Al-Adab al-Mufrad [@kitob_nuri]
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Al-adab al-mufrad. Imom Ismoil al-Buxoriy
Toyyibu-l-mutoyyib - yoqimlilarning yoqimlisi yoki ko'ngil quvonchi.
475-bob. Salomga qanday javob berish kerakligi haqida
1064. Abdulloh ibn Amr (r.a.) aytdilar: Makka bilan Madina o'rtasidagi bir daraxt
soyasida Rasululloh (s.a.v.) huzrularida o'tirgandik, eng shaddod va qo'pol bir a'robiy
kelib: "Assalomu alaykum", dedi Ular: "Vaalaykum", deb javob berdilar.
1065. Abu Jamra aytdilar: "Ibn Abbosga salom berilsa, "Vaalayka, va rahmatulloh", deb
alik olardilar".
1066. Abu Abdulloh aytdilar: "Bir kishi (Rasulullohga): "Assalamu alayka, yo Rasulalloh",
dedi. Ul zot: "Vaalaykassalom va rahmatulloh", dedilar".
1067. Abu Zarr (r.a.) aytdilar: "Men Rasululloh (s.a.v.) namozlaridan forig' bo'lganlarida
oldilariga bordim. Ul zotga birinchi bor islomiy salomlashishga muvofiq salom berdim. Ul
zot: "Vaalayka va rahmatulloh, sen kimlardansan (ya'ni, qaysi qabila, urug'dansan)?" -
dedilar. "G'ifordan", deb javob berdim".
1068. Abu Salama (r.a.): "Hz. Oyisha (r.a.) dedilar: "Rasululloh: "Ey, Oyisha, Jabroil
(a.s.) senga salom aytayaptilar", dedilar. Oyisha: "Va alayhissalom va rahmatullohi va
barakotuhu, taro ma lo aro", dedilar. Oyisha (r.a.) bo' bilan Rasulullohni ko'zda
tutgandilar", deb xabar berdilar.
Ya'ni men ko'ra olmaydigan narsalarni siz ko'rasiz.
1069. Muoviya ibn Qurra (r.al.) aytdilar: "Otam menga: "Ey, o'g'lim, yoningda bir kishi
o'tayotib "Assalomu alaykum" desa, "Vaalayka" demaginki, bu bilan (salomingni) uning
o'zigagina xos qilib qo'yasan. Balki "Assalomu alaykum" degin", degandilar".
476-bob. Salomga alik olmagan kishi haqida
1070. Abdulloh ibn Somit (r.al.) Abu Zarr (r.a.)ga: "Abdurrahmon ibn Ummu Hakamning
yonidan o'tayotib, unga salom bergandim, hech narsa deb javob qaytarma-di", dedi.
(Abu Zarr (r.a.): "Ey, birodarimning o'g'li, nima bo'pti shunga? Buning hech zarari yo'q,
senga o'sha odamning o'ng yelkasidagi undan xayrliroq bo'lgan farishta javob
qaytargan", dedi.
1071. Zayd ibn Vahb Abdulloh (r.a.)dan rivoyat qilib naql qildi: "Muhaqqaq, salom
Allohning ismlaridan biridir. Allohuni Yer yuziga qo'ydi. Salomni orangazda yoyinglar.
Agar bir odam bir jamoatga uchrab, unga salom bersa, jamoat salomga alik olsa, o'sha
jamoat darajada yuksaladi. Zero, salom bergan odam o'sha jamoatga salomni eslatab
o'tadi. Agar jamoatga salom bergan odamning salomiga alik olinmasa, hech bokisi yo'q,
ulardan ko'ra pokroq malaklar unga alik oladilar".
1072. Hasan Basriy (r.al.) aytdilar: "Salom berish sunnat, alik olish esa, farzdir".
www.ziyouz.com kutubxonasi 164