Al-Adab al-Mufrad [@kitob_nuri]

Al-adab al-mufrad. Imom Ismoil al-Buxoriy
451. Abdulloh ibn Umar (r.a.)dan rivoyat qilindi, u kishi: "Otam hz. Umar (r.a.)
minbarga chiqib: "Ey odamlar! Turar joylaringizni tuzatinglar. Uy ilonlari sizlarni
qo'rqitishdan oddin o'zingiz ularni qo'rqiting. Ilonlarning musulmonlari sizlarga
ko'rinmaydi. Qasam bilan aytamanki, ilonlar bilan oramizda adovat paydo bo'lganidan
buyon biz sira yarashgan emasmiz", dedilar".
Iblisga jannatga kirish man qilingan vaqtda u ilonni avrab, uning og'zida jannatga kirib
olgan. Jannatga kirib olgach, Odam (a.s.)ga vasvasa qildi va hatto ayollari bilan
jannatdan quvilish-lariga sababchi bo'ldi. Shundan keyin Odam (a.s.) bilan ilon o'rtasida
adovat paydo bo'ldi.
210-bob. Qurilishga sarf qilish haqida
452. Xabob ibn Arat (r.a.) aytdilar: "Har bir kishi qurilishga ruju qo'ysa gunohga botadi".
Bu yerda qurilishdan murod - o'zi va oilasiga yetarli binosi bo'la turib, maqtanish uchun
ortiqcha qilinadigan binolar nazarda tutilmoqda
211-bob. Ishchilar bilan qo'shilishib ishlash haqida
453-hadis. Abdulloh ibn Amr (r.a.) Vahatdan kelgan akalarining o'g'lidan:
"Mardikorlaring ishlayaptimi?" - deb so'raganlarida, u: "Bilmayman", dedi. Abdulloh ibn
Amr: "Agar sen Saqif qabilasidan bo'lganingda mardikoring nima qilayotganini albatta
bilgan bo'lar eding", dedilarda, keyin bizlarga qarab: "Kishi mardikorlari bilan birga
hovlisida (ikkinchi rivoyatda: molida) ishlasa, Alloh taolo uchun ishlagan kishilardan
bitgasi bo'lib hisoblanadi", dedilar.
Vahat - Toifi sharifdagi bir joy nomi.
Saqif - Toifda yashaydigan bir qabilaning nomi.
212-bob. Binolarni baland qilish bilan maqtanish haqida
454. Abu Hurayra (r.a.)dan rivoyat qilindi, u kishi aytdilar: "Rasululloh (s.a.v.):
"Odamlar imoratla-rining balandligi bilan bir-birlariga maqtanadigan davr bo'lmaguncha
qiyomat qoyim bo'lmaydi", dedilar".
455. Hz. Hasan (r.a.) aytdilar: "Men hz. Usmon ibn Affonning xalifalik zamonida
Rasululloh (s.a.v.) yashagan uyga kirsam, uyning shipiga qo'lim bemalol yetdi".
456. Dovud ibn Qays Abu Sulaymon Dabbog' (r.a.) aytdilar: "Hz. Rasululloh (s.a.v.)
oilalarining hujralari xurmo daraxtining shoxlaridan yasalgan bo'lib, tashqarisidan yung
lattalari bilan qoplanganligini ko'rdim. Uylarining eni hujraning eshigigacha olti yoki yetti
gaz. Uyning ichi o'n gaz, balandligi esa yetti-sakkiz gazga yaqin, deb taxmin qildim. Hz.
Oyishaning eshiklari Mag'rib tomonga qaragan edi".
457. Abdulloh Rumiy (r.a.) aytdilar: "Men Ummu Talaq degan ayolning uyiga kirdim-da:
"Uyingizning shipi juda past ekan", dedim. Shunda Ummu Talaq: "Ey, o'g'ilcham! Amir
al-mo'minin hz. Umar o'zlarining atrofdagi voliylariga binolaringizni baland qilmang,
www.ziyouz.com kutubxonasi 72