Smart Home & IoT- Newsletter 1

Magazin Smart Home & IOT
NEWSLETTER
NË KËTË
NUMËR
NEWSLETTER
Faqe 2
Bashkohuni me ne në ndërtim të
qëndrueshëm dhe efikas në energji!
Faqe 3
Smart Home për të gjithë dhe
instalimi digjital si bazë e
infrastrukturës moderne.
Faqe 4
Transformimi digjital në botën e
sotshme.
START I MIRË -
POTENCIAL GJIGANT
MAGAZIN SMART HOME & IOT
T´i japim kuptim dhe eficiencë energjisë. Mundësitë janë shumë të mëdha: ka qindra
miliona pajisje elektrike që ende nuk janë në rrjet, pajisje të palogjikshme.
Në klasën Smart Home & IOT në Prishtinë i kemi bashkuar forcat dhe vullnetet për
të nxjerrë një Magazin, i cili i dedikohet ekskluzivisht instalimit digjital dhe
teknologjisë digitalSTROM, sistemit Smart Home dhe Internet of Things.
Kjo klasë përbëhet nga 26 inxhinierë dhe studentë të Universitetit të Prishtinës dhe
funksionon si klasa e parë e këtij niveli në Kosovë dhe është mundësuar nga një
bashkëpunim në mes të Qendrës Hulumtuese Autonomia dhe ICK-së në mbështetje
nga Agjencia CIM dhe Ministria Federale e Gjermanisë për Zhvillim.

MAGAZIN DHE KONSULENCË
Bashkohuni me ne!
Jo vetëm që ka kuptim racionalist, që pas më shumë se 140
vjetësh, energjia elektrike më në fund është bërë inteligjente,
por gjithashtu duhet të jetë një kënaqësi intuitave për të zbuluar
dhe përdorur këtë mundësi: kjo vlen për zhvilluesit e
aplikacioneve, prodhuesit e pajisjeve elektrike, operatorët e
shërbimeve, shërbimet publike dhe përdoruesit.
Ne klasa Smart HOME dhe IOT, si pionierë të përdorimit të gjallë
të teknologjisë së re, kemi zhvilluar aplikacione shumë
tërheqëse për pajisjet mobile, si smartfoni, tableti, etj.
Prandaj Magazini Smart Home & IOT është edhe platformë e
konsulencës, konsulencë për ndërtim të qëndrueshëm në
ekosistem dhe efikas në energji.
Bashkohuni me ne!
SMART HOME
Ky sistem duhet t´u sjellë njerëzve më shumë siguri dhe komoditet,
njëherësh njerëzit duhet të lirohen nga shumë aktivitete të
përditshmërisë. Por, çka do të thotë kjo konkretisht? Të marrim
shembull nga zhvillimi i automobilave. Timoni servo, mbyllja
qendrore, klimatizimi, tempomati, kontrolli i distancës, etj., - e gjithë
kjo është në automobilin tonë dhe asnjëri nga ne nuk heqë dorë prej
tyre, sepse ato tashmë janë krejtësisht të zakonshme dhe të
pranueshme. Për fat të keq, njerëzit nuk e dinë realizimin e këtyre
funksioneve në shtëpi dhe mundësitë që u jep atyre Smart Home.
D.m.th këto funksione nuk janë të panjohura për njerëzit dhe kështu
gjendja në shtëpitë tona korrespondon me gjendjen e automobilave
në vitet e 50-ta! Prandaj vetëdijesimi i komunitetit është përgjegjësi e
të gjitha institucioneve dhe veçanërisht e mediave, të cilat shpesh i
theksojnë rreziqet ose pasiguritë, por asnjëherë nuk i theksojnë
mundësitë dhe potencialet. Në këtë fushatë duhet të përfshihen pa
mëdyshje kompanitë ndërtimore, elektricistët, arkitektët, bankat dhe
të gjithë përfaqësuesit e ekonomisë së pasurive të paluajtshme.

