Jesus College Prospectus 2020-2021 - Welsh

2020/2021
PROSBECTWS

Croeso i Goleg yr Iesu.
Sylfaenwyd Coleg yr Iesu yn 1571 gan Elisabeth 1 yn ôl dymuniad
cyfreithiwr a chlerigwr o Gymro o’r enw Hugh Price. Rydym wedi
ein lleoli yng nghalon hanesyddol Rhydychen ar dir a roddwyd inni
gan y Frenhines Elisbaeth, ac mae neuadd ar gyfer myfyrwyr wedi
sefyll ar y tir hwn ers y 13eg ganrif. Mae’r Coleg ychydig o funudau ar
droed o lyfrgelloedd y Brifysgol, campws y gwyddorau ac adeiladau
y dyniaethau, gyda siopau a bwytai hefyd ar ein stepen drws. Mae
ein Neuadd Fwyta, Capel a Llety Pennaeth y Coleg yn dal i gael eu
defnyddio i’w pwrapasau gwreiddiol heddiw. Mae Llyfrgell hanesyddol
y Cymrodorion yn gartref i’n casgliad o argraffiadau llyfr cynnar, gan
gynnwys cyfrolau or 17eg ganrif mewn meddygaeth, botaneg, cemeg,
ffiseg, y gyfraith, diwinyddiaeth ac athroniaeth. Mae ein cwadiau
trawiadol yn werddon o wyrddni sydd yn gyffro i gyd yn ystod
misoedd yr haf. Roedd Coleg yr Iesu yn un o’r colegau dynion
cyntaf i dderbyn merched yn 1974 ond heddiw, rydym yn
derbyn nifer cytbwys o ddynion a merched. Ymysg ein cynfyfyrwyr
adnabyddus mae’r newyddiadurwr a chyflwynydd
BBC Francine Stock (Ieithoedd Modern), y nofelydd a
sgrîn-awdur William Boyd (Saesneg), a Gwyneth Glyn
(Athroniaeth a Diwinyddiaeth), y person ieuengaf
i fod yn Fardd Plant Cymru. O fyd gwleidyddiaeth,
dau o’n cyn-fyfyrwyr oedd Harold Wilson, a oedd
yn Brif Weinidog Prydeinig ddwywaith, a Norman
Manley, a gafodd ei ethol yn Brif Weinidog Jamaica
yn 1955. Astudiodd T.E. Lawrence (‘Lawrence o
Arabia’) Hanes yng Ngholeg yr Iesu, ac mae ei
draethawd hir ar Gestyll y Croesgadau o 1910 yn
parhau i fod yn eiddo i’r Coleg.
2
Ewch ar daith rithiol

Byth ers y dyddiau cynnar, mae cysylltiadau cryf wedi bod
rhwng y Coleg a Chymru ac rydym yn dathlu’r cyswllt
hwn drwy amryw o weithgareddau a digwyddiadau drwy
gydol y flwyddyn academaidd. Mae gennym hefyd lyfrgell
sydd wedi ei glustnodi ar gyfer ein casgliad Celtaidd eang.
Erbyn hyn, wedi ein angori yn llwyr yn yr 21ain ganrif,
rydym wedi ymgymryd â phrosiect uchelgeisiol – ein
datblygiad Northgate – i adeiladu cwad newydd i’r Coleg,
llety i ôl-raddedigion, Hwb Digidol a gofod dysgu o’r radd
flaenaf yn ogystal â chaffi ac ystafell amlffydd. Mae disgwyl
i Northgate agor yn hwyr yn 2021 a bydd yn cydfynd â
chanmlwyddiant y coleg yn 450 oed.
www.jesus.ox.ac.uk
Coleg yr Iesu
Norman Manley
Darlun o’r Hwb
Digidol newydd
Francine Stock
Neges gan ein Pennaeth.
Mae’n ddrwg gennym na allwn eich cyfarfod wyneb yn
wyneb ar hyn o bryd ond gobeithio y bydd ein prosbectws
yn cynnig blas o’r hyn sydd gennym i’w gynnig. Mae Coleg
yr Iesu yn arddangos cyfuniad arbennig o nodweddion.
Ymrown i’r safonau uchaf o ragoriaeth academaidd gan
hefyd ymfalchïo yn ein cymuned anffurfiol, cynhwysol,
bywiog a chefnogol o fyfyrwyr a thiwtoriaid. Credwn
bod cymuned amrywiol yn gymuned gryfach ac mae
ein myfyrwyr yn hannu o ystod eang o gefndiroedd
a gwledydd. Mae gennym ganran uchel o ymgeiswyr
israddedig o ysgolion cyfun, ac rydym yn derbyn myfyrwyr
yn llwyr ar eu cyrhaeddiad a’u potensial i elwa o
system diwtorial unigryw Rhydychen. Rwyf wedi bod yn
Bennaeth ar Goleg yr Iesu ers 2015 ac rwyf yn falch o’r
bywiogrwydd, cynhesrwydd, dyfeisgarwch, gallu a gofal a
welir yn ein myfyrwyr. Mae ein myfyrwyr yn ganolbwynt
i fywyd y Coleg ac mae’n hyfryd i weld sut mae ein
israddedigion ac ôl-raddedigion yn datgblygu nid yn unig
yn academaidd ond hefyd yn eu hunanhyder yn ystod eu
hamser yma. Golygfa gyffredin ar ddiwrnod o haf yw gweld
ein myfyrwyr yn ymlacio ar y glaswellt yn un o gwadiau’r
Coleg, yn cymdeithasu â ffrindiau, sgwrsio mewn grwpiau
astudio neu yn adolygu ar gyfer unrhyw arholiadau sydd
ar y gweill. Yn 2021 byddwn yn dathlu 450 o flynyddoedd
ers sefydlu’r coleg. Mae’n amser cyffrous yn hanes y Coleg
a bydd amryw o weithgareddau a digwyddiadau i nodi
yr achlysur. Byddwn yn adlewyrchu ar y cerrig milltir
hanesyddol sydd wedi ffurfio y Coleg fel y mae heddiw.
Byddwn hefyd yn edrych i’r dyfodol – dyfodol o ddysgu
ac ymchwilio arloesol yn yr oes ddigidol; dyfodol mwy
cynhwysol, amrywiol a chydradd; dyfodol ble rydym yn
parchu traddodiad ond hefyd yn ymestyn a chofloedio’r
newydd. Bydd ein datblygiad
Northgate yn chwarae
rhan bwysig yn y dyfodol
hwnnw, gan gynnig Hwb
Digidol newydd (chwith)
a chyfleusterau o’r radd
flaenaf, gofod cyffredin y
tu mewn a’r tu allan, a llety
i ôl-raddedigion. Bydd ein
myfyrwyr yn allweddol i
siapio’r dyfodol, a dyma
un o’r rhesymau pam yr
ydym yn cynnig cefnogaeth helaeth i israddedigion ac
ôl-raddedigion yn nhermau grantiau ar gyfer pwrpasau
academaidd ac ymchwil, grantiau ar gyfer teithio,
cerddoriaeth a chwaraeon, yn ogystal â bwrseriaethau ar
gyfer israddedigion i ychwanegu at y cynlluniau prifysgolgyfan,
a chynnig llety hael. Gobeithiaf yn fawr y byddwch yn
dewis i ddod i astudio yng Ngholeg yr Iesu: gallaf sicrhau
y cewch amser heb ei ail yma, a phrofiad all newid eich
bywyd. Cofiwch gysylltu os ydych am ddarganfod mwy.
Yr Athro Syr Nigel Shadbolt FRS FREng
Pennaeth
Yr Athro Syr
Sir Nigel Shadbolt FRS FREng
3

