Kamp is Lekker Tydskrif Augustus 2020
Kamp is Lekker is 'n gemaklike kamp tydskrif met die beste kamp stories, mooiste fotos kampwenke van kampeerders in Suid Afrika. Hier word stories gebou.
Kamp is Lekker is 'n gemaklike kamp tydskrif met die beste kamp stories, mooiste fotos kampwenke van kampeerders in Suid Afrika. Hier word stories gebou.
Create successful ePaper yourself
Turn your PDF publications into a flip-book with our unique Google optimized e-Paper software.
N
ona Rosa Wegbreek is ‘n baie rustieke kamp,
aan die voet van ‘n 55 meter hoë krans geleë.
Die kamp is op ‘n werkende plaas en daar is
dus geen verkeer wat jou rus en vrede gaan verstoor
nie. Die krans keer ook die wind af en kamp jy dus
beskut aan die voet van die hoë rots formasie. Die
bush camp is ideaal vir kampers wat in ‘n groep wil
gaan kamp en nie deur ander kampeerders gesteur wil
word nie.
Daar is ‘n groot lapa in die middel van die
kampterrein. Die lapa het ‘n oop dak en daar is
rustieke stoele en banke in die lapa. Die lapa beskik
oor ‘n groot geboude klipbraai en braaiblad waar
kampeerders kan vuur maak om te braai of om ‘n
lekker potjie te maak. Die rustieke badkamers is ‘n
grasdak houthut met 2 storte, 2 toilette en ‘n wasbak.
Daar is genoegsame warm water aangesien die warm
water voorsien word via ‘n gas geyser. Vir opwas van
skottelgoed is daar ‘n klein opwasarea. Daar is nie
elektrisiteit by die kamp nie, maar daar is saans
sonkrag lig beskikbaar. Die water by die kamp is vars
en drinkbaar – dus is dit nie nodig om water aan te ry
nie. Daar is ook nie selfoon ontvangs by die kamp nie,
maar as jy teen die bult uitloop sal jy wel ‘n oproep
kan maak.
Weens die aard van die grondpad, sal ek nie
aanbeveel dat jy met ‘n gewone karavaan by die
Boskamp gaan kamp nie, maar boswaens en
kampeerders met tente is welkom om te kom kamp
by Nona Rosa. Gewone sedan voertuie kan ook Nona
Rosa bereik, maar baie lae “clearance” voertuie sal
sukkel om by die kamp te kom.
Ek en my pa, Rikus het die oggend by die Boskamp
wakker geword met die helder roep van die visarend –
dis mos die lekkerste wekker wat mens voor kan
vra…en het dadelik in die lapa ‘n vuurtjie gaan
aansteek vir ons vroegoggend koffie. Ek het vir ons ‘n
lekker kamp-ontbyt gemaak en toe was ons manne
reg om die dag aan te pak. Ons het ‘n entjie gaan stap
en uitgekyk vir die menigte voëls wat by Nona Rosa te
sien is – daar is al sowat 117 spesies aangeteken in die
omgewing.
Ons het baie lekker gekuier by Nona Rosa en sal beslis
weer ‘n naweek wegglip om by Oom Cecil Uys op
Nona Rosa te gaan kamp.
https://www.lekkerkampplekke.co.za/kampplek/nona
-rosa-wegbreek/
GPS: S 34°14″44.99988′, E 20°49″44.00004′
Tel: 082 907 2479