SMART HOME PËR TË GJITHË
Deri pak vite më parë, ju do të mund të rrjetëzonit
pajisjet dhe komponentët teknike në Smart Home
vetëm nëpërmjet një instalimi fiks me kabllo (KNX).
Përparësitë e teknologjisë inteligjente ishin
kryesisht të rezervuara për ndërtuesit dhe pronarët
e
shtëpive.
Ju mendoni ende se Smart Home është një luks për
ndërtuesit e pasur dhe pronarët e shtëpive?
Harrojeni
këtë!
Kjo ndryshoi në fillim të viteve 2000, gjegjësisht nga
viti 2004, kur teknologjia digitalSTROM goditi
tregun. Lehtë, shpejtë dhe pa kabllo shtesë, tani
mund të konvertohet secila banesë, secila shtëpi,
secila zyrë, secili hotel, secili objekt i banimit ose i
punës, i vjetër ose i ri, me qira ose në pronësi, në
një Smart Home.
Falë teknologjisë digitalSTROM dhe sistemeve
bashkëkohore IP, çdo shtëpi mund të bëhet
inteligjente për një çast, vetëm duke shfrytëzuar
kabllot e rrymës elektrike. Smart Home sot është i
nevojshëm, sepse ai garanton lehtësimin e jetës,
siguri, ekologji dhe kursim më të lartë, kështu ai
siguron vlerë më të lartë të pronës. Në Smart Home
me teknologjinë digitalSTROM sigurohet e
ardhmja, sepse kjo është një teknologji modulare
dhe e hapur, e hapur për produktet e prodhuesve
të tretë dhe për teknologjinë e ardhshme, qoftë
edhe pas 100 vjetësh… për aq kohë sa do të
ekzistojë rryma elektrike dhe nevoja për të.
INSTALIMI DIGJITAL
SIPAS UDHËZIMIT TË BASHKIMIT EUROPIAN PËR EFICIENCËN
Instalimi elektrik digjital është një instalim ku krijohet infrastruktura për sa më shumë standarde dhe protokolle të
mundshme për integrimin e pajisjeve, të shërbimeve dhe të aplikacioneve jo vetëm sot, por edhe në të ardhmen. Kjo
infrastrukturë duhet të bazohet në Udhëzimin e ndryshuar të Bashkimit Europian për eficiencën e energjisë EED dhe
duhet të shfrytëzojë linjat e rrymës elektrike pa nevojën e shtrirjes së linjave shtesë.
Standardi i ri në instalimin elektrik është digjital. Ai përdor linjat ekzistuese për rrjetëzimin inteligjent të të gjitha
pajisjeve në shtëpi dhe, sipas kërkesës, gjithashtu ofron një ndërfaqe në rrjetin shtëpiak dhe internetin.
Stili i ndryshueshëm i banimit dhe kërkesat në rritje të jetesës, sigurojnë që vlera e një prone nuk do të matet më
vetëm nga vendndodhja dhe arkitektura e saj e jashtëzakonshme, por mbi të gjitha nga ekzistenca e një infrastrukture
digjitale. Kjo infrastrukturë është baza për një jetesë bashkëkohore - jo vetëm për sot, por mbi të gjitha për të ardhmen.
Ka shumë lëvizje dhe hapa të investitorëve për integrimin e sistemeve Smart Home pa instalimin digjital. Gabim. E para që
nevojitet është instalimi digjital dhe rimodelimi i instalimit elektrik. Të integrohet Smart Home pa ekzistencën e instalimit
digjital, është njësoj sikur të ndërtosh mure dhe kulm pa themel! Ju lutemi, në fillim – instalimi digjital, pastaj sistemi
Smart Home!

TRANSFORMIMI NË BOTËN DIGJITALE
SMART HOME KRIJON EFICIENCË, PATUNDSHMËRI DHE …PËJETIME
Sot jemi thellësisht të përfshirë në procesin e transformimit në botën digjitale – po me ndryshime më të gjera se sa ndriçimi elektrik në
shekullin 19 ose se sa kompjuteri në shekullin 20: bëjmë fjalë për rrjetëzimin digjital brenda objekteve – të quajtur Smart Home dhe Smart
Buildings.
Smart Home krijon përjetime.
Tani që energjia elektrike është inteligjente, shtëpia bëhet një tërësi inteligjente, gjithmonë e udhëhequr nga nevojat e përdoruesve të saj.
Çdo gjë është e thjesht dhe pothuajse magjike. Kaloi koha kur jetesa e rrjetëzuar ishte një produkt i munguar që mund të admirohej në
filmat James Bond dhe për të cilat interesoheshin vetëm entuziastë të teknologjisë apo për shtresën e njerëzve të pasur. Sot është pyetja:
çfarë bën secili për veten për mundësitë e arsyeshme, të cilat tashmë me digitalSTROM janë për këdo të hapura.
Ideja e shtëpisë inteligjente – deri më tash e shtrenjtë dhe e zbatuar rrallë – bëhet me digitalSTROM standard dhe normalitet: si në të
kaluarën ngrohja nën dysheme ose dritarja dyfish e izoluar, dhe, edhe më vonë, drita elektrike e uji i ngrohtë. Digitalstrom krijon kuptim,
bëhet i dobishëm dhe thjesht krijon disponim e zbavitje, sepse gjithçka është aq intuitive për t´u përdorur.
Me digitalSTROM tashmë është e mundur të rrjetëzohen të gjitha pajisjet elektrike dhe të orkestrohen ato shumë lehtë përmes rrjetit
ekzistues elektrik. Kjo teknologji e lehtë për t´u aplikuar, mundëson si asnjë herë më parë, menaxhimin e energjisë, sigurinë e përdoruesve
dhe ndjenjën e mirë në shtëpi. Dhe ky është vetëm fillimi i epokës, ku teknologjia dhe inteligjenca shkrihen dhe Ju vendosni vet që nga
fillimi se si do t´i shfrytëzoni këto mundësi.