Dysgu yng Ngholeg yr Iesu
Bywyd academaidd
Mae ein ymrwymiad cryf i ragoriaeth academaidd yn cael
ei adlewyrchu yn y safon uchel o addysgu tiwtorial,
canlyniadau uchel cyson ein israddedigion yn eu arholiadau
prifysgol a’r cyfleusterau academaidd diguro yr ydym yn eu
darparu. Mae gennym dros naw deg o aelodau staff sydd
yn arbenigwyr yn eu maes, wedi eu recriwtio o’r DU ac yn
rhyngwladol, ac maent yn dysgu ystod eang o’r cyrsiau a
gynir yn Rhydychen ym meysydd y dyniaethau, gwyddorau a
gwyddorau cymdeithasol.*
Mae Patricia Clavin yn
Gymrawd Zeitlyn, Tiwtor
mewn Hanes ac Athro mewn
Hanes Rhyngwladol. Mae yn
Gymrawd yr Academi Brydeinig
a’r Gymdeithas Hanesyddol
Frenhinol ac yn Aelod Tramor
o’r Academi Norwyeg ar gyfer
Gwyddoniaeth a Llenyddiaeth.
Mae hi wedi cyhoeddi yn helaeth ac mae ei gwaith wedi
cael ei gyfieithu i Sbaeneg, Rwsieg, Almaeneg, Eidaleg,
Pwyleg a Ffrangeg.
“Rwyf yn dysgu Hanes Modern Ewropeaidd a Hanes
Rhyngwladol, ac hefyd yn goruchwylio myfyrwyr ôl-raddedig
yn gweithio ar Hanes Cysylltiadau Rhyngwladol ar ôl 1890,
gyda ffocws penodol ar hanes cyfalafiaeth byd-eang, mudiau
rhyngwladol, tarddbwyntiau rhyfel a natur diogelwch.”
Gallwch ddarganfod mwy am ein staff academaidd, eu
cefndiroedd, yr ardaloedd y maent yn addysgu ynddynt a’u
diddordebau ymchwil yma.
Mae Shankar Srinivas yn
Gymrawd Zeitlyn a Thiwtor
mewn Meddygaeth, Uwch
Ymchwilydd y Wellcome Trust
ac Athro mewn Bioleg Datblygol
yn yr Adran Anatomeg Ffisioleg
a Geneteg.
“Astudais yng Ngholeg Nizam
yn Hyderabad, India ac yna
ym mhrifysgol Columbia yn Efrog Newydd. Cyn ymuno â
Choleg yr Iesu yn 2004, roeddwn yn Gymrawd Ôl-Ddoethur
yn y Sefydliad Cenedlaethol ar gyfer Ymchwil Meddygol yn
Llundain. Rwyf yn dysgu Meddygaeth: Trefniad y Corff a
Geneteg Meddygol i israddedigion a Bioleg Fertibrad Datblygol
ar lefel ôl-raddedig.”
Mae gennym Lyfrgell Coleg helaeth, sydd yn agored 24 awr y
dydd. Mae’n bosibl benthyg bron i bob llyfr ar system hunanwasanaeth,
mae’r stoc yn cael ei ddiweddaru yn rheolaidd,
ac mae ein Llyfrgellydd wastad yn hapus i ystyried ceisiadau
myfyrwyr ar gyfer llyfrau newydd. Mae Wi-Fi a phwynt
Ethernet ym mhob desg yn y Llyfrgell ar gyfer eich gliniadur,
yn ogystal â chyfrifiaduron wedi eu darparu gan y Coleg, fel y
gallwch chwilio catalogau llyfrgell, adnoddau bibliograffaidd a
chyfrolau ar-lein. Ar gyfer darllen mwy arbenigol, mae Llyfrgell
y Bodleian a Llyfrgell Gwyddoniaeth Radcliffe wedi eu lleoli
daflaid carreg o’r coleg, ac ymysg rhai o lyfrgelloedd gorau’r
byd.
“Yng Ngholeg yr Iesu, nid oes unrhyw
ddeuddydd yr un fath. Un diwrnod efallai
y byddaf yn dadlau gydag ysgolheigion yn
llyfrgell y Gyfraith yn y coleg; y diwrnod nesaf
byddaf yn chwarae am ddyrchafiad yn nhîm
pêl-droed y coleg.”
Kush Patel, Myfyriwr israddedig, Y Gyfraith
Mae gennym adnoddau technoleg gwybodaeth arbennig a
mynediad Wi-Fi ar hyd adeiladau’r coleg i gyd. Mae ein tîm
TGCH yn darparu cyngor defnyddiol a datrys problemau pan
fo angen. Profwch flas o brofiadau ac argraffiadau myfyrwyr yn
ein cymuned yma.
Mae ein israddedigion hefyd yn cynhyrchu eu Prosbectws
Amgen bywiog eu hunain.
4
*Noder bod rhai cyrsiau nad ydym yn derbyn myfyrwyr ar eu cyfer. Gallwch
ddarganfod yr wybodaeth berthnasol ym Mhrosbectws Israddedig y
Brifysgol, yn y Rhestr Cyrsiau i Raddedigion y Brifysgol ac ar y wefan Derbyn
(Admissions) canolog.

Ein Ysgol Haf 2019.
bod llawer o waith ar ôl i wneud hyn yn realiti i holl ddarpar
fyfyrwyr y DU. Dyma pam yr ydym yn cynnig ac yn cefnogi
ystod eang o ymweliadau ysgol, rhaglenni estyn allan a
gweithgareddau ar gyfer darpar fyfyrwyr o ysgolion annethol y
wladwriaeth a grwpiau sydd wedi’u tangynrychioli o fewn ein
ardaloedd cyswllt yn Ne Llundain, ac ar draws Cymru.
Mae nifer o ein myfyrwyr yn gwirfoddoli i gefnogi ein
menterau Mynediad ac Estyn allan ac yn ei weld yn brofiad
gwerth chweil. Wrth rannu eu profiadau eu hunain o ymgeisio
i ac astudio yng Ngholeg yr Iesu mae ein myfyrwyr gwirfoddol
yn allweddol ar gyfer darparu ein strategaeth Mynediad
ac Estyn allan ac annog y rheiny o gefndiroedd wedi eu
tangynrychioli i ymgeisio. Darganfyddwch fwy am Fynediad ac
Estyn allan yng Ngholeg yr Iesu yma.
Ysgol Gynradd
Blaenau Gwent
Mynediad ac Estyn allan
Dymunwn ddenu a dewis yr ymgeiswyr gorau un ar sail
eu potensial academaidd ac nid eu statws economaiddgymdeithasol,
ethnigrwydd, crefydd, ysgol neu unrhyw feini
prawf arall sydd ddim yn academaidd. Dylai addysg byd-enwog
Rhydychen fod ar gael i bawb sydd gan y gallu academaidd
a’r potensial i elwa ohono. Fodd bynnag, rydym yn cydnabod
Ystadegau Mynediad ac
Estyn allan 2019
173 o ddigwyddiadau
Mynediad mewnol ac
allanol
9000+ o ddarpar
fyfyrwyr
84%
68%
o bobl ifanc yn ein Ysgolion
Haf yn 2019 yn dod o ein
ardaloedd cyswllt
o’r cefndiroedd mwyaf
difreintiedig
5

