KAMP IS LEKKER Desember 2020

Ek het in Mei 2012 besluit het om die Tora‐Kampeerder/boswa te begin bou
Diegene wat nog nie so‐iets aangepak weet nie hoeveel tyd gespandeer word op klein dinge wat
eintlik heel eenvoudig lyk . Soos die ontwerp en maak van die oplig‐meganisme van die dak van die
sleepwa waaraan al 4 die sytente permanent vasgeheg is. Die staalraamwerk, die top‐ en kantseile
het 'n redelike gewig en jy moet inagneem dit moet 2.7m gelig word vanaf die grond.
Die sleepwa het ook 4 ingeboude ligte met 'n standaard 220V plug op elke hoek van die sleepwa.
Hierdie was ook 'n klein maar tydrowende storie om te maak. Die kantdeksels van die sleepwa is so
ontwerp dat die gasstoof ingebou kon word . Die struktuur van die sykantdeksels moes ook baie lig
wees, so dat dit nie kan buig nie, want elkeen word net op een hoek gestut met 'n ketting. Hierdie is
die werksoppervlak in die kombuis.
Aangesien die Kampeeropset 'n los eenheid is wat net op die sleepwa gemonteer word was ek verplig
om alles met SS‐ boude te heg i.p.v vas‐sweis. Dus moes elke eenheid op sy eie gemaak word, wat ook
sy voordele het.
Ek beskou 'n boswa/kampeerder net as 'n pakplek van kamptoerusting en in my geval ook jou
slaapeenheid aangesien dit binne die wa is en nie bo‐op soos al die ander in die mark nie.
Die Sytente is vir my meer belangrik as die boswa self, aangesien dit die plek is waar jy moet kosmaak
, kuier asook aantrek ens . Gewoonlik is dit 'n nagmerie as jy die tent vir verskeie doeleindes moet
gebruik . Hier is my Boswa anders aangesien vertrekke geskep is vir die doel waarvoor dit gemaak is.
Jy het dus 'n Kombuis/opwas‐vertrek op sy eie. Jy het 'n Aantrekvertrek met 'n hangkas op sy eie. Jy
het 'n Slaapvertrek op sy eie. Jy het 'n BAR/kuier‐area op sy eie . Jy het ook 'n Badkamer, met 'n spieel
en wasbak op sy eie. ( sien vloerplan )
Gelukkig het ons in Potch 'n uitstekende Tentmaker ( Sarel, eienaar van CANVALODGE ) wat al my
tentwerk vir my gedoen het. Al wat ek moes doen is om die planne met "Cut en Final size" mates vir
hom te gee. Om 'n tent te ontwerp en te teken is baie moeiliker as wat mens dink en dit het heelwat
tyd inbeslaggeneem. Die maak was gelukkig sy probleem. ( wat weet ek nou van stik af ). Alle PVCwerk
doen ek self, sleepwa se dak, sakke ens. Ek plak dit op dieselfde manier as wat " rubberducks"
gebou word.
Die buigwerk van die Alluminium kantklappe en die raamwerk van die kaste het ek laat doen by
Chrisko staalwerke . Alle staal‐ ,sweis‐, spuit‐, en monteerwerk asook elektriese werk ens. het ek self
gedoen.
Die vraag hoe lank het dit geneem om te bou moet ek dalk opbreek in verskillende aspekte
Beplanning/Ontwerp/herbeplan/skoolgeldbetaal, dan eers bou, dit is die maklikste van die taak.
Spuitverf van topraam
Kombuiskant ( sien ligte)