras ach deimhniú réasúnta agus ní dearbh-
dheimhniú iomlán a thabhairt go gcosnaítear sócmhainní, go
mbíonn idirbhearta údaraithe agus taifeadta mar is cuí, agus
go gcuirfear cosc le hearráidí nó mírialtachtaí ábhartha nó go
n-aimseofar iad go tráthúil.
na Príomhnósanna Imeachta i dtaca le Rialú:
Tá na príomhnósanna imeachta seo a leanas maidir le rialú
inmheánach airgeadais curtha i bhfeidhm ag an mBord chun
timpeallacht chuí a chinntiú i dtaca le rialú:
• Tá plean eagraíochta i bhfeidhm a shainmhíníonn agus a
dháileann freagrachtaí ar an bhfoireann agus a aithníonn
línte maidir le tuairisciú i dtaobh gach gné d’oibríochtaí
an Bhoird.
• Tá nósanna imeachta agus bearta slándála i bhfeidhm
lena chinntiú go gcosnaítear sócmhainní an Bhoird
agus le dearbh-dheimhniú in aghaidh úsáid nó diúscairt
neamhúdaraithe a chinntiú.
• Moltar cultúr láidir follasachta agus freagrachta ar fud
na heagraíochta
Tá próisis bunaithe ag an mBord chomh maith chun rioscaí gnó
a aithint agus meastóireacht a dhéanamh orthu trí:
• Nádúr, méid agus impleachtí airgeadais an riosca atá roimh
an gcomhlacht a aithint, lena n-áirítear an méid a cheaptar
a bheith inghlactha maidir le feidhmeanna éagsúla.
• Measúnú a dhéanamh ar an ndóchúlacht go dtarlóidh rioscaí
aitheanta agus measúnú a dhéanamh ar chumas an Bhoird
na rioscaí a tharlaíonn a bhainistiú agus a mhaolú.
• Athbhreithnithe rialta a dhéanamh ar phleananna
straitéiseacha an Bhoird lena chinntiú go dtugann na
pleananna sin aghaidh ar an dtimpeallacht reatha gnó.
• Spriocanna gearrthéarmacha agus fadtéarmacha a shocrú
do gach Aonad laistigh den Bhord agus athbhreithniú a
dhéanamh ar a ndul chun cinn i dtaca leis na spriocanna sin.
• Nósanna imeachta caighdeánacha faoinar féidir cúnamh
airgeadais a chur ar fáil do thionscadail a bhunú agus a
fhorfheidhmiú agus na nósanna imeachta sin a athbhreithniú
de réir mar is gá.
Rinne an Bord athbhreithniú ar a chuid rioscaí gnó i 2009
agus tá aghaidh á thabhairt aige faoi láthair ar aon laigeachtaí
a aithníódh.
Tá an córas rialaithe airgeadais bunaithe ar chreat oibre
d’fhaisnéis rialta bainistíochta, ar nósanna imeachta riaracháin
lena n-áirítear deighilt dualgas, údarú agus córas tarmligin agus
freagrachta. áirítear air sin, go háirithe:
• Córas cuimsitheach maidir le buiséadú lena bhfuil buiséad
bliantúil i gceist a dhéanann an Bord iad a athbhreithniú
agus a chomhaontú.
• Athbhreithnithe rialta ar thuarascálacha tréimhsiúla agus
bliantúla a léiríonn caiteachas i gcomparáid le réamhaisnéis.
• Spriocanna a shocrú chun feidhmíocht airgeadais agus
feidhmíocht eile a thomhas.
Bhunaigh an Bord Coiste Iniúchta atá comhdhéanta d’ionadaithe
ón mBord agus ón bhFheidhmeannas agus é mar sprioc ag an
gCoiste sin rialúcháin inmheánacha a neartú.
Athbhreithniú i dtaca le Rialú Inmheánach Airgeadais:
Déanann an Bord monatóireacht ar éifeachtúlachtacht an
chórais rialaithe inmheánaigh airgeadais trí athbhreithniú
bainistíochta agus iniúchadh thréimhsiúil a dhéanamh agus
trí staidéir a dhéanamh ar athbhreithnithe le comhairleoirí
seachtracha. Tá athbhreithniú déanta ag an mBord ar a chuid
rialuithe inmheánacha airgeadais don bhliain 2009.
Thar ceann an Bhoird
James Morris
Cathaoirleach