Dysgu yng Ngholeg yr Iesu
Astudiaethau Israddedig
Mae ein cymuned israddedig bywiog yn ffurfio tua dau
draean o gyfanswm ein myfyrwyr. Rydym yn ymrwymo i
gynnig y gefnogaeth orau bosibl i ein israddedigion ar gyfer eu
hastudiaethau, drwy addysgu tiwtorial ardderchog, darpariaeth
ariannol hael, llety o safon uchel a nifer o gyfleusterau..
Ymgeisio i Goleg yr Iesu
Rydym yn croesawu ceisiadau gan unrhywun sydd yn credu
y gallant elwa o’r cyfleoedd a gynigwn ac sydd yn medru
cyrraedd y safonau angenrheidiol ar gyfer eu derbyn. Rydym
yn ymdrechu i sicrhau bod y broses fynediad yn deg i
ymgeiswyr o bob cefndir a math o ysgol. Dysgwch fwy am
ymgeisio i Goleg yr Iesu ar dudalenau 18-19.
Pynciau
O Ieithoedd Ewropeaidd a Dwyrain Canol a Gwyddorau
Cyfrifiadurol i Fathemateg ac Athroniaeth a PPE (Athroniaeth,
Gwleidyddiaeth ac Economeg), mae gennym ystod eang
o ddewis pynciau ar gael ar gyfer astudiaethau israddedig.
Darganfyddwch fwy am ein pynciau, ein Cymrodorion
tiwtorial, y broses ymgeisio a’r cwrs ei hun yma.
“Mae bodau dynol wastad
wedi bod o ddiddordeb i mi.
Rydw i eisiau deall pam ein
bod yn meddwl ac yn ymddwyn
yn ein ffyrdd ein hunain; pam
yr ydym ni’n caru a chasau, a
pham yr ydym ni’n ffynnu neu
yn cael trafferthion. Mae astudio
Seicoleg Arbrofol wedi caniatau i mi astudio gwybyddiaeth ac
ymddygiad dynol, ac i gael gwell dealltwriaeth ohonof fy hun a
chymdeithas o bersbectif mwy gwyddonol. I mi, does dim byd
yn fwy cyffrous na dysgu am y mecanwaith sy’n ysgogi yr holl
ryngweithiadau a chreadigaethau anhygoel yr hil ddynol.”
Mingfang Zhang
Myfyriwr israddedig mewn Seicoleg Arbrofol &
Llywydd y JCR
Tiwtorials
Astudiaethau academaidd yw ffocws bywyd Coleg ac rydym
yn gwneud ein gorau i sicrhau eich bod yn cyrraedd eich
potensial ac yn mwynhau eich astudiaethau. Rhan hollbwysig
o addysgu yn Rhydychen yw’r tiwtorial. Mewn nifer o bynciau,
mae canran uchel o diwtorials myfyrwyr yn cael eu darparu
gan ein tiwtoriaid yn y Coleg, gyda thiwtoriaid mewn colegau
eraill ac adrannau yn darparu addysg mwy arbenigol. Mae
ein tiwtoriaid Coleg arbenigol yn cymryd diddordeb mawr
yng nghynnydd academaidd eu myfyrwyr, ac yn cadw cyswllt
rheolaidd â hwy. Bydd gan bob myfyriwr un neu fwy o
diwtoriaid Coleg yr Iesu yn eu pwnc, sydd yn gyfrifol am
gyfarwyddo eu astudiaethau yn ystod eu hamser yn y Brifysgol.
Mae Robin Evans yn
Gymrawd Robert Kay a
Chymrawd Tiwtorial mewn
Ystadegaeth ac Athro Cyswllt
mewn Ystadegaeth.
“Derbyniais fy ngraddau israddedig
a meistr o Gaergrawnt, a fy PhD o
Brifysgol Washington. Cyn ymuno â
Choleg yr Iesu yn 2013, roeddwn
yn Gymrawd Ymchwil Ôl-ddoethurol
yn y Labordy Ystadegol, Prifysgol Caergrawnt. Rydw i’n dysgu
Mathemateg ac Ystadegaeth Bur ac yn darlithio ar raglennu
R ar lefel israddedig, ac yn darlithio ar Fodelau Graffigol i ôlraddedigion.”
Yn arferol, bydd tiwtoriaid yn trefnu i weld eu myfyrwyr yn
wythnosol unai mewn grwpiau bach neu weithiau mewn
sefyllfa un-i-un, am diwtorial awr o hyd. Mae’r tiwtor yn
aml yn gosod cwestiwn traethawd i’r myfyrwyr, neu set o
broblemau i’w datrys, sydd wedyn yn sylfaen i drafodaeth
6

Cymryd hoe yn yr ail gwad
feirniadol a manwl yn y twitorial. Rydym yn pwysleisio yn
drwm ar ymchwil annibynnol wrth baratoi am diwtorials, ac
mae disgwyl i fyfyrwyr wneud defnydd llawn o’r adnoddau
a ddarperir yn y llyfrgelloedd, labordai a darlithoedd. Mae
tiwtorials yn gofyn am gyfranogiad actif ar ran y tiwtoriaid
a’r myfyrwyr, yn herio ac yn cymryd cryfderau a diddordebau
myfyrwyr i ystyriaeth. Mae addysgu hefyd yn digwydd
mewn seminarau o grwpiau bychan, darlithoedd ac, ar gyfer
gwyddonwyr, mewn gweithgareddau ymarferol yn y labordai
adrannol (sydd o fewn cyrraedd rhwydd i’r Coleg) ac ar
feysydd astudio.
Mae Marion Turner yn
Athro Cyswllt a Chymrawd
Tiwtorial mewn Saesneg.
Mae ei llyfr diweddaraf yn
fywgraffiad clodwiw, Chaucer:
a European Life (2019). Mae’n
dysgu llenyddiaeth ganolosol
a Thuduraidd cynnnar, Hen
Saesneg ac Ysgrifennu-Bywyd
hyd at heddiw.
“Mae adran Saesneg Rhydychen wedi ei restru fel yr adran
orau yn y byd yn rhestr QS. Mae dysgu yn Rhydychen yn
bleser, oherwydd bod ein tiwtorials mewn grwpiau bach yn
ein galluogi i ganolbwyntio ar bob myfyriwr fel unigolyn. Rwyf
wrth fy modd fy mod yn medru dod i adnabod pob myfyriwr
yn dda ac yn medru eu helpu gydag unrhyw beth sydd
yn anodd iddynt, gan eu hannog i ddilyn eu diddordebau
eu hunain. Nid ydym yn chwilio am un math o berson yn
benodol a pheidiwch â disgwyl i’n myfyrwyr i gyd fod yr
un fath – mae ein system yn galluogi i bawb gyrraedd eu
potensial.”
Ysgoloriaethau, grantiau a bwrseriaethau
Ymrwymwn i sicrhau mai gallu academaidd, ac nid modd
ariannol, yw’r rheswm am ddewis ein myfyrwyr, ac y gallwn
ddarparu cymorth hael i’r myfyrwyr rheiny sydd mewn angen.
Ewch i dudalenau 14-15 am fwy o wybodaeth am arian.
Ymlacio ar risiau’r Coleg
Geiriau’r myfyrwyr
Peidiwch â chymryd ein gair ni, darllenwch yr hyn sydd gan ein
israddedigion i’w ddweud am astudio yng Ngholeg yr Iesu.
7

