Al-Adab al-Mufrad [@kitob_nuri]
Create successful ePaper yourself
Turn your PDF publications into a flip-book with our unique Google optimized e-Paper software.
Al-adab al-mufrad. Imom Ismoil al-Buxoriy
g'azabini keltiradi", dedi. Boshimni ko'tarib qarasam, tepamda Rasululloh (s.a.v.) turgan
ekanlar".
1223. Abu Umoma (r.a.)dan rivoyat qilindi: "Rasu-lulloh (s.a.v.) masjidda yuzini yerga
qilib (yuztuban) cho'zilib yotgan odamning yonidan o'tayotib: "Tur, (ey)
jahannamiylarcha uxlayotgan odam!" - deb oyoqlari bilan turtdilar".
567-bob. Faqat o'ng qo'lda olib berish haqida
1224. Solimning otasi aytdilar: Rasululloh (s.a.v.): "Hech biringiz chap qo'li bilan yebichmasin,
chunki shayton chap qo'lida yeb ichadi", dedilar. Nofi' (r.a.) bunga shunday
qo'shimcha qildilar: "Ul zot yana: "Chap qo'l bilan olmangiz ham, bermangiz ham",
degandilar.
568-bob. O'tirmoqchi bo'lganda poyabzalini qaerga qo'yish kerakligi haqida
1225. Abdulloh ibn Abbos (r.a.) aytdilar: "Kishi o'tirayotganda poyabzalini yechib,
yoniga qo'yishi sunnatdir".
569-bob. Shayton to'shakka kaltak va tosh tashlashi haqida
1226. Abu Umoma (r.a.) aytdilar: "Sizlardan bi-ringiz ayolini o'ringa yotqizib, ko'nglini
olayotganda shayton u odamni ayolidan g'azablantirish uchun uning to'shagiga kelib,
kaltak, tosh va yo (shunga o'xshash) narsalarni tashlaydi. Agar shunday (narsa) topsa,
ayoliga jahl qilmasin, zero u shaytonning amallaridandir".
570-bob. Ochiqlikda hech bir to'siqsiz uxlagan kishi haqida
1227. Abdurrahmon ibn Ali otasqdan rivoyat qiddi: Rasululloh (s.a.v.): "Kimki uyidan
tashqarida uxla-sa-yu, ustida hech bir parda (to'siq) bo'lmasa, undan himoya soqit
bo'libdi", dedilar.
1228. Ali ibn Amora aytdilar: "Abu Ayub Ansoriy (r.a.) bilan tep-tekis bir maydonga
ko'tarildim. Abu Ayub (r.a.)tushib: "Kechqurun hech bir himoyasiz yotib qolay debman",
dedilar".
1229. Rasululloh shunday deb marhamat qilshanlar: "Atrofi ochiq joyda uxlab qolgan
kishiga hech kim mas'ul emas. Dengiz to'lqinlanib turgan paytda kema-ga mingan odam
uchun ham hech kim mas'ul emas".
571-bob. Oyoqni osiltirib o'tirish haqida
1230. Abu Muso Ash'ariy (r.a.)dan rivoyat qilindi: "Payg'ambar (s.a.v.) devor(li bir
joy)da, quduq og'zi-da, oyoqlarini quduq ichiga osiltirib olgan edilar".
572-bob. Uydan chiqishda nima deyilishi haqida
1231. Ibn Umar (r.a.) uylaridan chiqishda: "Allo-him, meni o'zing asragin va (har turli
balolardan) saqlagin", der edilar.
www.ziyouz.com kutubxonasi 185