KAMP IS LEKKER Desember 2020
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
GEHEIME WORD<br />
ONTSLUIT<br />
DEUR<br />
MAKRO-<br />
FOTGRAFIE<br />
PIERRE LABUSCHAGNE praat die maand met ons<br />
oor hierdie besonderse afdeling van fotografie<br />
wat so dikwels afgeskeep word, bloot net omdat<br />
ons nog nie geleer het om kleiner te kyk en te dink,<br />
as bloot net die sigbare wêreld waaraan ons so<br />
gewoond is nie.<br />
<br />
<br />
<br />
<br />
<br />
Leer om te kyk!<br />
Buk af en gaan grond-toe!<br />
Trap en stap versigtiger!<br />
Moenie haastig wees nie!<br />
“Size does matter…”<br />
Woorde en foto’s deur Pierre Labuschagne<br />
LEER OM TE KYK!<br />
Ons raak té gou té gewoond aan dinge rondom ons, en in die proses verleer ons<br />
om te kyk! Anders gestel: Ons kyk, maar ons sien nie raak nie! Makro-fotografie<br />
leer jou om weer te begin kyk na goed rondom jou wat net as vanselfsprekend<br />
aanvaar word! Met my makro-lens dwing ek myself om meer oplettend te wees<br />
oor wat rondom my gebeur in die mikro-kosmos rondom ons. Daar is net te veel<br />
voorbeelde om te begin opnoem oor wat regtig oral om ons gebeur! Ek moes met<br />
‘n skok besef hoeveel ek mis, en ek moes leer om weer te kyk!<br />
Makro-fotografie is nie maklik nie. Dis ‘n gespesialiseerde afdeling daarvan, en<br />
heel dikwels het mens gespesialiseerde toerusting nodig. Makro-lense is ook nie<br />
goedkoop nie, en dit maak dit minder toeganklik vir die algemene publiek en self<br />
vir amateurfotograwe. Tog is daar ‘n nuwe wêreld versteek in die miniatuur<br />
kosmos rondom ons. Leer om weer die klein goedjies te begin raaksien, en jy sal<br />
verstom staan oor wat daar alles te siene is…<br />
BUK AF GROND-TOE!<br />
Heel dikwels is die wêreld van makro-fotografie baie na aan die grond. Dit vra van<br />
die fotograaf om laag te buk en te buig en om af te gaan tot op grondvlak –<br />
letterlik! Insekte kan klim en klouter tussen die takke, en jy kan hulle raaksien op<br />
oog-hoogte, maar sommige sampioene en varings is piepklein en groei net op die<br />
grond – veral op verottende plantmateriaal, dieremis of reeds bestaande<br />
kompos. Dis hoekom ons hulle so maklik miskyk. Baie van hulle is net te klein en<br />
te laag.<br />
Hoeveel keer stap<br />
ons verby blare<br />
wat ‘n paar<br />
druppels op het na<br />
‘n reënbui. Sonder<br />
om te besef wat<br />
ons mis, kan dit ‘n<br />
pragtige makrofoto<br />
inhou!
Change language