Dysgu yng Ngholeg yr Iesu
Ôl-raddedigion
Mae ein 230 o ôl-raddedigion yn rhan annatod o gymuned
y Coleg ac yn hanu o amrywiaeth eang o gefndiroedd:
mae rhai yn dychwelyd wedi eu cyrsiau israddedig yng
Ngholeg yr Iesu, eraill yn dod o brifysgolion eraill yn y DU, a
sawl un yn ymuno â ni o fannau a diwylliannau rhyngwladol
amrywiol. Mae ein ôl-raddedigion yn astudio mewn ystod eang
o gyrsiau uwch dros nifer o feysydd pwnc, o gyrsiau Meistr
blwyddyn o hyd i ddoethuriaethau tair neu bedair mlynedd
(o’r enw DPhil), yn seiliedig ar ymchwil personol a gwreiddiol.
Rydym hefyd yn derbyn rhai ôl-raddedigion pob blwyddyn i
ymgymryd â chyrsiau israddedig, yn aml mewn llai o amser nag
arfer, ar gyfer ail gwrs israddedig.
Dysgwch fwy am ymgeisio i Goleg yr Iesu.
Diwrnod Graddio
Yr Bwrdd Uchel yn y Neuadd
Pam dewis Coleg yr Iesu?
Felly, beth allwn ni ei gynnig i chi os oes gennych ddiddordeb
mewn cwrs ôl-raddedig yng Ngholeg yr Iesu? I ddechrau,
ymrwymwn i gynnig cefnogaeth o’r radd flaenaf ar gyfer eich
astudiaethau ôl-raddedig drwy ryngweithio cyson gyda’n
Cymrodorion.
Adran neu gyfadran myfyriwr ôl-raddedig yn y Brifysgol
sydd yn gyfrifol am oruchwylio cynnydd academaidd, penodi
goruchwyliwr, a threfnu unrhyw ddarlithoedd a gwersi.
Mae’r Coleg yn neilltuo Cynghorydd Coleg ar gyfer ein ôlraddedigion,
a bydd y rheiny fel arfer yn un o’n Cymrodorion
a chyn belled â phosibl, yn gweithio mewn maes cyffelyb.
8

Saran Davies, DPhil Bioleg a
chyn Lywydd yr MCR
Pynciau
Croesewir geisiadau gan fyfyrwyr ôl-raddedig i astudio
graddau yn y mwyafrif o’r prif bynciau. Bydd blaenoriaeth
yn cael ei roi fel arfer i’r myfyrwyr sydd â’u hymchwil yn
gysylltiedig gydag ymchwil Cymrodorion y Coleg.
Darganfyddwch fwy yma
Ysgoloriaethau, gwobrau a grantiau
Rydym yn cynnig hyd at ddeg Ysgoloriaeth Ôl-raddedig
pob blwyddyn i’r rheiny yn eu blwyddyn gyntaf a thu
hwnt i wobrwyo rhagoriaeth academaidd. Mae hefyd rhai
ysgoloriaethau llawn ac wedi eu ariannu ar y cyd gydag
Ysgoloriaethau Clarendon mewn rhai meysydd.
Mae Cynghorwyr Coleg yn cynnig cefnogaeth gyffredinol a
chyswllt personol o fewn y Coleg, a phob blwyddyn mae’r
Pennaeth a’r Cyfarwyddwr Academaidd (sydd â chyfrifoldeb
arbennig dros ôl-raddedigion yn y Coleg) yn trefnu cyfarfod
cynnydd byr gyda phob myfyriwr.
Rydym yn creu cyfleoedd drwy gydol y flwyddyn er mwyn i
ôl-raddedigion gyfarfod staff academaidd y Coleg, gan gynnwys
sgyrsiau poblogaidd pob tymor, a swperau yng nghwmni ein
academyddion, ôl-raddedigion a’u gwestai.
O ddiwedd 2021, pan fydd ein adeilad
Northgate newydd yn agor, bydd gennym
68 ystafell wely ychwanegol ar gyfer ôlraddedigion
newydd. Bydd gan yr adeilad hefyd
ystafell astudio ar gyfer ôl-raddedigion, caffi,
gofod dysgu, ystafell amlffydd, a Hwb Digidol
newydd fydd yn galluogi cyfleoedd i gyfnewid
gwybodaeth a chynnig cyfle i ôl-raddedigion
arddangos eu gwaith ymchwil.
Rydym yn cefnogi ein holl ôl-raddedigion gyda’n Lwfans
Ymchwil blynyddol hael i’w helpu i fynychu cynadleddau a
theithio ar gyfer ymchwil. Gall ôl-raddedigion hefyd fynnu
Grant Llyfr pob blwyddyn, ac ymgeisio am gymorth ariannol
gan y Coleg os ydynt yn wynebu caledi ariannol sydd heb ei
ragweld. Ymhellach mae ystod eang o grantiau diwylliannol,
chwaraeon a theithio ar gael.
Gallwch ddarganfod mwy o wybodaeth am ein astudiaethau
ôl-raddedig yma.
Gwrandewch ar yr hyn sydd
gan ein myfyrwyr ôl-raddedig
i’w ddweud am astudio yng
Ngholeg yr Iesu.
9

Bywyd yng Ngholeg yr Iesu
Llety
Mae llety yng Ngholeg yr Iesu ymysg y gorau yn Rhydychen
ac yn boblogaidd iawn gyda’n myfyrwyr. Mae ein holl
israddedigion yn medru byw mewn llety Coleg drwy gydol
eu hamser yn Rhydychen os ydynt yn dymuno gwneud hynny.
Rydym hefyd yn darparu llety ar gyfer y mwyafrif o’n ôlraddedigion.
Mae’n adeiladau llety wedi eu gosod mewn tri lleoliad. Yn y
Coleg, rydym yn cynnig llety i bob myfyriwr israddedig yn eu
blwyddyn gyntaf yn ystod y tymor, a sawl myfyriwr ôl-raddedig
blwyddyn gyntaf drwy gydol y flwyddyn. Mae’r ystafelloedd
yn amrywio mewn oedran, rhai o’r 17eg ganrif ac eraill o’r
21ain ganrif, ond maent i gyd wedi eu dodrefnu a’u cadw i’r un
safonau uchel. Mae gennym lety (yn o gystal â gofod dysgu a
darlithio) yng Nghanolfan Ship Street, ger y Coleg.
Ar ôl eu blwyddyn gyntaf, mae’r mwyafrif o fyfyrwyr yn symud
i flociau o fflatiau gan y Coleg, gan rannu mewn grwpiau o
dri neu bedwar. O fewn fflatiau, mae gan y myfyrwyr ystafell
wely yr un ac maent yn rhannu ystafell fyw, cegin ac un neu
ddau o ystafelloedd ymolchi. Mae’r fflatiau mewn dau leoliad:
yng Ngogledd Rhydychen, 1km o’r Coleg ac yn agos i ardal
gwyddorau’r Brifysgol; ac yn Nwyrain Rhydychen, ychydig o
dan 3km o’r Coleg, wrth ein maes chwaraeon. Yn y lleoliad
yn Nwyrain Rhydychen, mae gennym floc o fflatiau un ystafell
wely gyda’r bwriad pennaf o letya myfyrwyr sydd wedi priodi
neu mewn perthnasau sefydlog.
Ar ddiwedd 2021, byddwn yn agor adeilad newydd sbon ar
brif safle’r Coleg. Bydd Northgate yn cynyddu y llety sydd
gennym ar gyfer ôl-raddedigion yng nghanol y ddinas ac yn
cynnig mynediad hawdd i gyfleusterau’r Coleg a’r Brifysgol.
Cynigwn ein llety am bris rhesymol, a gellir darganfod
gwybodaeth gyfredol am gostau yma.
Ystafell wely yn llety’r Coleg
Mae datblygiad Northgate yn cynnwys
llety newydd i ôl-raddedigion
Gofod cymunedol yn un
o fflatiau’r Coleg
10

