Al-Adab al-Mufrad [@kitob_nuri]
Create successful ePaper yourself
Turn your PDF publications into a flip-book with our unique Google optimized e-Paper software.
Al-adab al-mufrad. Imom Ismoil al-Buxoriy
477-bob. Salomga baxillik qilgan kishi haqida
1073. Abdulloh ibn Amr ibn Os (r.a.) aytdilar: "Haqiqiy yolg'onchi qasamiga yolg'on
qo'shgan odamdir, haqiqiy baxil esa, salomga baxillik qilgan kishidir. Namozdagi o'g'ri
(ya'ni uning arkonlarini o'rniga qo'yib bajarmay, shoshilib o'qiydigan odam) haqiqiy
o'g'ridir".
1074. Abu Hurayra (r.a.) aytdilar: "Salomini qizg'angan eng baxil odamdir. Eng ojiz kishi
esa, duoda ojizlik qilgan odamdir".
478-bob. Yosh bolalarga salom berish haqida
1075. Anas ibn Molik (r.a.) yosh bolalarning oldidan o'tar ekanlar, salom berdilar va:
"Rasululloh (sa.v.) shunday qilardilar", dedilar.
1076-hadis. Anbasa aytdilar: "Men Ibn Umar (r.a.)-ning yozuvchi-kotiblar orasidagi
bolalarga salom berayotganlarini ko'rdim".
479-bob. Ayollarning erkaklarga salom berishi haqida
1077-hadis. Ummu Honi (r.a.) aytdilar: "Rasululloh (s.a.v.)ni1siga bordim. Ul zot g'usl
qilayotgan ekanlar. Men ul zotga salom berdim. Ul zot: "Kim bu?" - dedilar. "Ummu
Honi", dedim. Ul zot: "Xush kelibsiz", dedilar".
1078-hadis. Hasan Basriy (r.al.): "Ayollar erkaklarga salom berishar edi", deb xabar
berdilar.
480-bob. Ayollarga salom berish haqida
1079. Asmo' binti Yazid Ansoriy (r.a.) aytdilar: "Rasululloh (s.a.v.) yonimdan o'tab
qoldilar, men dugonalarim davrasqda o'tirgandim. Rasululloh (s.a.v.) bizga salom
berdilar va: "Valine'matingizga (ya'ni erin-gizga) noshukrlik qilishdan saqlaningiz!" -
dedilar. Men Rasululloh (s.a.v.)dan savol so'rashlikda dugona-larimdan ko'ra dadilroq
edim, Rasululloh (s.a.v.) dan: "Ey, Allohning Rasuli, valine'matiga noshukrlik qilish nima
degani?" - deb so'radim. Rasululloh (s.a.v.): "Ehtimolki, sizlardan biringiz ko'p vaqt otaonasi
bilan beva (holda) yashaydi. So'ng Alloh taolo unga bir er nasib qiladi, farzand
beradi. Endi u ayol (biror narsa sabab bo'lib eridan) achchiqlansa, noshukrlik bilan
(eriga): "Sizdan hech bir yaxshilik ko'rmadim", deydi", deya marhamat qildilar".
1080-hadis yuqoridagi hadisning aynan takrori
481-bob.Xossatan salom berishni yomon kurgan kishi haqida
1081. Toriq ibn Shihob (r.al.) aytdilar: "Biz Abdulloh ibn Umar (r.a.)ning huzurlarida
o'tirgan edik, namozga qomat aytilgani eshitildi. Abdulloh (r.a.) turdilar, biz ham u bilan
birga turdik, masjidga kirdik. U kishi masjid to'rida odamlarning ruku'da turganini
ko'rdilar va takbir aytdilar. Biz (etib) keldik va (Abdulloh (r.a.)) nima qilsalar, o'shani
qildik. Shu payt bir kishi chopib keldi-da: "Assalomu alaykum, ey, Abu Abdurrahmon",
dedi. U kishi (Abdulloh (r.a.)): "Alloh to'g'ri so'zladi va Rasuli (s.a.v.) ham yetkazdi",
www.ziyouz.com kutubxonasi 165