Prydau Bwyd
Mae amser bwyd yn achlysur cymdeithasol ar gyfer myfyrwyr,
ac yn cael ei ddarparu yn ein Neuadd Fwyd ysblenydd, gyda
phortreadau o’n sylfaenydd y Frenhines Elisabeth 1, Brenin
Siarl 11, y cyn Benaethiaid a TE Lawrence (Lawrence o Arabia)
yn edrych i lawr arnynt.
Mae brecwast, cinio ac eisteddiad cyntaf swper yn dilyn
system hunan-wasanaeth anffurfiol. Mae ail eisteddiad swper
yn fwy ffurfiol, gyda phrydau yn cael eu gweini wrth y bwrdd.
Rydym yn cynnal nifer o swperau ar gyfer gwestai gwadd pob
tymor, ac mae myfyrwyr yn mwynhau gwahodd eu ffrindiau
i’r rhain. Drwy gydol y flwyddyn rydym hefyd yn cynnal
“Rydw i’n lysieuwr felly wedi fy synnu gyda pha mor dda
yw’r tîm arlwyo am greu prydau diddorol a blasus – tydw
i erioed wedi bwyta mor dda!”
swperau ar achlysuron arbennig ar gyfer myfyrwyr, yn ogystal
â nosweithiau bwyd rhyngwladol poblogaidd.
Rydym yn darparu ystod eang o fwyd da am bris rhesymol, ac
yn addasu ar gyfer yr holl anghenion bwyd. Gall y myfyrwyr
ddewis a ydynt am fwyta yn y Coleg ai peidio: nid oes unrhyw
reidrwydd arnynt i wneud hynny. Mae pob myfyriwr yn derbyn
cerdyn Swipe gan y Coleg a bydd prisiau prydau bwyd yn cael
eu ychwanegu at gyfrif tymhorol y myfyriwr ar sail ‘talu wrth
fynd’. Bydd israddedigion yn eu ail flwyddyn yn byw mewn
fflatiau coleg felly yn hunan-arlwyo: er, yn ystod y dydd mae
coffi, te, diodydd meddal a byrbrydau yn cael eu gweini yn y
bar byrbrydau poblogaidd yn y Junior Common Room (JCR).
Swper mewn golau
cannwyll
Y tîm arlwyo yn paratoi
te graddio
Y Neuadd yn y gwanwyn
Mae’r Middle Common Room (MCR) hefyd yn darparu lluniaeth
ar gyfer ôl-raddedigion.
Mae cyfleusterau’r coleg i gyd yn agored i ôl-raddedigion: gall y
mwyafrif gael llety Coleg os ydynt yn dymuno, ac mae ystafell
gyffredin y Middle Common Room (MCR) wedi ei wneud yn
bwrpasol fel gofod ymlacio a chymdeithasu.
11

Bywyd yng Ngholeg yr Iesu
Iechyd a lles
Mae Rhydychen yn lle arbennig, gyda chyfoeth o
gyfleoedd i gyflawni eich potensial. Fodd bynnag, nid
yw’n anghyffredin i fod angen cefnogaeth lles yn ystod amser
myfyriwr yn Rhydychen.
Yn y Coleg ac ar draws y brifysgol rydym yn cymryd ein
dyletswydd i hyrwyddo llesiant ein holl fyfyrwyr o ddifrif, ac
yn cynnig ystod eang o wasanaethau cefnogaeth lles i sicrhau
bod eich amser yma yn gynhyrchiol, ac y gallwch ymdopi
a mwynhau eich profiad. Mae myfyrwyr yn cofrestru gyda
phractis meddygol y GIC, sydd yn darparu dau Feddyg Coleg
sydd yn cynnal syrjeri yn y Coleg ddwywaith yr wythnos
yn ystod amser y tymor, ac hefyd yn gweld myfyrwyr yn eu
syrjeri cyffredin ac mewn argyfwng. Mae ein Nyrs Coleg yn
cynnal syrjeri yn y Coleg o ddydd Llun i ddydd Gwener yn
ystod y tymor ar gyfer ymgynghoriadau a materion meddygol
llai dwys.
Mae ein Swyddog Lles, Pennaeth, Cyfarwyddwr Academaidd,
Rheolwr Gwasanaethau Academaidd, Cymrawd Lles, Is-
Ddeon, Caplan a Chynghorwyr y Coleg i gyd ar gael i siarad
am unrhyw broblem all godi gennych, a gall Gwasanaeth
Cwnsela’r Brifysgol gynnig cymorth arbenigol pan fo’n briodol.
Mae gan y JCR a’r MCR eu swyddogion lles a systemau
cefnogaeth cyfoedion, ac mae pawb yn y Coleg yn gweithio
gyda’i gilydd i sicrhau bod unrhyw broblemau sydd yn codi yn
cael eu datrys mewn modd amserol a chefnogol.
“Os ydych chi’n fyfyriwr yng Ngholeg yr Iesu sydd
eisiau siarad gyda rhywun wnaiff wrando arnoch
chi mewn preifatrwydd, gallwch siarad gydag un o
gefnogwyr cyfoedion y Coleg. Yn yr un modd, mae
rhestr di-ri o bobl a gwasanaethau y gallwch siarad â
hwy, a nôd y rhwydwaith llesiant yw sicrhau nad ydych
chi byth yn teimlo nad oes rhywun yno i wrando ar
eich pryderon.”
Hygyrchedd
Mae gennym nifer o fyfyrwyr gydag anableddau neu anghenion
unigol gwahanol sydd yn astudio yn llwyddiannus yng Ngholeg
yr Iesu. Rydym yn annog ymgeiswyr gydag anableddau i
gysylltu â ni i drafod llety addas, y posibilrwydd o wneud
addasiadau i gyfleusterau academaidd a chymorth addysgu, cyn
ymgeisio ac hefyd cyn cymryd eu lle. Mae hefyd yn bwysig i
gysylltu gyda’r adran neu gyfadran briodol yn y Brifysgol.
Mae gwybodaeth bellach am ein darpariaeth ar gyfer myfyrwyr
ag anableddau ac anghenion unigol ar gael yma. Mae Swyddfa
Anabledd y Brifysgol yn cynnig gwybodaeth ddefnyddiol, ac
argymhellir eu gwefan, neu gallwch ffonio eu llinell gymorth ar
+44 (0)1865 289824.
Dathliadau
Graddio
12

Mae cefnogaeth
iechyd a lles eang
ar gael ar gyfer
myfyrwyr.
Cyfleoedd cydradd ac amrywiaeth
Mae cydraddoldeb ac amrywiaeth yn ganolog i’n ethos
a’n cennad academaidd. Fel Coleg rydym yn amddiffyn
gwerthoedd cynhwysedd, cydraddoldeb, amrywiaeth a
chyfleoedd i bawb. Mae gennym Bwyllgor Cydraddoldeb
ac Amrywiaeth sydd yn cynnwys aelodau ar draws y
Coleg a Chymrawd Cydraddoldeb ac Amrywiaeth, sydd
yn goruchwylio pob agwedd o sut mae cydraddoldeb ac
amrywiaeth yn rhannau annatod o fywyd y Coleg.
Ymdrechwn i fod yn gynhwysol yn ein ymchwil, dysgu,
cefnogaeth dysgu, yn y broses derbyn, arferion a
gweithgareddau ar gyfer staff a myfyrwyr, ac rydym yn
benderfynol o wneud ein cymuned yn fwy amrywiol gyda
phob blwyddyn aiff heibio.
Gallwch ddarllen mwy am ein polisi C&A, datganiadau a
gweithgareddau yma.
Ein Dirprwy-Bennaeth a Chymrawd
Cydraddoldeb ac Amrywiaeth, yr
Athro Patricia Daley
Llun gan Bill Knight
13

Bywyd yng Ngholeg yr Iesu
Cyllid
Ymrwymwn i sicrhau mai gallu academaidd, ac nid modd
ariannol, yw’r rheswm am ddewis ein myfyrwyr, a gallwn
gynnig cymorth hael i’r rheiny sydd mewn angen.
Bwrseriaethau
Rydym yn rhan o gynllun bwrseriaeth y Brifysgol ar gyfer
israddedigion, ac mae gennym ein cynllun Bwrseriaeth
Mynediad i Goleg yr Iesu ar gyfer israddedigion i ychwanegu
at hyn. Gall y Coleg hefyd gynnig grantiau neu fenthyciadau
di-log o’r gronfa galedi sydd yn bwrpasol ar gyfer unrhyw
fyfyriwr yr ydym yn eu hasesu fel rhywun sydd angen cymorth
ariannol. Ystyrir geisiadau gan bwyllgor ar sail achosion unigol
a chânt eu trin yn gyfrinachol.
Darllenwch fwy am fwrseriaethau israddedig.
Grantiau
Rydym hefyd yn cynnig cymorth ariannol i bob myfyriwr
gyda’u hastudiaethau, beth bynnag fo eu amgylchiadau ariannol.
Mae Cynllun Grant Llyfrau hael i helpu pob myfyriwr i brynu
llyfrau ac offer academaidd. Gall ein holl fyfyrwyr wneud cais
am Grant Gwyliau i’w galluogi i astudio yn Rhydychen am ran
o’r gwyliau. Mae myfyrwyr ôl-raddedig yn elwa o adnodd hael
y Lwfans Ymchwil blynyddol sydd yn eu cefnogi gyda chostau
ymchwil megis mynychu cynadleddau a thripiau ymchwil.
Y cwad cyntaf yn yr haul
Ysgoloriaethau a gwobrau
Cynigwn rychwant eang o ysgoloriaethau, ysgoloriaethau
arddangos a gwobrau i wobrwyo rhagoriaeth academaidd a
chynnydd ar lefelau israddedig ac ôl-raddedig. Gallwch ddarllen
amdanynt yma.
Mae ysgoloriaethau ac ysgoloriaethau arddangos yn darparu
myfyrwyr â swm o sawl can punt y flwyddyn, hawl i rai prydau
am ddim, a lle bo’n berthnasol, gw^ n ysgolor.
Mae gwobrau llyfr yn cael eu rhoi ar sail perfformiad
academaidd, nid yn unig ar gyfer y myfyrwyr disgleiriaf, ond
hefyd ar gyfer y rheiny yr ydym yn tybio sydd wedi dangos
cynnydd ar unrhyw lefel. Mae gennym nifer o wobrau ar
gyfer teithio academaidd yn ystod y gwyliau. Cronfa sydd
yn enwedig o boblogaidd yw Cronfa PW Dodd, anrheg i’r
Coleg yn yr 1930au sydd yn cynnig grantiau i israddedigion i
deithio dramor yn ystod y gwyliau am resymau sydd ddim yn
gysylltiedig â’u hastudiaethau.
Mae cymorth ariannol ar gael i gefnogi gweithgareddau
myfyrwyr, yn unigol ac mewn grwpiau, ym meysydd chwaraeon
a chelfyddydau. Er enghraifft, mae Ysgoloriaethau Sankey ar
gael i gynorthwyo aelodau’r Coleg i dalu am gael eu galw i’r
Bar.
14

Sialc rhwyfo uwchben Grisiau 13
“Mae Bwrseriaeth Mynediad Coleg yr Iesu wedi fy ngalluogi i barhau fy astudiaethau heb
fod ofn peidio gallu cadw dau ben tennyn ynghyd.
^
Pan wynebais gostau annisgwyl yn ystod
fy mlwyddyn olaf, roeddwn yn pryderu na allwn fod wedi medru parhau gyda fy ngwaith
maes a gorffen fy nhraethawd hir. Yn ffodus, roedd Coleg yr Iesu yno i fy nghefnogi fel y
medrwn dalu’r costau annisgwyl gyda grant caledi ar ben y bwrseriaeth yr oeddwn yn ei
dderbyn fel arfer, ac am hynny, rydw i mor ddiolchgar i’r Coleg.”
Gwybodaeth bellach
Israddedigion – Mae llawer o wybodaeth ddefnyddiol am
y cymorth ariannol all fod ar gael i chi yn adran Gyllid ein
gwefan, yn ogystal â gwybodaeth am ffioedd dysgu a chostau
byw.
Ôl-raddedigion – Gallwch ddarganfod mwy o wybodaeth am
ffioedd a chostau cynhaliaeth yma.
“Mae Bwrseriaeth Mynediad Coleg yr Iesu wedi fy helMae’r
bwrseriaethau yn arbennig i leihau’r bwlch a sicrhau bod
pawb yn medru mwynhau profiad Rhydychen.” “Rydw i’n cofio
eistedd i lawr gyda fy rhieni yn trafod cyllid, yn gwybod nad
oeddent yn mynd i fedru fy nghefnogi yn ystod fy astudiaethau.
Roeddwn i wir yn ystyried peidio mynd i’r brifysgol oherwydd
yn blaen doeddwn i ddim yn gwybod os fuaswn i’n medru ei
fforddio. Yn ffodus, sicrhaodd fy ysgol y byddai’r Brifysgol yn
medru darparu ychydig o gefnogaeth, ac erbyn hyn rydw i’n
hapus iawn yn astudio Meddygaeth mewn Coleg arbennig.”
“Rydw i’n ddiolchgar iawn am y
cymorth yr ydw i wedi ei dderbyn
ers dod i Goleg yr Iesu; mae’n
helpu i ysgafnhau baich cyllid, ac
yn fy ngalluogi i fwynhau yr holl
gyfleoedd a’r diwylliant sydd i’w
gynnig yn Rhydychen.”
“Mae Bwrseriaeth Mynediad Coleg
yr Iesu wedi fy helpu i brynu llyfrau a
deunyddiau ysgrifennu, ac hefyd wedi
cyfrannu at gostau bwyd pob tymor,
sydd wedi cynyddu tipyn go lew ers i mi
ddechrau rhwyfo i’r Coleg!”
15

Bywyd yng Ngholeg yr Iesu
Cymdeithasu, clybiau a chymdeithasau
Mae ein cymuned myfyrwyr cynhwysol a chyfeillgar yn
darparu nifer o gyfleoedd i gyfarfod a chymdeithasu, boed
hynny drwy chwaraeon, y celfyddydau, cymdeithasau pwnc neu
grwpiau ffydd.
Gwyl Turl Street
JCR ac MCR
Mae’r holl fyfyrwyr israddedig ac ôl-raddedig yn rhan o’r Junior
Common Room (JCR); mae gan ôl-raddedigion hefyd y Middle
Common Room (MCR). Mae’r JCR a’r MCR fel fersiynau
Coleg o undeb myfyrwyr, yn cynrychioli eu haelodau ac yn
darparu gofod i ymlacio. Mae’r JCR bywiog mewn lleoliad eang
a modern, gan gynnwys ystafell wydr a bar byrbrydau. Yma,
gall y myfyrwyr gyfarfod ffrindiau, darllen papurau newydd a
chylchgronau, chwarae gêm o pool neu wylio’r teledu.
Mae’r MCR mewn dwy ystafell gyda phapurau newydd,
cyfrifiadur rhyngweithiol, chwaraewyr CD a DVD, teledu
a bwrdd pool, yn ogystal â chegin fach ei hun. Mae’r
ddwy ystafell gyffredin yn trefnu llwyth o ddigwyddiadau
cymdeithasol megis cwisiau, nosweithiau ffilm, puntio, brunch ar
ddydd Sul a phartïon.
Mae hoci yn un o nifer o
chwaraeon sydd ar gael
Ewch i wefanau y JCR ac MCR am fwy o wybodaeth.
Gyda’r nos, mae bar y Coleg yn cynnal digwyddiadau
cymdeithasol mewn awyrgylch cyfeillgar, ymlaciol a
chroesawgar.
Gwydr lliw yng
Nghapel Coleg yr Iesu
16

Chwaraeon
Cynigwn gyfleusterau chwaraeon rhagorol, ac mae croeso i
bawb eu defnyddio, yn athletwyr profiadol neu yn chwaraewyr
mwy hamddenol. Mae’r cyfleusterau yn cynnwys;
• Pafiliwn chwaraeon
• Cyrtiau sgwash
• Meysydd chwarae eang gyda chwaraefeydd hoci, criced,
pêl-droed a rygbi
• Cyrtiau tenis a phêl-rwyd gwellt caled
• Ty cwch ar yr Afon Tafwys, gyda chychod ar gael drwy gydol
y flwyddyn i ein criwiau rhwyfo, o ddechreuwyr i rwyfwyr
profiadol
• Mynediad i bwll nofio, stadiwm athletau a champfa y Brifysgol,
yn rhad ac am ddim.
Mae sawl cyfle i brofi chwaraeon newydd ac ymuno ag un o
dimau’r Coleg i gystadlu yn erbyn colegau eraill. Gallwch hefyd
ymuno â chlybiau chwaraeon eraill y Brifysgol.
Cipio’r gwpan!
Summer Eights
Y bop
Celfyddydau
Mae llwyth o gyfleoedd i gymryd rhan mewn cerddoriaeth
y drama ar lefel y Coleg a’r Brifysgol. Rydym yn cynnal Gwyl
Gelfyddydau Turl Street, a drefnir yn unol gan fyfyrwyr y tri
coleg ar Turl Street (Coleg yr Iesu, Exeter a Lincoln). Mae
gennym ein ystafell gerdd ein hunain ar gyfer ymarfer, gyda
phiano cyngerdd ac un cyffredin yno. Mae’r pafiliwn chwaraeon
hefyd yn cynnig gofod cerddorol a dramatig, a chynhelir
cyngherddau cerddorol yn y Capel (sydd ag organ rhagorol,
piano a harpsichord yno). Mae’r Capel hefyd yn gartref i’n Côr,
sydd yn arwain gwasanaeth Corawl yr Hwyrol Weddi pob
dydd Sul yn ystod y tymor, ac yn mynd ar daith yn rheolaidd
yn ystod y gwyliau.
Cymdeithasau pwnc
Mae gennym gymdeithasau pwnc bywiog sy’n cael eu rhedeg
gan fyfyrwyr, er enghraifft mewn Saesneg a Hanes, sydd yn uno
myfyrwyr o wahanol ddisgyblaethau sydd â diddordeb yn y
meysydd hyn, gan wahodd siaradwyr gwadd neu drefnu tripiau
i’r theatr neu fannau o ddiddordeb fel arfer.
Addoli
Croesawn fyfyrwyr o bob ffydd neu yr un, ac mae llefydd i
addoli a chyfarfodydd ar gyfer aelodau o bron pob enwad
neu ffydd yn Rhydychen. Mae ein Capel yn parhau i chwarae
rhan ym mywyd y Coleg ar gyfer y rheiny sydd eisiau cymryd
rhan. Mae gennym Gaplan, ac arweinir Côr y Capel gan
un o Ysgolorion Organ y Coleg, dan arweiniad Cydlynydd
Cerddoriaeth y Capel. Mae gwasanaethau rheolaidd yn y
Capel yn ystod y tymor sydd yn agored i bawb, gyda Chymun
Coleg a phregethwr gwadd unwaith yr wythnos. Mae
amrywiaeth o ddigwyddiadau megis grwpiau trafod a gwersi
derbyn yn cael eu cynnal yn rheolaidd.
17

Ymgeisio i Goleg yr Iesu
Derbyn Israddedigion
Pwy all ymgeisio?
Os ydych chi’n credu y gallech elwa o’r cyfleoedd a
gynigir gan Goleg yr Iesu ac eich bod yn cyrraedd y
safonau academaidd ar gyfer eich derbyn, croesawn eich cais.
Ymdrechwn ein gorau i sicrhau bod y broses ymgeisio yn deg
i ymgeiswyr o bob cefndir a math o ysgol neu goleg. Gellir
darganfod manylion am anghenion derbyn ym Mhrosbectws
Israddedig ar-lein y Brifysgol. Croesawn geisiadau gan fyfyrwyr
aeddfed, ac rydym yn hapus i drafod ceisiadau o’r fath yn unigol.
Mae ein Cymrawd Mynediad wastad yn hapus i ateb unrhyw
gwestiynau am gyrsiau neu’r broses fynediad yn gyffredinol, ac
i drefnu i gyfarfod darpar ymgeiswyr, teuluoedd, athrawon a
grwpiau ysgol.
Pa gymwysterau sydd eu hangen arnaf ac ar pa
lefel?
Bydd nifer o’n ymgeiswyr yn sefyll arholiadau Lefel-A,
arholiadau Uwch Albanaidd ac Uwch Pellach (efallai mewn
cyfuniad â lefelau A2), neu Bagloriaethau Rhyngwladol ac
Ewropaidd, ond rydym yn ystyried yr holl gymwysterau
cyfartal. Mae’r mwyafrif yn ymgeisio cyn iddynt sefyll eu
arholiadau, ond rydym hefyd yn croesawu ceisiadau ar ôl sefyll
arholiadau. Mae’r holl ymgeiswyr yn cael eu hystyried gyda’i
gilydd pob Rhagfyr ac nid ydym yn cymryd rhan yn y broses
‘clirio’ yn yr haf.
Darganfyddwch fwy am gymwysterau yma.
Ar beth arall ydym ni’n edrych?
Yn ogystal â graddau disgwyliedig neu wir raddau (neu
gyfartal), rydym hefyd yn edrych ar eich record academaidd
yn y gorffennol a’ch geirda. Mewn rhai pynciau gofynwn am
samplau o’ch gwaith cwrs ysgrifenedig, ac mewn rhai pynciau
bydd rhaid i ymgeiswyr gymryd profion ysgrifenedig cyn
llunio rhestr fer y cyfweliadau. Bydd yr ymgeiswyr ar y rhestr
fer yn cael eu gwahodd i gyfweliad. Dim ond un rhan o’r
broses dderbyn yw’r cyfweliad ac rydym yn darparu cyngor
i ymgeiswyr am baratoi ar gyfer cyfweliadau, yn ogystal â
chynnig gwybodaeth penodol ar bynciau mewn cyfweliadau
yng Ngholeg yr Iesu.
Darganfyddwch fwy am y broses gyfweld yma.
Sut mae’r gystadleuaeth?
Mae’r gystadleuaeth i gael lle yng Ngholeg yr Iesu yn gryf. Nid
oes gennym gwota ar gyfer gwahanol fathau o gefndir addysgol
neu wlad wreiddiol. Rydym yn gwneud ein penderfyniadau ar
sail meini prawf academaidd yn unig. Ar sail yr holl wybodaeth
sydd ar gael, rydym fel arfer yn cynnig llefydd i ychydig dros
100 o ymgeiswyr bob blwyddyn, allan o tua 600 o ymgeiswyr
ar y cyfan.
Beth os ydw i eisiau cymryd blwyddyn allan?
Pob blwyddyn rydym yn cynnig nifer fach o lefydd ar gyfer
mynediad hwyr i ymgeiswyr sy’n cymryd ‘blwyddyn allan’.
Mae’n rhaid i chi ymgeisio am fynediad hwyr wrth wneud eich
cais: ni allwch newid eich meddwl ar ôl i gynnig gael ei wneud.
Sut alla i ddarganfod mwy?
Mae gwybodaeth bellach am y broses dderbyn a phob
agwedd o’r Brifysgol i’w cael ar dudalennau penodol Derbyn
Israddedigion gwefan y Brifysgol. Gallwch hefyd gysylltu â ein
Cymrawd Mynediad a Swyddog Derbyn fydd yn hapus i gynnig
cymorth a chyngor. Cysylltwch â ni yma.
Derbyn Ôl-raddedigion
Mae system dderbyn ôl-raddedigion yn wahanol i’r system
dderbyn i israddedigion. Mae Ôl-raddedigion yn ymgeisio i
Rydychen erbyn un o dri dyddiad cau ar wahanol adegau o’r
flwyddyn. Mae’n bwysig gwirio tudalen Derbyn Ôl-raddedigion
y Brifysgol (Postgraduate Admissions) i weld pa ddyddiadau
cau sydd yn berthnasol i’ch cwrs. Gall ymgeiswyr nodi dewis
cyntaf o goleg ar eu ffurflen gais neu gofyn i’r Brifysgol ddewis
coleg ar eu cyfer.
18

Ystyrir geisiadau i ddechrau gan adranau a chyfadranau, ac
os y cynigir lle, mae’r cais wedyn yn mynd ymlaen i goleg. Yng
Ngholeg yr Iesu, mae blaenoriaeth yn cael ei roi i ymgeiswyr
sydd yn ymchwilio i feysydd tebyg i rai ein Cymrodorion, ac
mae gennym le ar eu cyfer o fewn ein cwota derbyn. Rydym
fel arfer yn derbyn dros 90 o ôl-raddedigion pob blwyddyn.
Os nad ydym yn medru derbyn ymgeisydd i Goleg yr Iesu
sydd wedi cael eu derbyn gan yr adran neu gyfadran, bydd
cynnig lle mewn coleg arall yn Rhydychen wedi ei warantu.
Rydym yn darparu
canllawiau ar gyfer
paratoi at gyfweliadau
Dyddiau agored ac ymweliadau
Mae’n wir ddrwg gennym na allwn eich croesawu i
ymweld â’r Coleg wyneb-yn-wyneb ar hyn o bryd, ond
cofiwch gysylltu os oes gennych unrhyw gwestiynau.
Darganfyddwch fwy am ein Dyddiau Agored ac ymweld â
Choleg yr Iesu yma.
Edrychwn ymlaen at pan allwn ailagor ein drysau i
arddangos y lle ac i chi gyfarfod ein myfyrwyr a darlithwyr
wyneb yn wyneb.
Sut alla i ddarganfod mwy?
Am fwy o wybodaeth, ewch i ein tudalen derbyn ôlraddedigion
yma a phorwch y dudalen Derbyn ar wefan y
Brifysgol. Gallwch hefyd gysylltu â ein Swyddog Derbyn.
19

“Mae Coleg yr Iesu yn ymddangos mor
‘Rydychenaidd’ ag y gall fod, ond peidiwch â
chymryd hynny yn ganiataol. Mae’r ymdeimlad cryf
o gymuned yn golygu bod cyfeillgarwch agos yn
pontio blynyddoedd, pynciau, ac mae ein aelodau
LDHT+ yn rhan annatod o fywyd Coleg. Mewn dau
dymor byr mae Coleg yr Iesu wedi dod yn gartref i
mi ac wedi fy ngwneud yn Jesubite balch iawn”
Tomer Amit, Myfyriwr Israddedig, Daearyddiaeth
Cysylltwch â ni
Jesus College,
Turl Street, Oxford
OX1 3DW UK
Ffôn: +44 (0) 1865 279700
www.jesus.ox.ac.uk
Rydym yn hapus iawn i siarad gyda darpar fyfyrwyr, eu teuluoedd,
athrawon a grwpiau ysgol, boed hynny dros ebost, ffôn neu yn rhithiol
drwy blatfformau megis Zoom neu Microsoft Teams.
I drefnu sgwrs, cysylltwch â’n Cymrawd Mynediad:
Ffôn: +44 (0)1865 287261
Ebost: access.fellow@jesus.ox.ac.uk
Ar gyfer gwybodaeth am dderbyn israddedigion ac ôlraddedigion,
cysylltwch â’n Swyddog Derbyn:
Ffôn: +44 (0)1865 279721
Ebost: admissions.officer@jesus.ox.ac.uk
Cynnwys gan Dr Alexandra Lumbers (Cyfarwyddwr Academaidd), Dr Matthew Williams
(Cymrawd Mynediad), Shelley Knowles (Cynorthwyydd Mynediad) a Jude Eades (Rheolwr
Cyfathrebu) gyda diolch i’n myfyrwyr a chyn-fyfyrwyr am eu cyfraniadau. Lluniau gan Bev
Shadbolt, John Cairns, Jessica Keating, BAM Construction Ltd, Jude Eades a Peri Heaton.
Dyluniadau graffeg â llaw wedi eu dylunio gan Gareth Wild, Apropos. Cynllunwyd gan
Imageworks, Rhydychen. Cedwir pob hawl. Ni all unrhyw ran o’r cyhoeddiad hwn gael ei
ailgynhyrchu, ei storio mewn system arbed nag ei drosglwyddo mewn unrhyw ffurf nag mewn
unrhyw fodd yn electroneg, mecanyddol, llungopi, recordiad neu fel arall heb ganiatâd blaenorol.
Gyda diolch i Lois Williams am y cyfieithiad Cymraeg. © Jesus College, Oxford Mehefin 2020.